Isaías 1:1 - Qullan Arunaca

¹ Amoz chachan Isaías yokapajj Judá marcampita, Jerusalén marcampita uñacht'äwi toke catokäna; cunapachatï Uzías, Jotam, Acaz, uqhamaraqui Ezequías reyinacajj Judá marcar apnakcän uca maranacanwa jupajj uca uñjäwi uñjaraquïna:

Aymar Bibliia 1986

¹ Amoz chachan Isaías yokapajj Judá marcampita, Jerusalén marcampita uñacht'äwi toke catokäna; cunapachatï Uzías, Jotam, Acaz, uqhamaraqui Ezequías reyinacajj Judá marcar apnakcän uca maranacanwa jupajj uca uñjäwi uñjaraquïna:

Qullan Arunaka DC

¹ Tatitux Isaías profetaruw parlxayäna, jupasti Amós chachan yuqapänwa, israelitanakax Judá uraqin jakapkäna ukanakar yatiyañapatakiw walja yatiyäwinak churäna. Kunapachatix Uzías, Jotam, Ahaz, Ezequías uka reyinakax Judá marka apnaqapkäna uka maranakan Isaías profetax aka arunak Tatitut katuqäna.

Isaías 1:1 Jak'a apnaqawi uñst'ayäwi

2 Reyes 15:1

Cunapachatï Israel marcanquir Jeroboam reyejj pä tunca pakallkoni mara apnakcäna ucqhawa Amasías chachan Azarías yokapajj reyïña kalltäna Judá orakena.

2 Reyes 15:13

Jabes chachan Salum yokapasti kalltänwa reyïña, cunapachatï Judá marcanquir Uzías reyejj quimsa tunca llätuncani mara apnakascäna ucqha. Ucampis mä phajjsiquiwa Samaria marcana apnakäna.

2 Reyes 15:32

Cunapachatï Remalías chachan Peka yokapajj pä mara apnakascäna ucqhawa Uzías chachan Jotam yokapajj Judá marcjjaru apnakaña kalltäna.

2 Reyes 15:7

Cunapachatï Azarías reyejj jiwjjäna ucqhajja Davidan Marcapanwa imt'jjapjjäna, nayra awquinacapamp chica. Jupa lantisti Jotam sat yokapaw reyëjjäna.

2 Reyes 18:1

Cunapachatï Ela chachan Oseas yokapajj Israel marcana quimsa mara apnakascäna ucqhawa Acaz chachan Ezequías yokapajj Judá marcana reyïña kalltäna.

2 Reyes 19:2

Ucatsti Amoz chachan Isaías profet yokapan ucaruw qhitäna palacionquiri Eliaquim sat mayordomoro kellkeri Sebna sat chacharu, uqhamarac sacerdotenacat jilïr awquinacaru chhanqha isinacamp isthapita llaquisiña uñacht'ayañataqui,

2 Crónicas 26:1

Ucatsti Judá orakenquiri take jakenacajj Uziasaru catusinjja reyitwa utt'ayapjjäna, Amasías awquip lanti. Ucapachasti Uziasajj tunca sojjtani maranïnwa.

2 Crónicas 26:22

Ucat ucjjaru Uzías reyin luratanacapasti kalltata tucuycamajja, Amoz chachan yokapa Isaías profetaw kellkäna.

2 Crónicas 27:1

Jotam reyejj cunapachatï pä tunca pheskan maranïcäna ucqhawa apnakaña kalltäna, ucatsti Jerusalén marcanjja tunca sojjtan maraw apnakäna. Taycapasti Jerusa satänwa, jupasti Sadoc chachan phuchapänwa.

2 Crónicas 28:1

Acaz reyejj cunapachatï pä tunca maranïna ucqhawa apnakaña kalltäna, ucatsti jupajj Jerusalén marcanjja tunca sojjtan maraw apnakäna; ucampis jupan luräwinacapajja Tatitun nayrakatapanjja janiw chekapäcänti, nayra David awquipjamajja.

2 Crónicas 29:33

Takpacha uywanaca loktapcäna ucanacasti sojjta pataca orko vacanaca, uqhamarac quimsa waranka ovejanacaraquïnwa.

