Génesis 41:8 - Qullan Arunaca

⁸ Ucampis khepärmanthi alwasti wali llaquitänwa, ucatsti take yatirinaca, uqhamarac yatiñani jakenacaruw take Egipto marcat irptayani. Cunapachatejj faraonajj take uca samcanac avist'äna ucqhasti janiw qhitisa khanañchañ puedcänti.

Aymar Bibliia 1986

⁸ Ucampis khepärmanthi alwasti wali llaquitänwa, ucatsti take yatirinaca, uqhamarac yatiñani jakenacaruw take Egipto marcat irptayani. Cunapachatejj faraonajj take uca samcanac avist'äna ucqhasti janiw qhitisa khanañchañ puedcänti.

Qullan Arunaka DC

⁸ Ukampis qhipärmanthix wali llakt'ataw reyix sartasïna, ukatsti Egipto markankir yatirinakaru, yatiñani jaqinakaruw irptayanïna. Ukatsti faraonax uka samkanakap jupanakar yatiyasïna, ukampis janiw maynisa uka samkanak qhanañchirjamäpkänti.

Génesis 41:8 Jak'a apnaqawi uñst'ayäwi

Génesis 40:6

Uqhamasti cunapachatejj Joseajj presonacaru uñjir jutcän ucqhasti uca paninirojj wali llact'atwa jicjjatäna,

Génesis 40:8

—Mä samca samcasipjjta, janiraquiw qhitis uca khanañchañ puedipquituti —sasaw jupanacajj sapjjäna. —¿Janit Diosasti uca samca khanañchirïquisti? —sasaw Joseajj saraquïna—. Jichhasti avist'apjjetay uca samca —saraquïnwa.

Génesis 41:15

Faraonasti Josearojj saraquïnwa: —Mä samca samcasta, ucatsti janiraquiw qhitis khanañchañ puedquituti, ucampis ist'twa, jumajj mä samca ist'asajj khanañchirïtama.

Génesis 41:24

Aca pakallko waña puyanacasti, uca suma pakallko puyanacaruw mank'antapjjäna. Nayajj take aca samcwa yatiri jakenacaru avist'asta, janiw maynis khanañchañ puedquituti.

Génesis 41:7

Ucat aca pakallko ch'usu trigo puyanacajj, uca pakallko suma trigo puyanacaruw mank'antäna. Faraonasti iquit sartasïna, ucasti samcaquïtaynawa.

Salmos 25:14

Tatitojj arquirinacapampejj sum parlasi; jupanacarusti arusjäwir mantatap uñt'ayi.

Éxodo 7:11

Uca uñjasinsti faraonajj wali amuyt'an jakenacaru, uqhamarac jupanacan wali yatiri jakenacaruw jawsayanïna, ucatsti uca jakenacajj yatiñanacapampejja quipcaracwa lurapjjaraquïna;

Éxodo 7:22

Ucampis Egiptonquir yatiri jakenacajja uca quipcaraquiw lurapjjaraquïna, ucatsti faraonajj chuymapa colerañampi kalarayasisajj janiw ist'añ muncänti cuntejj Tatitojj siscäna ucjja.

Éxodo 8:7

Ucampis jach'a yatiri jakenacajja yatiñanacapampejj quipcacracwa lurapjjaraquïna, jupanacasti c'ayranacapjja Egipto orakerojj jutayapjjaraquïnwa.

Éxodo 9:11

Jichhäqui ucansti Egiptonquir jach'a yatirinacajj janiw Moisesampi jiquisir saraña puedipcänti, karachi usojja jupanacar catuntatap laycu, mayni egipcio jakenacarjama.

Isaías 19:3

P'eksa jupanacarojj mayjt'ayäwa, amtatanacapsti t'unjaraquïwa. Ucapachawa yakha diosanacaparu, laykanacaparu jisct'asir sarapjjani, jiwatan ajayunacaparu, yatiri jakenacaparuw jisct'asipjjani.

Isaías 29:14

Ucatpï jichhajj milagronacampi, unañchanacampi aca marcarojj wasitat muspharat jaytawayäjja. Yatiñani jakenacapan yatiñanacapasti, uqhamarac ch'iqhi jakenacapan amuyt'añanacapasa tucusiniwa.”

