Génesis 5:3 - Qullan Arunaca

³ Adanasti pataca quimsa tuncani maranïnwa cunapachatejj wawapajj nascäna ucapachajja, uca wawapasti jupa quipcaquipunïnwa, Set sasaraquiw sutichäna.

Aymar Bibliia 1986

³ Adanasti pataca quimsa tuncani maranïnwa cunapachatejj wawapajj nascäna ucapachajja, uca wawapasti jupa quipcaquipunïnwa, Set sasaraquiw sutichäna.

Qullan Arunaka DC

³ Adanasti patak kimsa tunkan maranïnwa kunapachatix Set sat wawapax yurkän ukapachaxa, uka wawapasti jupa kipkakipunïnwa.

Génesis 5:3 Jak'a apnaqawi uñst'ayäwi

Génesis 4:25

Adanampi, Evampisti wastatwa wawanejjapjjäna, uca wawasti Set satänwa, ucatsti saraquïnwa: “Diosajj yakha wawa churjjetu, cawquïrirutejj Cainajj jiwaycänsa uca Abel lanti” sasa.

Génesis 5:2

Chacha, warmi uscüna, ucatsti bendiciraquïnwa. Cuna urutejj Diosajj jakeru usccäna ucapachajj sänwa: “Jake” sasa.

Génesis 5:4

Ucjjarusti Adanajj quimsakallk pataca marampwa jacascäna, ucatsti yokall wawa, imill wawaw utjarapiraquïna,

Job 14:4

Janiw qhitis k'añu cancañatjja k'oma cancaña apscaspati,

Job 25:4

¿Mä jakesti asquïspati, uqhamaraqui k'omäspati Diosan nayrakatapanjja?

Salmos 51:5

Nayajj yuritajjatpach juchan muyuntatätwa; taycajjan puracapatpach juchanïtwa.

Lucas 1:35

Angelasti sänwa: —Kollan Ajayuw jumjjaru jutani, ucatsti alajjpach Diosan ch'amapaw mä kenayjam jumarojj imjjattätam. Ucatwa nascan uca wawajj Diosatac yakhachatäni, ucatsti Diosan Wawapa sataraquïniwa.

Lucas 3:36

Salasti Cainanan yokapänwa, Cainanasti Arfaxadan yokapänwa, Arfaxadasti Seman yokapänwa, Semasti Noen yokapänwa, Noesti Lamecan yokapänwa,

Juan 3:6

Cunatejj janchit nacitäqui ucajja janchiwa; cunatejj Ajayut nacitäqui ucajja ajayuwa.

Romanos 5:12

Cunjämatejj mä sapa jake toke juchajj aca oraker mantanquejja, ucat jiwajj uca jucha laycurac utjejja, uqhamaraquiw jiwajj take jakerojj catuntawayi juchachasitap laycu.

1 Corintios 15:39

Janiw take cuerponacajj mä sapa janchinïquiti. Jaken cuerpopajja yakha casta janchiwa, animalanacan janchipasa yakha castaraquiwa, jamach'inacansa, chawllanacansa janchipajj yakharaquiwa.

1 Corintios 15:49

Cunjämtejj uca lak'at lurat jaker uñtasitätanjja, uqhamaraquiw mä urojj uca alajjpach jaker uñtasitäñäni.

Efesios 2:3

Take jiwasanacaw uqham nayrapachajj jacayätan, munañanacasarjama sarnakasa, janchin munañanacaparjama phokhasina, amtäwinacasarjama sarnakasina. Ucatpï Diosan ajjsarcañ mutuyäwip mayninacjama catokañasajj waquisïnjja.