Génesis 5:2 - Qullan Arunaca

² Chacha, warmi uscüna, ucatsti bendiciraquïnwa. Cuna urutejj Diosajj jakeru usccäna ucapachajj sänwa: “Jake” sasa.

Aymar Bibliia 1986

² Chacha, warmi uscüna, ucatsti bendiciraquïnwa. Cuna urutejj Diosajj jakeru usccäna ucapachajj sänwa: “Jake” sasa.

Qullan Arunaka DC

² Chacha, warmi luräna, ukatsti aski waxt'äwi churarakïna. Jupanakarusti “Jaqinaka” sutimpiw uchäna.

Génesis 5:2 Jak'a apnaqawi uñst'ayäwi

Génesis 1:27

Cunapachatejj Diosajj jake usccäna ucapachajj jupar uñtasitwa uscüna; chacha, warmi,

Génesis 1:28

ucjjarusti bendiciraquïnwa: “Jichhajj wali mirantapjjam, aca orakerusti phokhantapjjaraquim, apnakapjjaraquim; take chawllanacarusa, jamach'inacarusa apnakapjjam, uqhamaraqui orakenjam katatnaktir animalanacarusa” sasa.

Génesis 2:15

Cunapachatejj Tatitu Diosajj jakerojj Edén huertoru usccatayna yapuchañapataqui, uqhamaraqui uñjañapataqui,

Génesis 2:23

chachasti uñjasinjja saraquïnwa: “¡Acapï chekpachansa janchejjat janchinejja, uqhamarac ch'aqhajjat ch'aqhanejja! Jupasti Warmi satäniwa, Diosajj chachat apsutap laycu” sasa.

Génesis 5:3

Adanasti pataca quimsa tuncani maranïnwa cunapachatejj wawapajj nascäna ucapachajja, uca wawapasti jupa quipcaquipunïnwa, Set sasaraquiw sutichäna.

Malaquías 2:15

¿Janiti Diosasti panpachaniru mä janchini mä ajayuni tucuyapctamsti? Ucatsti ¿cunsa ucanacat Diosajj munpacha? ¿Janiti wawanacaman jacañanacapajj Diosaru loktatäñap muncpacha? ¡Uqhamasti jumanacpachat amuyasipjjam, janiraqui waynäcasin casarasipcta uca warminacamarojj sallkjapjjamti!

Mateo 19:4

Jupasti ucjjarojj saraquïnwa: —¿Janit jumanacajj Diosan arunacapana leet'apcta, qhititejj kalltan lurcäna ucajj chacha warmi lurqui ucjja?

Marcos 10:6

Ucampis kalltanjja, take cuns lurcäna ucqhatpachaw ‘Diosajj chacha warmi uchäna.

Hechos 17:26

“Jupasti mä sapa jaketacracwa take cast jakenacsa mirtayi take acapachan utjañapataqui. Jupan munañaparaquiw jakenacan kawkha maranaca acapachan utjañapasa, uqhamarac cawqhacam jacañapasa.