Salmos 89:19

Nayra pachanjja, uñstäwi tokew parläyätajja, iyawsirinacamarusti aqham säyätawa: “Marcajj taypit jan ajjsarir chacharuw ajllista, juparuw jach'ar aptta, yanaparacta.

Isaías 13:1

Babilonia toke profecía arunaca, Amoz chachan Isaías yokapaw unañchäwi toke catokäna:

Isaías 2:1

Aca arunacasti Isaías profetan arunacapawa, jupasti Amoz chachan yokapänwa, acsti uñjäwi toke uñjaraquïnjja, Judá marcampita, Jerusalén marcampita:

Isaías 20:2

Ucapacharaquiw Tatitojj Amoz chachan Isaías yokaparu parlaraquïna, aqham sasa: “Apsusim uca chhanqha isi, cunampitejj ist'atäcta uca, uqhamaraqui sapatonacamsa thatsusiraquim.” Isaíasasti uqhamwa luri, k'alalsusiwa ucatsti sapatsusiraquiwa.

Isaías 21:2

Diosajj cuntejj uñacht'ayquitu ucasti ajjsarcañawa; lunthatirejj lunthatiwa, t'unjiristi t'unjaraquiwa. ¡Elam, sartasim! ¡Medo jakenaca, nuwantapjjam! ¡Janiw juc'ampi cunsa ist'añ muncti!

Isaías 37:2

Ucatsti qhitaraquïnwa Eliaquim chacharu, jupasti palacion yänac uñjirïnwa, Sebna kellkerimpiru, uqhamaraqui jilïri sacerdotenacampirusa, chhanqha isinacampi isthapita llaquisiñanacapa uñacht'ayañataqui. Jupanacasti Amoz chachan yokapa, Isaías profetaru jicjjatiriw sarapjjäna.

Isaías 38:1

Uca urunacasti Ezequías reyejj walpun usuntäna, Amoz chachan yokapa Isaías profetaw uñjir saräna, saraquïnwa: “Tatitojj aqham siwa: ‘Cuna ewjjanacsa familiamarojj ewjjt'asiwayjjam, jichhajj jiwjjätawa, janiw kollascätati” —sasa.

Isaías 40:9

Sión, mä kollu patar maqhatam, wali ch'amampirac art'am, mä suma yatiyäwi yatiyañamataqui. Jerusalén marca, jan ajjsarasa art'ascaquim, Judá orakenquir marcanacarusti yatiyaraquim: “¡Acanquiw jumanacan Diosamajja!” sasa.

Isaías 6:1

Rey Uziasajj jiwjjän uca marajja, Tatituruw uñjta mä jach'a alto tronon kont'ata; mantopan puntanacapaquiraquiw templorojj phokhantäna.

Isaías 7:1

Siria marcan reyipa, Rezín sat uqhamaraqui Israelan reyipa, Peka sat sutini, jupasti Remaliasan yokapänwa; uca pani reyejj Jerusalén marcaruw nuwantapjjäna atipjañracwa munapjjäna, ucampis janiw ch'amanïpcänti catuntasiñataquejja. Acasti lurasïnwa cunapachatejj Acaz reyejj Judá marca apnakcän ucapacha. Jupasti Jotaman wawapänwa Uziasan allchhiparaqui.

Jeremías 23:16

Take ch'amani Tatitusti siwa: “Israelitanaca, cuntejj profetanacajj parlapjje ucanacarojja jan ist'apjjamti; parlatanacapasti c'ari arunacaquiwa. Jupanacan amtata arunacacwa parlapjje, janiraquiw nayajj jupanacaru cuna arunacsa churcti.

Ezequiel 1:1

Naya, sacerdote Ezequiel, Buzi sat jaken yokapa, mä uruw nayajj Quebar sisqui uca jawira thiyan sayt'ata, ucancascäyäta, Babilonia orakena, cawquïrinacatejj uca jaya marcaru preso apatäpcäna ucanacampi chica. Uqhamäquiriruw alajjpachajj jist'artäna ucatsti Diosarojj tronopjjan kont'ata uñjaracta. Uca urojj pheska uru sarakatänwa pusïri phajjsita, quimsa tunca mararaquïnwa Joaquín reyejj preso apatäcän ucatjja niya pheska mararaquejjänwa. Tatitusti nayjjaruw amparapjja lokjjatitu.

