Hebreos 1:2 - Qullan Arunaca

² Jichhasti aca khepa urunacanjja, Yokap tokew parlaraquistu. Diosaraquiw aca oraksa luri aca Yokap toke, uqhamarac take cuns jupar jaytaraqui.

Aymar Bibliia 1986

² Jichhasti aca khepa urunacanjja, Yokap tokew parlaraquistu. Diosaraquiw aca oraksa luri aca Yokap toke, uqhamarac take cuns jupar jaytaraqui.

Qullan Arunaka DC

² Aka qhipa urunakansti Yuqap tuqiw parlarakistu, juparuw taqi luratanakap katuyi, jupa tuqi aka uraq luratap layku.

Hebreos 1:2 Jak'a apnaqawi uñst'ayäwi

Génesis 49:1

Jacobosti wawanacaparuw jawsäna, ucatsti saraquïnwa: “Jac'achasinipjjam, cunatejj acat kheparojj lurascani uc sapjjäma:

Isaías 2:2

Khepa urunacansti suma sayt'atäjjaraquiniwa, cawqhancquitejj Tatitun templopajj uca kollojja. Wali alto kollüniwa, take kollunacat sipansa wali altoraquïniwa. Take marcanacasti uca kolluruw jutapjjaraquini,

Isaías 44:24

Jumar khespiyir Tatitumajj, acwa arsu, qhititejj jumaru janïra nascta uqhatpach usctam ucajja: “Nayätwa take cun luriri Tatitojja, nayaw alajjpacha janatatta aca oraksa sayt'ayaracta jan qhitin yanapapampi.

Isaías 45:12

Nayaw acapachsa uqhamaraqui jakenacsa uscta, alajjpachsa amparajjampiraquiw janatatta, uqhamaraqui take cunanacatejj alajjpachan utjqui ucsa nayaw lurta.

Isaías 45:18

Alajjpach lurirejja, qhititejj Diosäqui, Tatitücaraqui ucawa, qhititejj aca orake lurqui sayt'aycaraqui, qhititejj uchqui jan ch'usäñapataqui, jan ucasti jakenïñapataqui lurqui ucajj, siwa: “Nayätwa, Tatitojja, janiraquiw yakhajj utjquiti.

Jeremías 30:24

Tatitun colerasiñapajj janiw tucuscaniti, jupajj take amtäwinacapa phokhañapcama. Mä uruw puriniraquini cunapachatejj jumanacajj take acanaca amuyt'apcäta ucapachajja.

Jeremías 48:47

Ucampisa nayaw Moab marcan saräwipjja mayjaru tucuyjjaraquï; Naya Tatituw ucjja arsta.” Ucaw Tatitun arunacapajja Moab marcataquejja.

Ezequiel 38:16

Ucatsti Israel marcajjaruw nuwantaraquïta. Gog, jumasti uca marcarojj mä ch'iyara kenayäcasmasa uqhamaw chhaktayaraquïta. Uca khepa urunacansti nayajj marcajj contraw jumarojj irpanïma, uqhamata juma toke, yakha marcanacajj yatipjjañapataqui, nayarusa uñt'apjjañapataquiraqui, cunapachatejj nayajj jupanacaru k'oma cancañajj uñacht'aycä ucapacha’ sasa.

Daniel (hebreo) 10:14

Cunatejj acat kheparu marcampejj pascani ucanac khanañchiriw jutsma, uca unañchawinac uñjcta ucanacasti uca urunac toketaraquiwa’ sasa.

