Hechos 8:3 - Qullan Arunaca

³ Saulosti ucapachajj iyawsirinacarojj wali t'akhesiyasaw arcnakäna utat uta thakasa. Utanacar mantasinsti, chachanac warminacsa catuntasinjja carcelaruw apjjaruyäna.

Aymar Bibliia 1986

³ Saulosti ucapachajj iyawsirinacarojj wali t'akhesiyasaw arcnakäna utat uta thakasa. Utanacar mantasinsti, chachanac warminacsa catuntasinjja carcelaruw apjjaruyäna.

Qullan Arunaka DC

³ Saulosti ukapachax iyawsirinakar wali t'aqhisiyasaw arknaqäna, utat uta thaqhasa. Utanakar mantasinsti, chachanakarus, warminakarus qatatsusin carcelaruw jist'antayäna.

Hechos 8:3 Jak'a apnaqawi uñst'ayäwi

Hechos 16:19

Uywirinacapasti jan juc'amp uca tawak toke kollke jicjjatirjamäjjasinjja, Pablompir Silasampir catuntasinjja, jach'a plasaruw irpapjje autoridadanacan nayrakataparu.

Hechos 22:19

Ucjjarusti nayajj saractwa: ‘Tata, jupanacajj yatipjjewa nayan take sinagoganacar sarirïtajja, uqhamarac jumar iyawsirinacarusa jawk'jasina carcelarojj apirïtajja.

Hechos 7:58

Ucatsti marcat ankäjjar irpsusinwa kalamp c'upjapjjäna. Uc lurir testigonacasti isinacap thatsusisinjja, mä waynaruw catuyapjje. Uca waynasti Saulo sutinïnwa.

Hechos 8:2

Estebanarusti Dios chuyma jakenacaw imjjapjjäna. Jupatsti wal jachapjjaraquïna.

Hechos 9:21

Take jupar ist'irinacasti muspharasipjjänwa. Ucatsti sapjjaraquïnwa: —¿Janit acajj Jerusalenan Tatitur iyawsirinacar arcnaker jakëqui? ¿Janiraquit jupajj acar jutqui jupanacar ñach'antat apañataqui jilïr sacerdotenacan ucaru? —sasa.

1 Corintios 15:9

Nayajj apostolonacatjja janiw cuna jilïrïctsa, apóstol satäñataquisa janiw asquïcti, Tatitun iglesiapar t'akhesiyirïtajj laycu.

Gálatas 1:13

Jumanacajj ist'apjjtawa nayajj cunjämäcäyättejj nayrajja, cunapachatejj judionacan religionap arccäyäta ucqhajja. Yatipjjtawa cunja khoru cancañampis nayajj Diosan iglesiapar arcnakäyätjja, uqhamarac tucjañ muncäyäta ucsa.

Filipenses 3:6

Diosan iglesiapjja wali ch'amampiw uñisisa arcnakäyäta, leyirjam sum sarnakeriraqui jan qhitins camscaya, jan juchañchcayaraqui.

1 Timoteo 1:13

Nayrajj jan wali arunacampiw jupa toke parlasa jisc'achäyäta, uñisisaw arcnakaraquïyäta. Uqham lurctsa ucasa, Diosajj nayarojj qhuyapayasituwa, ucapachajj nayajj janïraw iyawsirïcäyätti, janiraquiw cuntejj lurcäyäta ucjja yatcäyätti.

Santiago 2:6

Ucampis jumanacajj pobrenacarojj jisc'achapjjtawa. ¿Janit jumanacarusti kamir jakenacasti inac irnakayasipctamsti, uqhamarac autoridadanac nayrakatarus katatipjjaractamjja?