Oseas 1:1

Tatitu Diosajj aca arunacwa Beerin Oseas yokaparu parläna, Uzías, Jotam, Acaz uqhamaraqui Ezequías reyinacan urunacapana; jupanacasti Judá marcan reyinacapänwa; Joás chachan Jeroboam yokapasti Israel marcan reyiparaquïnwa.

Amós 1:1

Aca arunacsti Amós chachaw catokäna, jupasti oveja awatirïnwa Tecoa marcanquiriraqui, uca arunacsti Diosatwa catokäna Israel marcjjata, orak qhathati pasañapataqui janïr pä maräquipana, uca urunacansti Judá marcanjja Uziasaw reyïscäna, Israel marcansti Joasan Jeroboam yokaparaquiw reyiscaraquïna.

Amós 4:5

Jan levaduran t'ant'a nact'ayasa yuspagarasina ofrenda loktasipjjaraquim, yatiyapjjaraquim take chekana ofrenda churapcäta ucanacsa, niyaquejjay jumanacataquejj uqham lurañajj sumächejja.” Uqham siw Tatitojja.

Miqueas 1:1

Aca arunacajj cuntejj Tatitojj Moreset chekan utjir Miqueasaru parljjaycän uca arunacawa. Tatitusti juparojj unañchäwi toket uñacht'ayäna Samariana, Jerusalenana cunanacatejj lurascani uca tokenacata, ucsti uñacht'ayänwa Jotam, Acaz, uqhamarac Ezequías reyinacajj Judá marca apnakcänjja uca urunacana.

Nahúm 1:1

Aca yatiyäwisti Nínive marcaru apayatawa, Elcosanquir Nahuman unañchäwi uñjatapa libroraquiwa.

Habacuc 2:2

Dios Tatitojj saraquituwa: “Kellkam ñek'e tablanacaru cuntejj uñacht'aycäma uca, ucasti mäqhi leet'cañaraquïñapawa.

Números 12:6

Tatitusti jupanacarojj sänwa: “Ist'apjjam cuntejj sapcäma uca arunaca. Jumanac taypintejj mä profetajj nayat parliri utjani ucqhajj nayaw jupampi parlasï; visionanac toke, uqhamarac samcanac toke jupampejj parlasiraquï.

Números 24:16

Cunapachatejj ajayuncqui ucqhajj juc'ampi sum uñji; yatiraquiw cuntejj alajjpachanquir Diosajj yatqui ucsa; arunacsa catokaraqui, uñacht'äwinacsa, jach'a ch'amani Dios toketjja.

Números 24:4

Cunapachatejj ajayuncqui ucqhajj juc'amp suma uñji, suma arunacwa catokaraqui, uqhamarac ajayun uñacht'äwinacsa take ch'amani Diosatjja.

Mateo 17:9

Uca kollut sarakasincasinjja Jesusajj aqham sasaw jupanacarojj sawayi: —Janiw qhitirus aca uñjäwi yatiyapjjätati, cunürutejj Jaken Yokapajj jiwatanac taypita jactcani ucürcama.

Hechos 10:17

Pedrojj uca unañchäwi uñjäwitjja wal lup'iscäna: “¿Cun sañs munpach ucajja?” sasa. Uca quicpa horasaw Cornelion qhitanit jakenacajj puncur purinipjjäna. Jupanacasti lip'ichinacampi lurir Simonan utapat jisct'as jisct'asaw purinipjjatayna.

Hechos 26:19

“Ucatwa rey Agripa, nayajj alajjpachat ist'cäyät uca arurojj jaysta.

2 Corintios 12:1

Naya pachpat jach'achasiñajjajj janiw waquisquiti, cuna unañchäwinäctï uñjcta uqhamaraqui cuna yatiyäwinactï Tatitojj churquitu, ucanacatwa parläjja.

2 Pedro 1:21

Profetanacasti janipuniw cunsa munañanacapatjja parlapcänti, jan ucasti jupanacajj Diosar catuyata jakenacäpjjänwa, Dios toketaracwa parlapjjänjja, Kollan Ajayun amuyt'ayata.