Daniel (hebreo) 2:28

Ucampisa mayni Diosaw utji alajjpachana, qhititejj take imantata yänac khanañchqui uca, juparaquiw jichhajj juma jach'a reyirojj yatiyätam cunatejj acat kheparu pascani take ucanaca. Jichhasti, reyirojj khanañchäwa cunanactejj iccasina samcascatayna unañchäwinacsa uñjcatayna take ucanac toketa:

Oseas 3:5

Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Miqueas 4:1

“Khepa urunacanjja cawqhancquitï Tatitun templopajj uca kollojja suma sayt'ayatäniwa. Uca kollusti wali altöniwa, take kollunacat sipansa wali altoraquïniwa. Take marcanacaw ucarojj jutapjjaraquini,

Números 24:14

Jichhasti marcajjaruw cuttjjä, ucampis arsuwayäwa cuntejj aca marcajj khepa urunacan marcamampi lurcani ucanaca.

Mateo 13:39

Jan wali jathampi phawantirïqui ucasti, pachpa supayawa. Yawthapiña horasasti acapach tucuscan uca uruwa, uca yapu apthapiristi angelanacawa.

Mateo 17:5

Pedron parlcañapcamasti, mä lliphipquiri kenayaw jupanacarojj muyuntäna. Uca kenaya taypitsti mä aruw ist'asi: “Acaw munat Wawajjajja, juparaquiw nayarojj wal cusisiyitu. Juparu ist'apjjam” sasa.

Mateo 21:38

Yokapar uñjasasti yapuchirinacajj aqham sapjjänwa: ‘Acajjay herencia catokerejja. Jupajjay aca yapu herenciat catokchinejja. Jiwayapjjañäni ucat jiwasanac yap catusjjañäni’ sasa.

Mateo 26:63

Jesusasti janiw cuns arscänti. Ucatwa sacerdotenacan jilïripajj juparojj säna: —Jacquiri Diosan sutiparuw juramentompi maysma chek arsuñamataqui. Sapjjeta: ¿Jumätati Diosan Yokapa Cristojja? —sasa.

Mateo 28:18

Jesusasti jupanacar jac'achasisinjja siwa: “Nayar churatawa take munañanïñajja alajjpachansa, acapachansa.

Mateo 3:17

Alajjpachatsti ist'asiraquïnwa mä aru aqham siri: “Acawa munat Wawajjajja, cawquïrirutejj nayajj ajllista ucajja” sasa.

Marcos 1:1

Diosan Jesucristo Yokapjjata suma yatiyäwi arunacajj aqhamatwa kallti.

Marcos 12:6

“Ucampis mä sapa yokapaw oraken jakenjj utjascäna, wali munata. Uywatanacat kheparusti uca sapa yokaparuw qhitäna: ‘Yokajjarojj ajjsarapjjaniwa’ sasa.

Marcos 12:7

Ucampis yapuchirinacajj jupanaccamaw parlt'asipjjäna: ‘Acajj herencia catokerejja, jiwayapjjañäni ucatsti orakepajj jiwasanacancjjaniwa’ sasa.

Juan 1:10

Qhä Arusti aca orakencänwa; Diosasti aca orakerojj jupa tokew luri, orakenquirinacasti juparojj janiw uñt'cänti.

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Juan 1:3

Jupa tokew Diosajj take cuns luri, jan jupampejj janiw cuna luratas utjquiti.

Juan 13:3

Jesusasti yatïnwa Diosat jutatapa, uqhamarac Diosar cutt'jjañapsa, ucatsti Awquina take munañanïña cancañ churatapsa yatiraquïnwa.

Juan 13:32

Jaken Yokapajj Diosan jach'a cancañap uñacht'aychi, ucatsti Diosajj Yokan jach'a cancañapwa uñacht'ayaraquini, ucsti janc'aquiw luraraquini.

Juan 15:15

Janiw ‘uywatanac’ sas sutichcjjapsmati, mä uywatasti janiw uywiripan luratanacap yatquiti uca laycu. Nayajj jumanacarojj ‘amigonac’ sapjjsmawa, cuntejj Awquejjajj sisquitu uca jumanacar yatiyatajj laycu.

Juan 16:15

Cunatejj Awquin utjqui ucajj nayancaraquiwa, ucatwa sista: ‘Kollan Ajayojj catokaniwa cunatejj nayancqui uca, jumanacarusti yatiyapjjaraquïtamwa’ sasa.

