Génesis 6:6 - Qullan Arunaca

⁶ jupajj jaquir uscutapjja wal amtäna, walirac chuymapjja usuyasïna,

Aymar Bibliia 1986

⁶ jupajj jaquir uscutapjja wal amtäna, walirac chuymapjja usuyasïna,

Qullan Arunaka DC

⁶ jupasti jaqir luratapxa wal amtäna. Chuymapsa walirak usuyasïna,

Génesis 6:6 Jak'a apnaqawi uñst'ayäwi

Génesis 6:7

saraquïnwa: “Aca oraketjja jake uscutajj-jja k'al chhaktayä, uqhamarac uywañ animalanacarusa, orakenjam katatnaktirinacarusa, jamach'inacarusa. ¡Walpun amtta ucanac uscutajj-jja!” sasa.

2 Samuel 24:16

Cunapachatejj angelajj Jerusalén marcaru niya t'unjañampïscän ucapachasti, Tatitojj chuymapan amtaraquïnwa uca jach'a jan wali luratapa, ucatwa angelarojj saraquïna: “¡Ucqhacamaqui, jan juc'ampi lurcjjamti!” sasa. Ucapachasti Tatitun angelapajj cawqhantejj jebuseo Arauna jakejj trigo jawk'cäna ucqhanwa jicjjatasiraquïna.

1 Crónicas 21:15

Diosajj mä angelaruw qhitanïna Jerusalén marca tucjañapataqui. Ucampis cunapachatï tucjañampïscäna ucqhawa Tatitojj uñjasinjja, chuymapan amtaraquïna uca jan wali lurata, ucatsti tucjiri angelarojj sänwa: “¡Ucqhacamaqui, jan juc'ampi lurcjjamti!” sasa. Uca horasansti Tatitun angelapajj jicjjatasïnwa jebuseo Ornán chachajj trigo jawk'ascäna ucqhana.

Salmos 106:45

jupanacamp arusjäwi luratat amtasïna, jach'a qhuyapayasiñampiw ch'alljjtayasïna:

Salmos 110:4

Tatitojj mayac arsu, arsutapatsti janiw yakha amtquiti: “Jumaw wiñay sacerdotëtajja, Melquisedec sacerdoten thaquiparjama” sasa.

Salmos 119:158

Iyawsäwit sarakerinacar uñjasajj ajjtastwa, arunacamarojj janiw jaysapquiti.

Salmos 78:40

¡Walja cutiw Diosarojj jan jaysapcänti, wasarancasaw chuym usuyapjjäna!

Salmos 81:13

Marcajjatejj ist'itasapänjja, Israel marcatejj thaquejjanjam sarasapänjja,

Salmos 95:10

Pusi tunc maraw qhä jakenacataquejj k'apisïyäta, ucat säyäta: Aca marcajj wali pantjataw sarnake; ¡janiw arsutanacajjar jaysapquiti!, sasa.

Éxodo 32:14

Ucampis Tatitojj jakenacar cun lurañataquitejj amtas arscäna ucjja janiw lurcjjänti armasjjänwa.

Isaías 48:18

Nayan arunacajjaru ist'asamäna ucapachajj, walt'añamajj mä jawirar uñtataw jiljjatasapäna, atipjañamasa jach'a kotan mathapinacapar uñtataw jilaraquisapäna,

Isaías 63:10

Ucampis jupanacajj Tatitutaquiw sayt'asipjje, k'oma cancañaparusti ñankhachapjjaraquiwa; ucatwa jupanacataquejj mä uñisiri, nuwjiriraqui tucuraquejja.

Jeremías 18:7

Nayajj mayacwa amtasta, mä marca jan ucajj mä reino jiq'inucuñsa, liwinucuñsa, jan ucajj k'ala t'unjañsa.

Jeremías 26:19

“¿Uqhamasti Ezequías reyisa, uqhamaraqui Judá marcanquir jakenacasa Miqueasarojj jiwayapjjaraquïnti? Ucatsipana take cuntejj lurapcäna ucanacajj mayjänwa: Reyejj Tatituruw ajjsartäna, ucatsti qhuyapt'ayasita sasaw mayisiraquïna. Ucatsti Tatitojj janiw apayancjjänti cuna jach'a t'akhesiñtejj apayaniñataqui arscatayna ucjja. ¿Uqhamasti jiwasajj aca jakerojja jiwayascaquiñäniti, ucatsti t'akhesiscaquiraquiñäniti uqham luratasatjja?” sasa.

Ezequiel 33:11

Jichhasti jupanacarojj saraquim: Naya Tatituw juramentompi arsta, janiw nayajj khoru jaken jiwañapjja muncti, jan ucasti uca khoru jacañapjja apanucpan ucatsti jacaracpan. Israel, jumajj uca jan wali sarnakäwim apanucum. ¿Cunataraqui jiwascätasti?’

