Isaías 1:2 - Qullan Arunaca

² Alajjpachamp acapachampi, ist'apjjam cuntejj Tatitojj sisqui uca: “Wawanac uywasta jilarañapcama, ucampis jupanacajj nayataquiquiw sayt'asjjapjje.

Aymar Bibliia 1986

² Alajjpachamp acapachampi, ist'apjjam cuntejj Tatitojj sisqui uca: “Wawanac uywasta jilarañapcama, ucampis jupanacajj nayataquiquiw sayt'asjjapjje.

Qullan Arunaka DC

² Alaxpachampi, akapachampi, ist'apxam kuntix Tatitux siski uka: “Wawanak jilarañapkamaw uywasta, ukampis jupanakax nayatakikiw sayt'asxapxi.

Isaías 1:2 Jak'a apnaqawi uñst'ayäwi

2 Reyes 21:22

Uqhamawa jupajj Tatitur apanucüna nayra awquinacapana Diosaparu, ucatsti janiw jupan munañaparjama lurcänti.

Salmos 49:1

Takpach marcanaca, aca arunac ist'apjjam, acapachan jaquirinaca, sum ist'apjjam:

Salmos 50:4

Diosajj alajjat alajjpacharus acapacharus jawsi, marcapar taripäwi uñjayañataqui.

Isaías 30:1

Tatitusti saraquiwa: “¡Ay, cunaquïcan khoru wawjama sarnakapqui ucanacataquejja, jan nayar jisct'asisa cuns amtapjje, jan nayan amuyt'ayat amtäwinac waquichapjjaraqui, uqhamat juchat juchjjaru montonapjje!

Isaías 30:9

Aca marcajj Diosataqui sayt'asir marcawa, janiw take chuymäcaraquiti, janiraquiw Tatitun yatichäwinacapsa ist'añ munapquiti.

Isaías 31:6

Israelan wawanacapa qhitirutejj wal chuymapa ust'ayapcta ucar cutjjapjjam.

Isaías 34:1

Marcanaca, jac'achasinipjjam ist'añataqui; jach'a marcanaca, wal wal ist'apjjam. Take aca orakpacha ist'pan uqhamaraqui ucan utjirinacasa, take aca orakpacha, cunanacatejj pokqui ucanacamppacha.

Isaías 63:16

¡Jumätaw nanacan awquejjajja! Abrahamajj inas jani uñt'apcchitaniti, Israelas janiraqui nanacatjja inas amtascjjchiniti, ucampis Tata, jumaw nanacan awquejjätajja; nayratpacha jumaw nanacan khespiyirejjätajja.

Isaías 65:2

Jornälaraquiw amparajja loktata uñjasta, nayataqui sayt'asir marcar apanjjañataqui, uca marcasti jan wali thaquinjamwa sararaqui, pachpa amtatanacapa arcasa;

Jeremías 13:15

¡Israelitanaca, Tatitojj siwa! Jan jach'a jach'a tucupjjamti, jan ucasti sum ist'apjjam.

Jeremías 22:29

Orake, orake, orake: Tatituna arunacapa ist'am.”

Jeremías 3:22

Nayatac sayt'asir wawanaca, nayan ucar cuttanjjapjjam, nayaraquiw jumanacarojj naya toke sayt'asitanacamatjja kollart'jjapjjäma” sasa. “Acancapjjtwa, jumaruw maqhatjjapjjaracsma, jumätaw nanacan Tatitu Diosajjajja.

Jeremías 31:9

Tatitur yuspagarasa, jacht'asisaraquiw cuttanjjapjjani. Nayasti jupanacarojj jaliri uma thiyanacaruw irparaquï, mä suma pampa thaquinjam irparaquï jan liwisipjjañapataqui. Nayasti Israelan awquipätwa, Efrainasti jilïri yokall wawajjaraquiwa.

Jeremías 6:19

Jumas, orake ist'araquim: Aca marcarusti mä jach'a jan walt'añwa apayani, jan wali lurañanacaqui amtasipcatapata; arunacajjarusti janiw ist'apcaraquitänti, jan ucasti yatichäwinacajj-jja jisc'achapjjewa.