Juan 17:2

Jumajj Yokamarojj take jakenacjjaru ch'amanïñwa churtajja, cawquïrinactejj churcta ucanacar wiñay jacaña churañataqui.

Juan 3:16

“Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.

Juan 3:25

Ucatsti Bautisir Juanan arquirinacapampi mä kawkha judionacampiw ch'ajjwapjjäna k'omachasïwjjata.

Juan 5:26

Awquisti ch'amaniwa jupa pachpa jacañ churañataquejja, uca pachparaquiwa Yokaparojj ch'am churi jacañ churañapataqui;

Juan 5:27

uqhamaraquiw munañapsa churaraqui taripañataqui, Jaken Yokapätap laycu.

Juan 9:29

Nanacajj yatipjjtwa Diosajj Moisesaru parlatapa, ucampis uca jaketjja janiw cawquit jutatapsa yatipcti —sasa.

Hechos 10:36

Diosajj Israelan wawanacaparuw parläna Jesucristo toke sumancañ utjañapata. Jesucristosti take jakenacan Tatitupawa.

Hechos 2:17

‘Khepa urunacansti nayaw Kollan Ajayojj take jakenacjjar qhitanï. Yokanacamasa phuchanacamasa jan uñjcañanac uñjapjjani. Chuyman jakenacasti samcanac samcasipjjaraquini.

Romanos 1:4

ucampis Kollan Ajayun phokt'atätap laycojja, Diosan Yokapa, munañaniraqui uñacht'ayatawa, jiwatanac taypit jactatap laycu.

Romanos 8:17

Wawanacapätas laycojja Diosatjja herencia catokaraquiñäni jupan arsutaparjama. Uca herenciajja Cristompiraquiw catokañäni, jiwasanacatejj jupamp chica take cunans t'akhesiñäni ucajja, ucat alajjpachan jupampiraquiñäni.

1 Corintios 2:7

Diosan yatiñ cancañapatwa parlapjjtjja, uca Diosan amtatapasti jan amuyt'cayawa. Aca orakejj janïra utjcän ucqhatpachracwa Diosajj ucanacjja amtäna jiwasan khespiyasiñasataqui, wiñayan wiñayapataqui.

1 Corintios 8:6

Ucampis jiwasataquejj mä sapa Dios Awquiquiw utji. Uca Dios Awquiwa take cunsa lurejja ucataracwa jiwasas utjasctanjja, jupataquiraqui jacasctanjja. Mä sapa Tatituquiraquiw utjejja, ucasti Jesucristowa. Jupïpanracwa take cunas utjejja, uqhamarac jiwasasa.

Gálatas 4:4

Ucampis cunapachatejj tiempojj phokhasiwayjjejja, Diosajj Yokapwa qhitani mä warmi toke yurisa, mä judío jakjamaw leyir phokhasa jacaraquïna.

Efesios 1:10

Aca amtäwirjamawa phokhasini cunapachatejj uca urojj purcani ucqhajja. Diosasti mayachthapiniwa take cunsa, alajjpachanquirinacsa aca orakenquirinacsa, Criston munañapancañapataqui.

Efesios 3:9

Nayaruw qhititu, nayra urunacatpacha cunäcäntejj Diosan amtäwipajj uca imantatanac jumanacar yatiyañataqui, uca Diosaw take cunsa luraraqui.

Deuteronomio 18:15

“Tatitu Diosamasti jumanac taypitjja mä nayjam profeta sayt'ayaraquini, ucarusti ist'apjjañamawa.

Deuteronomio 31:29

Nayasti yattwa cunapachatï jiwjjä ucqhajja, jan walt'añanacanwa sarnakapjjani, ucatsti cawquïri ewjjanacajjarutejj arcapjjäta siscta ucatsa sarakapjjaniwa, uqhamaraquiw yatiracta khepa urunacana jumanacjjaru chijinaca jutañapsa, cunatejj Tatituru colerayqui ucanac lurapjjatam laycu.”