Oseas 11:8

“¿Cunjämarac apanuct'asïmasti, Efraín? ¿Cunjämarac jaytanucümasti, Israel? ¿Adma marca tucjctjja uqhamti tucjaraquirisma, jan ucajj Zeboimarojj cuntejj lurcta uqhamraccha luririsma? ¡Chuymajjaw ch'alljjtitu, jumataquisti qhuyapayasiñan phokt'ataraquïtwa!

Joel 2:13

¡Jumanacasti Tatitu Diosamar cuttjjapjjam, isinacama ch'iyanokcamayjja, chuymanacamaya ch'iyanokapjjamjja! Tatitojj munasiriwa, qhuyapayasiriraquiwa, paciencia chuymaniwa, munasiñapas jach'araquiwa; cuna mutuyäwetejj utjqui ucsa, jiwasatjja jayar apanucjjañataquisa.

Jonás 3:10

Diosasti uñjänwa Nínive marcanquir jakenacarojj uqham lurasquiri, jan wali sarnakäwinacapsa apanucusquiri, uqham uñjasinwa Diosajj jupanacat qhuyapt'ayasjjäna, janiraquiw cuna castigotejj jutañapäcana ucsa apayancjjänti.

Malaquías 3:6

“Nayätwa Tatitu Diosajja, nayasti pachpaquïsctwa. Ucatwa jumanacajj Jacobon wawanacapa jan t'unjatäpctati.

Números 23:19

Janiw Diosajj jiwir jakenacjamäquiti. Janiw c'arisquiti ni yakha amuyunïquisa. Cunapachatejj jupajj cunsa arsu ucqhajj lurapuniwa. Cunapachatejj cunsa arupampejj arsu ucqhajj phokhapuniwa.

Romanos 11:29

Cuntejj Diosajj churqui ucjja janiw aparasquiti, ni jupan jawsatapsa mayjt'ayquiti.

Efesios 4:30

Diosan Kollan Ajayuparojj jan llaquisiyapjjamti, Diosanquirinacajj uca Ajayump sellatäpjjtawa uqhamat uñt'atäpjjañamataqui cunürutejj jupajj phokhat khespiyasiñ churapcätam ucürcama.

Deuteronomio 32:29

Jupanacatejj yatiñanïpjjaspa ucqhajj amuyt'apjjaspawa; ucatsti yatipjjaraquispawa cunanacatï suyqui ucanacsa.

Deuteronomio 32:36

“Diosaw marcapat arjjatiri mistsuni, cunapachatejj jan ch'amanëjjani ucqhajja; Diosaraquiw wawanacapatjja qhuyapayasini cunapachatejj jan t'uqha jakenaca ni ch'aman jakenaca utjcani ucapacha.

Deuteronomio 5:29

¡Inampich jupanacajj uqham amuyunïpjjaspa, ucatsti jach'añchapjjetaspa, take urunacana camachinacajjsa phokhapjjaraquispa, uqhamatwa wawanacapasa, jupanacasa wiñayataqui sum sarapjjaspa!

Hebreos 3:10

Ucatwa colerasta uca jakenacataquejja, ucat saracta: ‘Chuymanacapanjj jayanpun sarnakapjje, ucatsti janiw thaquejj-jja uñt'añ munapquiti.’

Hebreos 3:17

¿Qhitinacampiraquis Diosajj pusi tunc mara coleratänjja? Juchachasirinacampi, cawquïrinacatejj wasaranjj jiwarapjje ucanacampiwa.

Santiago 1:17

Take cunatejj asquïqui uqhamarac chekäqui ucajj alajjpachatwa juti, qhititejj alajjpach khananac lurqui uca Diosawa churistu. Diosajj pachpaquipunïsquiwa, janiraquiw jupanjja sarir ch'iwir uñtatas utjquiti.

1 Samuel 15:11

“Saúl chachar reyit utt'ayatajjatsti walpun amtta, nayatsti jithektituwa, arsutanacajjsti janiraquiw phokquiti” sasa. Samuelosti uca ist'asajj wali mayjt'ataw kheparäna, ucat uca aruma pakariraquiw Tatituru mayïna.

1 Samuel 15:29

Israelan jach'a Diosapäqui ucajja, janiw c'ariscaspati, ni amtcaraquispasa, jupasti janiwa aleka jakequïquiti amtañataquejja.

1 Samuel 15:35

Samuelosti janipuniw mayampsa Saúl reyirojj uñjcjjänti, chuymapanjja wali llact'atäcchïnsa cunatï Tatitojj wali amtasitapa Saúl reyiru Israel marcan reyipat utt'ayatapata.