Génesis 6:6 - Qullan Arunaka DC

⁶ jupasti jaqir luratapxa wal amtäna. Chuymapsa walirak usuyasïna,

Aymar Bibliia 1986

⁶ jupajj jaquir uscutapjja wal amtäna, walirac chuymapjja usuyasïna,

Qullan Arunaca

⁶ jupajj jaquir uscutapjja wal amtäna, walirac chuymapjja usuyasïna,

Génesis 6:6 Jak'a apnaqawi uñst'ayäwi

Génesis 6:7

ukat säna: “Nayan lurat jaqirux aka uraqit q'al chhaqtayä, ukhamarak uywañ uywanakaru, uraqin qatatnaqtir animalanakaru, jamach'inakarusa. ¡Walpun ukanak lurataxat amtta!” sasa.

2 Samuel 24:16

Kunapachatix Tatitun angelapax Jerusalén markar niya t'unjañampïskän ukapachasti, Tatitux chuymapan amthapisïna uka jach'a jan wali apayanitapata, ukat uka angelarux säna: “¡Ukkhakamaki, jan juk'ampi lurkxamti!” sasa. Ukapachasti Tatitun angelapax kawkhantix Arauna sat jebuseo jaqix trigo jawq'askän uka jak'ankaskänwa.

1 Crónicas 21:15

Tatitusti mä angelap Jerusalenar tukjañatak khithanïna. Ukampis kunapachatix angelax tukjaskän ukkhaxa, Tatitux uk uñjasax uka luratapat amtasïna, ukatsti tukjkän uka angelaruw säna: “¡Ukkhakamaki, jan juk'amp lurkxamti!” sasa. Ukapachasti, Tatitun angelapax jebuseo Ornán chachax trigo jawq'askän uka chiqan jikxatasïna.

Salmos 106:45

jupanakamp arust'äwi luratat amtasïna, jach'a khuyapayasiñampiw ch'allxtayasïna, ukat jan mutuykxänti:

Salmos 110:4

Tatitux mayak arsu, arsutapatsti janiw yaqha amtkiti: “Jumaw wiñay sacerdotëtaxa, Melquisedec sacerdotjama” sasa.

Salmos 119:158

Ch'uxña lurir jaqinakar uñjasax axtastwa, arunakamarux janiw jaysapkiti.

Salmos 78:40

¡Walja kutiw Diosarux jan jaysapkänti, wasarankasaw chuym usuyapxäna!

Salmos 81:13

13 (14) Markaxatix ist'itasapänxa, Israel markatix thakhixanjam sarnaqasapänxa,

Salmos 95:10

Pusi tunk maraw khä jaqinakatakix q'apisïyäta, ukat säyäta: ‘Aka markax wali pantjataw sarnaqi; ¡janiw arsutanakaxar jaysapkiti!’ sasa.

Éxodo 32:14

Tatitusti markapar t'unjañ amtkatayna ukxa armasxänwa.

Isaías 48:18

Nayan arunakaxarutix ist'asamäna ukaxa, walt'añamax mä jawirar uñtataw jilxatasapäna, atipjañamas jach'a qutan mathapinakapar uñtataw jilarasapäna,

Isaías 63:10

Ukampis israelitanakax Tatitutakiw sayt'asipxi, q'uma kankañaparuw ñanqhachapxi; ukat jupanakatakix mä uñisirir tuku, nuwantañatakiw amtaraki.

Jeremías 18:7

Nayax mayak amtiristxa, mä markaru, jan ukax mä marka apnaqäwir q'al t'unjañsa.

Jeremías 26:19

“Miqueas profetax ukham siskchïna ukasa, juparux janiw jiwayapkänti. Jan ukasti, reyisa, markankirinakasa taqiniw Tatit nayraqatan llamp'usipxäna, Tatitusti jupanakarux pampacharakïnwa. Ukampis jiwasatix Jeremías profetar jiwayañänixa, Tatitux ukham luratasat mutuyistaniwa” sasa.

Ezequiel 33:11

Jichhasti jupanakarux sarakim: Naya, Tatituw juramentompi arsta, janiw nayax qhuru jaqin jiwañap munkti, jan ukasti uka qhuru jakañap apanukusin jakañap munta. Israelitanaka, ¡jumanakax uka jan wali sarnaqäwinakam apanukupxam! ¡Kunatix jan walïki uk jan lurapxamti, ukhamat jan jiwapkätati!’ sasa.

