Génesis 48:7 - Qullan Arunaca

⁷ Cunapachatejj nayajj Padan-aram sisqui ucsa toket cuttanjjayäta ucqhasti Raquelajj Canaán orakenwa jiwjjäna, ucampisa janïra Efrata sisqui uca chekar purincasa, ucatsti uca Efrata thaqui jac'aruw imt'jjaracta, jichhasti Belén sataraquiwa.

Aymar Bibliia 1986

⁷ Cunapachatejj nayajj Padan-aram sisqui ucsa toket cuttanjjayäta ucqhasti Raquelajj Canaán orakenwa jiwjjäna, ucampisa janïra Efrata sisqui uca chekar purincasa, ucatsti uca Efrata thaqui jac'aruw imt'jjaracta, jichhasti Belén sataraquiwa.

Qullan Arunaka DC

⁷ Nayax Padán-aram chiqat kuttasinkayät ukkhaw Raquel taykamax thakhin jiwxi; Canaán uraqina, Efrata markar jak'achkasa, ukat nayax thakhi thiyar jupar imt'xarakta, jichhasti uka markax Belén satäxarakiwa —sasa.

Génesis 48:7 Jak'a apnaqawi uñst'ayäwi

Génesis 25:20

Isaacasti pusi tunca maranïnwa cunapachatejj Rebecampi casarascän ucapachajja, ucasti Betuelan phuchapänwa, Labanan cullacaparaqui, cawquïri arameo jakenacatï Padan-aram sisqui ucsa tokenacan jaccäna ucanaca.

Génesis 33:18

Cunapachatejj Jacobojj Padan-aramat cuttanjjän ucqhajj Canaán orakerojj c'umaraw purinïna, ucatsti Siquem marca uñcatasiruw puriraquïnjja.

Génesis 35:20

Jacobosti uca sepultura patjjarojj mä amtasiñ perka sayt'ayäna, uca perkaraquiw jichhürcama Raquelan sepulturapjja uñacht'ayasqui, mä señäljama.

Génesis 35:9

Cunapachatejj Jacobojj Padan-aram toket cuttanjjän ucqhajj Diosajj juparojj wasitatwa uñstäna, ucatsti,

Génesis 48:6

Uca khepat nazcani uca wawanacamasti jumancjjaniwa, ucampisa Efrainampina, Manasesampina jilanacapätap laycusti herencia catokapjjaraquiniwa.

Miqueas 5:2

Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”

Mateo 2:18

“Mä aruw ist'asi Ramá sat marcana. Wali jachañanaca uqhamaraqui wali llaquisiñanaca; ucasti Raquelaw wawanacapat wali jachascäna, jupasti janiw chuymachatäñjj muncänti, wawanacapajj jiwaratäjjatap laycu.”

1 Samuel 1:1

Efraín kollunac tokena Ramá sat chekana, mä chachaw jacäna, Zuf sisqui uca familianquiriraqui, sutipasti Elcana satänwa. Jeroham chachan yokapänwa, Eliú sat jaken allchhiparaqui. Achachilapan awquipasti Tohu satänwa, ucasti Zuf sisqui ucan yokaparaqui, Efraín tribunquirinacaraquïnwa.

1 Samuel 10:2

Jichhajj acat sarjjasinsti, Raquelan sepulturap jac'ana pani chachanac jicjjatäta, Selsa sisqui uca chekana, Benjamín tribun orakepana. Jupanacasti kachu asnonacar jicjjatjjatapatwa yatiyapjjätam, awquimasti janiw uca kachu asnonacat llaquiscjjeti jan ucasti, jumanacat llaquisejja, uqhamarac: ‘¿Cuns camachä wawajjata?’ sasaw awquimajj jisct'asisqui sasaw saraquïtam.

1 Samuel 16:4

Samuelosti cuntejj Tatitojj siscatayna ucanacwa luraraquïna. Cunapachatejj Belenar purcän ucqhasti, marcatjja jilïri jakenacaw mistunipjjäna jupar catokañataqui, mä juc'a ajjsarapjjaraquïnwa, jisct'apjjaraquïnwa: —¿Sumancaña munasati juttajja? —sasa.

1 Samuel 17:12

Mä jakeraquiw Belén marcan utjäna Isaí sutini, Saúl reyin urunacapansti jupajj niya chuymanëjjänwa. Uca jakesti quimsakallko yokanacanïnwa, sullquïristi David sataraquïnwa.