Génesis 6:13 - Qullan Arunaca

¹³ Noerojj sänwa: “Take jakenac tucjañwa amtta. Jupanacan jucha luratanacap laycusti aca orakenjja jan walt'añanacaquiw utj-jje, uqhamasti take jupanacaru, uqhamarac take acapacharuw tucjä.

Aymar Bibliia 1986

¹³ Noerojj sänwa: “Take jakenac tucjañwa amtta. Jupanacan jucha luratanacap laycusti aca orakenjja jan walt'añanacaquiw utj-jje, uqhamasti take jupanacaru, uqhamarac take acapacharuw tucjä.

Qullan Arunaka DC

¹³ Noé chacharux sänwa: “Taqi jaqinak tukjañ amtta. Jupanakan jucha luratanakap laykusti aka uraqin jan walt'añanakaw utjxi, ukhamasti jupanakarusa, akapacharusa q'al tukjä.

Génesis 6:13 Jak'a apnaqawi uñst'ayäwi

Génesis 49:5

“Simeonampi, Levïmpisti jila sullcawa; armanacapasti jan walt'añanaca apaniriwa.

Génesis 6:14

Jichhajj mä arca lurasim gofer sat maderata, uca arca mankharusti cuartonaca luraraquim, uqhamarac arcarojja mankhatsa, ankäjjatsa breampi sum lluch'suraquim, umajj jan mantañapataqui.

Génesis 6:4

Cunapachatejj Diosan wawanacapajj jakenacan phuchanacapampi wawanïñataqui mayachasjjapjjän ucqhajj wali jach'a jakenacaw orakenjja uñstäna, uca khepatsa uqhamaraqui, jupanacasti wali ch'amani jakenacänwa nuwasiñataquejja, wali aytata jakenacänwa uca nayra tiemponjja.

Génesis 7:21

Uqhamaw jiwarapjjäna aca oraken take jakenacajja, jamach'inacasa, uywañ animalanacasa, pampanquir animalanacasa, orakenjam katatnaktir animalanacasa.

Génesis 7:23

Noempi, qhitinacatejj jupampi chica arcancapcän ucanacaquiw khespipjjäna, ucat ucsarusti k'ala tucjatänwa, jakesa, animalanacasa, jamach'inacasa, orakenjam katatnaktir animalanacasa.

Génesis 7:4

Acat pakallko ururusti nayajj mä jach'a jallu puriyanï, ucasti pusi tunca urumpi, pusi tunca arumampiw jalluraquini. ¡Aca oraketsti take cunatejj jacqui, uqhamarac take cuntejj nayajj usccta take ucanacwa k'al tucjä!” sasa.

Génesis 8:21

Cunapachatejj Tatituru ucqha suma k'aphejj purïna ucqhajj Tatitojj aqham sänwa: “Janipuniw mayampsa aca orakerojj maldiscjjäti jaken juchap laycojja, jakesti waynatpacha ñankha lurañacpunwa amtasquejja. Janiraquiw animalanacarojj mayampsa tucj-jjäti, cunjämtejj jichhajj lurcta uqhama.

Isaías 34:1

Marcanaca, jac'achasinipjjam ist'añataqui; jach'a marcanaca, wal wal ist'apjjam. Take aca orakpacha ist'pan uqhamaraqui ucan utjirinacasa, take aca orakpacha, cunanacatejj pokqui ucanacamppacha.

Jeremías 51:13

Jumasti Babilonia, jach'a jawiranac thiyanctawa, kamir cancañamas waliraquiwa, ¡Tucusiñamajj purinjjesä, sarnakäwimas tucuyjjaraquiwa!

Amós 3:7

Tatitojj janipuniw cuns lurcaspati profeta servirinacaparu jan yatiyasajja.

Amós 8:2

Jupasti jisct'araquituwa: —¿Amós, cuns uñjtajja? —sasa. —Mä canastan pokorat achunaca —saractwa. Tatitusti saraquituwa: —Israel marcajj pokoratäjjewa; janipuniw mayampsa perdoncjjeristti.

Hebreos 11:7

Iyawsäwi laycuw Noé chachajj Diosarojj ist'äna uqhamarac arcsa luräna familiapan khespiyasiñapataqui, cunapachatejj Diosajj jan uñjatäcäns ucanacan pasañap yatiycän ucqhajja. Uca iyawsäwi laycuraquiw Noé chachan acaorakenquirinacarojj juchañchäna, uqham iyawsatap laycuraquiw Diosampejj catokatäna.

1 Pedro 4:7

Take cunan tucusiñapajj jac'anquiwa, ucatpï jumanacajj wali amuyt'ampi sarnakapjjañamajja, uqhamarac oracionsa jan jaytas lurapjjañamajja.