Oseas 11:8

“Israel, ¿kunjämarak apanukt'asïmasti? ¿Kunjämarak jaytanukt'asïmasti? ¿Admá marka tukjkta ukhamti tukjirisma, jan ukax, Seboím markarux kuntix lurkta ukhamarakcha luririsma? ¡Chuymaxaw ch'allxtitu, jumatakisti khuyapayasiñan phuqt'atarakïtwa!

Joel 2:13

¡Juchanakamat amthapisisax Tatitumar makhatxapxam, isinakam ch'iyanuqkamayaxa, chuymanakamay ch'allxtayasipxam! Tatitux khuyapayasiriwa, llamp'u chuymaniwa, munasiñapas jach'arakiwa; juchanak luratat mutuyañäki uksa, jiwasat apaqirirakiwa.

Jonás 3:10

Ukatsti Tatitux Nínive markankir jaqinakarux jan wali sarnaqäwinakap apanukur uñjäna, ukat jupanakat khuyapt'ayasïna, janirakiw kuna mutuñatix jutañapäkän uksa apayankxänti.

Malaquías 3:6

“Nayätwa Tatit Diosaxa, nayax pachpakïsktwa. Ukat jumanakax Jacobun wawanakapa, jan tukjatäpktati.

Números 23:19

Tatitux janiw jiwir jaqinakjamäkiti: janiw k'ariskiti, janirakiw amuyt'äwip mayjt'aykisa. Jupax arsutaparjam lurapuniwa. Jupax arsutap phuqhapuniwa.

Romanos 11:29

Kuntix Diosax churki uk janiw aparaskiti, janirakiw jupan jawsatapsa mayjt'aykiti.

Efesios 4:30

Diosan Qullan Ajayuparux jan llakisiyapxamti, jumanakax uka Ajayumpi chimpuntatäpxtawa, ukhamat kunürutix jupax phuqhat qhispiyasiñ churapkätam ukürun Diosankirjam uñt'atäpxañamataki.

Deuteronomio 32:29

Jupanakatix yatiñanïpxaspaxa, amuyt'apxaspawa; kunäkanitix ukanaksa yatipxarakispawa.

Deuteronomio 32:36

“Diosaw markapat arxatasini, markapar jan ch'aman uñjasaxa; Diosaw luqtirinakapat khuyapayasini jan kunar tukuyat jikxatasitap uñjasaxa.

Deuteronomio 5:29

¡Walïspaw jupanakan ukham amuyunïpxaspa ukaxa, ukatsti jach'añchapxitaspa, kamachi arunakaxsa taqi urunakan phuqhapxarakispa ukaxa, ukhamat wawanakapasa, jupanakas wiñay sum sarnaqapxaspa!

Hebreos 3:10

Ukat nayax uka jaqinakatak phiñasta, saraktwa: ‘Jupanakax chuymapan jayanpun sarnaqapxi, janirakiw nayan thakhinakax uñt'añ munapkiti.’

Hebreos 3:17

¿Khitinakampirak Diosasti pusi tunk mara phiñasitänsti? Juchachasirinakampi, khitinakatix wasaran jiwarapkän ukanakampi.

Santiago 1:17

Kunatix askïki, chiqäki ukax alaxpachankir Diosat juti, jupax alaxpachankir warawaranak lurawayi. Diosax pachpakïskiwa, jupansti janiw mayjt'añasa, ch'amakt'añas utjkiti.

1 Samuel 15:11

—Saúl chachar reyit utt'ayataxat walpun amtasta, jupasti nayat jithiqtituwa, janirakiw arsutanakaxsa phuqkiti —sasa. Uk ist'asasti Samuelux wali mayjt'asïna, uka arum paqarirakiw Tatituru achikt'asïna.

1 Samuel 15:29

Israelan jach'a Tatitu Diosapäki ukaxa, janiw k'ariskaspati, janirakiw amtkaspasa, jupasti amtañatakix janiw aliqa jaqikïkiti —sasa.

1 Samuel 15:35

Samuelusti janipuniw mayampsa Saúl reyirux uñjkxänti, chuymapansti jupat wal llakt'asiskäna, ukhamarakiw Tatitux Saúl reyiru Israel markan reyipat utt'ayasax llakisïna.