Génesis 6:13 - Qullan Arunaka DC

¹³ Noé chacharux sänwa: “Taqi jaqinak tukjañ amtta. Jupanakan jucha luratanakap laykusti aka uraqin jan walt'añanakaw utjxi, ukhamasti jupanakarusa, akapacharusa q'al tukjä.

Aymar Bibliia 1986

¹³ Noerojj sänwa: “Take jakenac tucjañwa amtta. Jupanacan jucha luratanacap laycusti aca orakenjja jan walt'añanacaquiw utj-jje, uqhamasti take jupanacaru, uqhamarac take acapacharuw tucjä.

Qullan Arunaca

¹³ Noerojj sänwa: “Take jakenac tucjañwa amtta. Jupanacan jucha luratanacap laycusti aca orakenjja jan walt'añanacaquiw utj-jje, uqhamasti take jupanacaru, uqhamarac take acapacharuw tucjä.

Génesis 6:13 Jak'a apnaqawi uñst'ayäwi

Génesis 49:5

“Simeonampi, Levïmpix jila purawa; nuwasiñ yänakapasti jan walt'añanak apaniriwa.

Génesis 6:14

Jichhax resinosa sat lawat mä arca luram, arca manqharusti utanak lurarakim, arcarusti, uman jan mantañapatakix manqhatsa, anqäxatsa alquitranampi sum lluch'ikipam.

Génesis 6:4

Kunapachatix Tatit Diosan wawanakapax jaqinakan phuchhanakapampi wawanïñatak mayachasipxän ukkhaxa, wali jach'a tansa jaqinakaw aka uraqin uñstäna. Jupanakasti nuwasiñatakix wali ch'amani jaqinakänwa, wali aytata jaqinakat nayratpach uñt'atänwa.

Génesis 7:21

Ukhamaw aka uraqin taqi jakir jaqinakax jiwarapxäna, jamach'inakasa, uywañ animalanakasa, pampankir animalanakasa, uraqinjam qatatnaqtir animalanakasa.

Génesis 7:23

Khitinakatix Noé chachampi arcankapkän jupanakakiw qhispipxäna, ukat uksarusti, jaqisa, uywañ animalanakasa, jamach'inakasa, uraqinjam qatatnaqtir animalanakas q'ala tukjataw uñjasipxäna.

Génesis 7:4

akat paqallq ururusti nayax mä jach'a jallu puriyanï, ukasti pusi tunka urumpi, pusi tunka arumampiw jallux purintani. ¡Aka uraqitsti taqi kunatix jakki, kuntix nayax lurkta ukanak q'al tukjä!” sasa.

Génesis 8:21

Kunapachatix uka suma q'aphix Tatitun ukar purïna ukkhasti, Tatitux akham sänwa: “Janipuniw mayampsa aka uraqirux jaqin jucha luratap laykux ñanqhachkxäti, jaqix waynatpacha ñanqha lurañak amtaski. Janirakiw animalanakarus mayampsa tukjkxäti, kunjämtix jichhax lurktxa ukhama.

Isaías 34:1

Markanaka, ist'añatak jak'achasinipxam; jach'a markanaka, wal wal ist'apxam. Taqi akapachan utjirinak ist'pan, kunanakatix achki ukanakamppach ist'arakpan.

Jeremías 51:13

Jumasti Babilonia, jach'a jawiranak thiyankir marka, qamir yänakamas walipuniwa, ¡ukampis tukusiñamax purinxiwa, jiwañam pachas purinxiwa!

Amós 3:7

Tatitux janipuniw kunsa lurkaspati profeta luqtirinakapar jan yatiykasaxa.

Amós 8:2

jupasti jiskt'arakituwa: —¿Amós, kuns uñjtaxa? —sasa. Nayasti jupar sistwa: —Mä walayan puqurat achunak uñjta —sasa. Tatitusti sarakituwa: —Israel markax uka achunakjam puquratäxiwa; janipuniw mayampsa juchanakap pampachkxäti.

Hebreos 11:7

Noé chachax iyawsäwi laykuw Diosar jaysäna, ukatsti mä barca luräna, utapankirinakar qhispiyañataki, kunapachatix Diosax jan uñjatäkänsa ukanakan lurasiñap yatiykän ukkhaxa. Noé chachax uka pachpa iyawsañampiw akapachankir jaqirux juchañchäna, ukham iyawsatap laykuw askit katuqatäna.

1 Pedro 4:7

Taqi kunan tukusiñapax jak'ankxiwa, ukatpï jumanakax wali amuyt'amp sarnaqapxañamaxa, Tatiturus mayisipxañamaxa.