Ezequiel 24:3

Ucatsti aca nayataqui sayt'asir marcarojj aca arunac saraquim jupanacan amuyt'asipjjañanacapataqui. Nayan sutejjarusti jupanacarojj saraquim: ‘Mä phuqhu ninar itjjatam, umampi ucaru warantaraquim;

Ezequiel 36:4

Uca laycu, Israelanquir kollunaca, cuntejj Tatitojj kollunacaru, lomanacaru, jawiranacaru, vallenacaru sisqui uca arunac ist'apjjam; cawquïrinacatejj t'unjatäqui, cawquïri marcanacatejj wasara tucuyatäqui, Israel marcanjja, uca yakha jac'anquiri marcanacampi lunthatjatäpqui jisc'achañampi uñjatäpqui uca marcanac toke.

Amós 3:1

Israelitanaca, ist'apjjam cuntejj Tatitojj Egipto marcat irpsunqui uca familianacar sisqui uca arunaca:

Miqueas 1:1

Aca arunacajj cuntejj Tatitojj Moreset chekan utjir Miqueasaru parljjaycän uca arunacawa. Tatitusti juparojj unañchäwi toket uñacht'ayäna Samariana, Jerusalenana cunanacatejj lurascani uca tokenacata, ucsti uñacht'ayänwa Jotam, Acaz, uqhamarac Ezequías reyinacajj Judá marca apnakcänjja uca urunacana.

Miqueas 1:2

“Take marcanaca, ist'apjjam acanaca; take aca marcpachan utjir jakenaca, sum ist'apjjam: Tatitojj kollana templopatpachwa jumanacataqui arsuni.

Miqueas 3:8

Ucampis nayarojja Tatitun ajayupaw phokt'itu, ch'amapampi, cheka cancañapampi, uqhamarac jan ajjsarañampi, uqhamat Israel marcaru Dios contra sayt'asitapa, uqhamarac juchapata khanañchañajjataqui.

Malaquías 1:6

Take ch'aman Diosasti sacerdotenacarojj aqham siwa: “Wawanacasti awquinacaparojj munapjjewa, uqhamaraqui uywatanacas uywirinacaparojj munapjjaraquiwa. Ucampisa nayatejj jumanacan awquinacamästa, ucapachasti ¿cunatarac jan nayarusti munapjjesta? Nayatejj jumanacan uywirimästa ucqhasti, ¿cunatarac jan nayarusti ajjsarañampi uñjapjjesta? Jumanacasti jisc'achapjjestawa, ucatsti sasipcactawa: ‘¿Cunanarac nanacasti jumarojj jisc'achapjjsma?’ sasa.

Hechos 4:20

Nanacajj janipuniw amuct'apquiristti cuntï uñjapcta ist'apcaracta ucanacat arsuñjja —sasa.

Deuteronomio 1:31

Uqhamaraquiw uñjapjjtajja cuntï wasaran lurcän ucsa. Jumanacan Diosamaw irpanipjjtam cawqha thaquinjamtï jutapjjta ucansa aca chekar puriniñcama, cunjämas mä awquejj wawapar irpi uqhama’ sasa.

Deuteronomio 30:19

Jichhüruw nayajj uchta alajjpachampiru acapachampiru jumanacat testigöñapataqui; jumanacaru jacañampita jiwañampita ajllisiñamatac churapjjsma; uqhamaraqui bendicionampita, maldicionampita ajllisipjjañamataqui. Ucampis jacaña ajllisipjjam, jumanacampi, wawanacamampi jacapjjañamataqui.

Deuteronomio 32:1

“Alajjpacha, ist'am, nayaw parlä; orake, arunacajjsti ist'araquim.

Deuteronomio 4:26

nayaw jichha uruna mä testigot uscta alajjpachampiru acapachampiru jumanacan chhaktañanacamataqui Jordán jawira qhursa tokena. Janiraquiw walja urunaca uca orakenjja jacapcätati, jan ucasti take jumanacaw t'unjatäpjjäta.