Hechos 8:2 - Qullan Arunaca

² Estebanarusti Dios chuyma jakenacaw imjjapjjäna. Jupatsti wal jachapjjaraquïna.

Aymar Bibliia 1986

² Estebanarusti Dios chuyma jakenacaw imjjapjjäna. Jupatsti wal jachapjjaraquïna.

Qullan Arunaka DC

² Estebanarusti Dios chuyma jaqinakaw imt'xapxäna, jupat wal jachapxarakïna.

Hechos 8:2 Jak'a apnaqawi uñst'ayäwi

Génesis 23:2

Quiriat-arba sisqui uca chekanwa jiwawayjjaraquïna, Hebrón marcana, Canaán orakena. Abrahamasti warmipan jiwatapatjja wal jacharaquïna, lutt'asiraquïnwa.

Génesis 50:9

Uqhamaraquiw jakenacajj carronacata, caballonacata Josearojj compañapjjäna. Jakejj waljapunïnwa.

2 Samuel 3:31

Ucatsti Davidajj Joab jakempiru uqhamaraqui qhitinacatejj jupampi chekäpcäna ucanacarusti saraquïnwa: “Jichhajj isinacam ch'iyarasipjjam, ucatsti chhanqha isinacampi isthapisipjjaraquim, Abneran jiwatapatsti lutt'asipjjaraquim” sasa. David reyisti, Abnerar imañataqui callasipcäna uca khepäjjwa sararaquïna.

2 Crónicas 32:33

Cunapachatï Ezequiasajj jiwjjäna ucqhajja, imt'jjapjjänwa Davidana familiapana imäwip patäjjaru. Jupan jiwjjataparusti jach'a cancañampiw aruntapjjäna Judá orakenquir take jakenaca, uqhamarac Jerusalenanquir jakenacasa; ucatsti jupa lantejja Manasés yokapaw apnakjjäna.

2 Crónicas 35:25

Jeremiasasti jupar jach'achañataquejja mä k'ochu arunacwa imäwipataqui waquicht'äna. Jichhürcamawa k'ochurinacajja chachatsa warmitsa Josiasatjja amtasipcaqui imäwitaqui k'ochunacapana. Aca k'ochunacsti Israel marcanjja k'ochusipcaquiwa, ucatsti ucanacajja kellkatawa k'ochunacajja waquichatäqui ucana.

Jeremías 22:10

Jan jachapjjamti Josías reyitjja, jiwatapatsa janiraqui jachapjjamti; jan ucasti Salum yokapata jachapjjam, jupasti jan cuttaniñataquiw sarjje; janiraquiw mayampsa nacïwipa orakjja uñjcjjaniti. Tatitusti Judá oraken rey Josiasan Salum yokapatjja saraquiwa, cawquïritï awquipa khepatjja reyïcaraquïna ucarojja, uqhamaraqui cawquïritï aca chekatjja mistqui ucarojja: “Janiw jupajj cuttancjjaniti,

Jeremías 22:18

Tatitusti Judá orakenquiri Josías reyin Joacim yokapjjatjja aqham siwa: “Janiw qhitis jupan jiwatapatjja jachcaniti. Janiw qhiti jachiris utjcaniti ni qhitis siscaraquiniti; ‘¡Ay, jilata, ay, jilata! ¡Ay, Tata, ay, jach'a rey!’ sasajja.

Números 20:29

Israelitanacasti Aaronan jiwatap yatisajj quimsa tunca urunacaw jupatjja jachapjjäna.

Marcos 6:29

Juanan discipulonacapasti uc yatisinjja, jupan amayapjja imt'anjjañataquiw apasjjapjjäna.

Lucas 2:25

Qhaya urunacansti Jerusalén marcan mä chachaw utjäna Simeón sutini. Jupasti wali suma jakënwa, Diosaru, suyt'ascaraquïnwa Israel marcan khespiyäwipa. Kollan Ajayuw jupampiraquïna,

Hechos 10:2

Jupasti Dios chuyma jakënwa, uqhamaraquiw Diosar ajjsartas sarnakerïna, takpach familiapampi. Jupasti judionac taypit pobrenacar walja limosna churirïnwa, Diosar jan armt'asis oracionan mayisiriraqui.

Hechos 2:5

Ucürunacansti Jerusalén marcanjja, yakha marcanacat jutir judionacaw utjaraquïna. Jupanacasti Dios chuyma jakenacäpjjänwa.

Hechos 8:1

Saulojj: “Walic jiwayapjjtajj” sänwa. Uca urutpachaw Jerusalenanquir iglesiajj wali uñisita uñjasïna. Takeniraquiw Judea tokenacaru, Samaria tokenacampirus alisnucutäjjapjjäna. Apostolonacaquiw Jerusalenan kheparjjapjjäna.

Hechos 8:3

Saulosti ucapachajj iyawsirinacarojj wali t'akhesiyasaw arcnakäna utat uta thakasa. Utanacar mantasinsti, chachanac warminacsa catuntasinjja carcelaruw apjjaruyäna.

Deuteronomio 34:8

Israelitanacajj quimsa tunca uruw Moisesat jachapjjäna, Moab wasarana, uqhamat uca jachaña, lutosiñ urunacaw jiwatapatjja phokhasïna.

1 Samuel 28:3

Ucapachasti Samuelojj jiwjjataynawa, israelitanacasti takeniraquiw jupan jiwatapatjja jachapjjatayna. Ucatsti Ramá sisqui uca chekaruw imjjapjjaraquitayna, cawqhantejj nascatayna uca marcaru. Saúl reyisti, Israel oraketjja take yatirinacaru, uqhamarac jiwatanacaru mayisiri ch'amacani jakenacarusa, ananucuraquitaynawa.