Deuteronomio 4:30

Cunapachatï jumanacajj take uca t'akhesiñanaca, llaquisiñanaca pasapjjäta, uqhamaraqui Tatitu Diosarus cuttapjjäta, iyawsapjjaraquïta ucqhajj,

Hebreos 1:5

Diosasti janiw cunapachas cawquïr angelarus sisquiti: “Jumätaw Yokajjajja; nayaw jichhürojj jacañjj chursma” sasajja. Janiraquiw cawquïr angelats siscaraquiti: “Nayasti jupataquejj awquipäyawa. Jupasti yokajjaraquïniwa” sasa.

Hebreos 1:8

Ucampis Yokap toketjja saraquiwa: “Juman tronomajj, Dios Tata, wiñayataquiwa. Apnakatamas chekaparaquiwa.

Hebreos 11:3

Iyawsäwi laycuraquiw yattan Diosajj arupampi acapach luratapa, cuntejj jichhajj uñjtan ucajj jan uñjcayat luratätapa.

Hebreos 2:3

¿Cunjämrac jaltañänisti, jiwasatejj uca jach'a khespiyasiñjj jan yäkcañäni ucasti? Pachpa Tatituw nayrakatajj yatiyäna aca khespiyasiñatjja, ucjjarusti qhitinacatejj ist'apcäna ucanacaraquiw uca arjj sum yatjjatapjjaraquïna, ucatsti jiwasaruw churanistu.

Hebreos 3:6

Ucampis Cristojj mä wawjamajj chekawa uca Diosan utapjjarojja. Uca utasti jiwasanac pachpätanwa, take chuymatejj sarascaquiñäni, uqhamarac tucuycama iyawsañäni cusisita suyt'äwisana ucajja.

Hebreos 4:14

Diosan Yokapa Jesusaw jiwasan jach'a jilïri sacerdotesajja. Juparaquiw Diosan nayrakataparojj mantejja. Ucatwa juparojj take iyawsañasampi arcañasajja.

Hebreos 5:8

Uqhamaw Cristojj Yokapäcasina t'akhesiñap toke jaysañjja yatekäna.

Hebreos 7:28

Moisesan leyipajj utt'ayiwa jan k'omäpquis ucanacaru jilïri sacerdotëñapataqui, ucampis Diosajj juramentompejj leyi khepatjja jupan Yokaparuw jilïri sacerdotëñapatac utt'ayi, qhititejj wiñayatac k'om tucuyatäqui ucaru.

Hebreos 7:3

Jan awquini, jan taycaniraquiw uñsti, janiw nayra awquinacapas utjquiti; janiraquiw nacimientopatsa, jiwatapatsa yatisquiti. Diosan Yokapäcaspas uqhamaw wiñayatac sacerdoteraqui.

Hebreos 9:26

Uqhamäsapän ucajja walja cutiraquiw jiwañapäsapänjja aca orake kalltatpachjja. Jichhajj take uca urunac phokhasisquipanjja, Cristojj mä sapa cutiquiw pacha tucuyar uñstani, jupapachparaquiw mä sacrificio loktasiwayi take juchanac apakañataqui.

1 Pedro 1:20

Cristojj uqham lurañapataquejja, janïra aca orakejj lurasquisa ucqhatpacha waquichatänwa, ucampis janiw uñstcänti, jan ucasti jichhaquiw suma khana uñstjje jumanacataqui.

2 Pedro 3:3

Nayrakatajj ac amuyt'asipjjam: Khepa urunacanjja Tatitun yänacapat phiscasiri jakenacaw sartapjjani, jan wali amtatanacaparjamaraquiw sarnakapjjani,

Judas 1:18

Jupanacasti sapjjäyätamwa: “Khepa urunacajja, Diosat larusir jakenacaw utjani, ucanacasti jupanacan jan wali amtäwinacaparjamaw jacapjjani” sasa.