Hebreos 1:1 - Qullan Arunaca

¹ Nayra urunacanjj Diosajj awquinacasarojj walja cutiwa parläna cunayman toketa profetanac toke.

Aymar Bibliia 1986

¹ Nayra urunacanjj Diosajj awquinacasarojj walja cutiwa parläna cunayman toketa profetanac toke.

Qullan Arunaka DC

¹ Diosax khä urunakanxa, walja kutiw nayra awkinakasarux kunaymanita profetanak tuqi parläna.

Hebreos 1:1 Jak'a apnaqawi uñst'ayäwi

Génesis 3:15

Warmimpi jumampsti enemigo tucuyapjjäma, uqhamaraqui uca warmin wawanacapampi, wawanacamampisa enemigonïpjjaraquiniwa. Warmin wawapasti p'eket takjjatätam, jumasti cayut achjaraquïta —sasa.

Génesis 6:3

Uqham uñjasinsti Diosajj sänwa: “Janiw jakerojj wiñayataqui jacaycjjäti, jupasti janchiquiwa. Uqhamasti pataca pä tuncani maranacaquiw jacani” sasa.

Joel 2:28

“Take acanaca khepatsti, nayajj take jakenacjjaruwa ajayojj qhitanï; yokanacamasa, phuchanacamasa nayjjatwa parlapjjani, chuymani jakenacasti samcanacwa samcapjjani, waynanacasti unañchäwinacwa uñjapjjaraquini.

Lucas 1:55

Cunjämtï awquinacasarojj mä arust'äwjja churawaycänjja, Abrahamampiru, wawanacapampiru wiñayataqui.”

Lucas 1:72

Awquinacasata qhuyapayasisa, janiraquiw armt'ascänti kollan arsutanacapatjja.

Lucas 24:27

Ucatwa amuyt'ayañ kallti jupa toket take kellkatanacajj parlqui ucanacata, Moisesan libropat kalltasina, profetanacan take kellkatanacapat yatjjatasa.

Lucas 24:44

Ucjjaruw saraquïna: —Cunatejj nayamp lurasqui ucajj cunatejj jumanacampïsin sapcäyäsma ucawa: Phokhasiñapänwa take cunatejj naya toketjj kellkatäqui Moisesan leyipana, profetanacan libronacapana, uqhamarac Salmonacansa ucanacajja.

Juan 16:13

Cunapachatejj Kollan Ajayojj jutcani ucqhajja, jupaw take cunatejj chekäqui uca yatichapjjätam. Janiraquiw jupa pachpat parlcaniti, jan ucasti cuntejj ist'qui ucwa sani, yatiyapjjaraquïtamwa cunanacatejj pascani ucanacsa.

Juan 7:22

Ucampis Moisesajj circuncisión lurañwa churapjjtam (janis jupajj kalltcchi ucasa, awquinacamaw kalltäna), ucatpï samarañ urunsa jumanacajj mä wawarojj circuncidapjjtajja.

Juan 9:29

Nanacajj yatipjjtwa Diosajj Moisesaru parlatapa, ucampis uca jaketjja janiw cawquit jutatapsa yatipcti —sasa.

Hechos 13:32

“Nanacasti jumanacarojj cuntï Diosajj awquinacasar arsuwaycäna uca suma arunacwa yatiyapjjsma.

Hechos 2:30

Davidasti profetäsinjja, yatiraquïnwa cuntejj Diosajj juramentompi jupar siscatayna uca: ‘Juman tronomarojj, jumat saraker mayni wawamaruw utt'ayä’ sasa.

Hechos 28:23

Uqham sasinsti mä urutaquiw tantacht'asiñjja amtapjjäna. Ucürusti walja jakenacaraquiw jutapjjäna, cawqhantejj Pablojj korpachascäns uca utaru. Alwat jayp'ucamaraquiw jupajj Diosan reinopat jupanacarojj parläna. Moisesan leyinacap toketa, uqhamarac profetanacan kellkatanacapampita Jesusjjat amuyt'ayañ munäna.

Hechos 3:21

Ucampis uca Jesusanjja waquisiw alajjpachan kheparañapa, cunürutejj Diosajj take cun waquichcani ucürcama. Ucasti cunjämtejj Diosajj nayra asqui profetanacap toke arsuwaycäna ucarjamaw phokhasisqui.

Hebreos 11:18

“Isaac wawam tokew jumajj wawanacanïyäta” sasa.

Hebreos 11:2

Nayra awquinacasajj sumaru uñt'atänwa iyawsañanïpjjatap laycu.

Hebreos 12:25

Ucatwa amuyasipjjañamajja qhititejj parljjayquistu ucaru jan “Janiw” sañataqui. Janiw jaltapcänti Diosar “Janiw” sirinacajja, cunapachatejj aca orakenjja ewjjt'apcäna ucqhajja. Janiraquiw jiwasas jaltcañäniti alajjpachat ewjjt'anquistani uca arunacarutejj jan ist'cañäni ucqhajja.

Hebreos 2:2

Cawquïr camächi arunacatejj Diosajj nayra pachanacan angelanac toke churascäna ucajja khanañchatänwa, ucatsti qhitinacatejj juchañchasipjjäna, uqhamarac uca arunacarus jan ist'apcäna ucanacajj waquisitaparjam mutuyatäpjjänwa.

Hebreos 2:3

¿Cunjämrac jaltañänisti, jiwasatejj uca jach'a khespiyasiñjj jan yäkcañäni ucasti? Pachpa Tatituw nayrakatajj yatiyäna aca khespiyasiñatjja, ucjjarusti qhitinacatejj ist'apcäna ucanacaraquiw uca arjj sum yatjjatapjjaraquïna, ucatsti jiwasaruw churanistu.

Hebreos 3:5

Uqhamapï, Moisesajj mä suma sirvirjamänjja Diosan utapanjja; jupan lurañapasti cuntejj Diosajj siscani ucanacat parlañänwa.

Hebreos 4:8

Josué chachatejj uca samaraña israelitanacar churasapänjja, Diosajj janiw wastatamp yakha urutjja parlcasapänti.

Hebreos 5:5

Uqhamaw Cristompejj lurasiraqui; jupajj janiw jilïri sacerdotëñjja jupan munañapat utt'ayasquiti, jan ucasti Diosaw uca jach'añchäwjja churi, cunjämtï sänjja: “Jumajj yokajjätawa; nayaw jacañjj jichhüru chursma.

Hebreos 9:19

Moisesajj Diosan take camachinacapjja yatiyänwa takpach jakenacaru; ucatsti mä wila t'awra aptäna, mä hisopo laymimpi, vaca kallunacana, cabritonacan wilaparu, umampiruw chilltäna, ucjjarojj ley libroru uqhamarac take jakjjaruraquiw ch'alljjatäna.