Isaías 8:19

Jakenacasti sapjjaraquïtamwa: ‘Jiwatanacan ajayunacapar jisct'asipjjam, uca yatiri jakenacarusti qhitinacarutejj jisc'at chhiphisisipqui ucanacaru. ¿Janit mä marcasti diosanacaparu jisct'ascaspasti, janit jiwirinacarusa, jaquirinacjjata suma amuyt'äwi arunaca maycaspa?

Daniel (hebreo) 1:20

Take cuna luräwinacatejj wali amuyt'ampi luraña waquiscäna, ucanacansti reyejj uca waynanacaruw jisct'äna, ucatsti reyejj jicjjataraquïnwa uca waynanacajj sinti ch'iqhïpjjatapa cawquïri yatiri, layka jakenacatejj palaciopan utjcän ucanacat sipansa.

Daniel (hebreo) 4:18

“Acaw naya, Nabucodonosor reyin, samcasitajjajja. Jichhajj Beltsasar, jumajj khanañchita cuntejj uca samcajj sañ munqui ucjja, janiw qhitisa yatiñani jakenacajj taypitjja ucjja amuyt'apquiti; ucampisa jumajj khanañchasmawa, kollan Diosan ajayupajj jumar irpascatap laycu.”

Daniel (hebreo) 4:19

Uqhamasti Daniel waynajj, qhitirutejj Beltsasar sas sutichapcäna ucajja wali muspharataw uñjasïna, cuna amtäwinacatejj p'ekeparu jutcän ucanacampisa wali mayjt'ataw uñjasiraquïna. Ucampisa naya, reyejj, juparojj saractwa: ‘Beltsasar, jan jumajj llaquisimti cuna samctejj samcascta ucatjja, uqhamaraqui khanañchäwipatsa’ sasa. Beltsasarasti ucjjarojj saraquituwa: ¡Jach'a rey, cuntejj uca samcajj sañ munqui ucanacasti juman uñisirinacamjjaru purpan!

Daniel (hebreo) 4:5

Ucampisa mä arumawa iquiñancjjasina, mä samca samcasta ucasti walpun warariyitu, cunaymani casta lup'ïwinaca, unañchäwi uñjaracta, take ucanacaw ajjsarañampi phokhantitu.

Daniel (hebreo) 4:6

Ucatwa mayiraquïyätjja take yatiñani jakenacajj aca Babilonia oraken utjapquisa ucanacajj nayar uñjiri jutapjjañapataqui, uca samcajj cuntejj saña munqui uca khanañchapjjañapataqui.

Daniel (hebreo) 4:7

Ucatsti jutapjjänwa take mago jakenaca, yatirinaca, yatiñaninaca, warawaranaca uñch'uquirinaca, qhitinacatejj Babilonia oraken utjapcän take ucanaca, ucat nayajj jupanacaru samcajja yatiyta, ucampis jupanacajj janiw khanañchañataquejj ch'amanïpcänti.

Daniel (hebreo) 5:11

jupan reinopansti mayni jakew utji kollan Diosan ajayupampi irpata. Cunapachatejj jach'a reyin awquipajj reyïcan ucapachajj uca jakejj wali suma khana amuyunïtapwa uñacht'ayäna, ch'iqhïtapa, yatiñanïtapa diosanacjama yatiñanïcaspas uqhama. Ucatpï juma jach'a reyin Nabucodonosor rey awquimajj uca jakerojj take yatiri, mago, yatiñani, uqhamaraqui warawaranaca uñch'uquiri jakenacan jilïripat utt'ayänjja.

Daniel (hebreo) 7:28

“Ucaw uca unañchäwin tucuyäwipajja. Naya, Daniel, wali mayjt'atapuniw jicjjatasta, ajanojjas k'elluw tucuraqui, ucampisa janiw qhitirusa cunsa aca toketjja siscaractti.”

Daniel (hebreo) 8:27

“Naya, Daniel, k'ala ch'ama thayjtataw uñjasïyäta, walja urunacaraquiw usuntata jicjjatasiraquïyäta. Take ucanac pasatasti wasitatwa marca apnacañanacan luräwinacapjja uñjaraquïyäta. Ucampisa cuna unañchäwtejj uñjcta ucanacatjja wali llaquitapuniw jicjjatasïyäta, jan amuyt'añjamätap laycu.”

Levítico 19:31

“Janipuni ch'amacaninacarusa ni laykanacarusa sarapjjamti. Janiraqui jupanacaru jisqhisisasa ñankhachasipjjamti. Nayätwa jumanacan Tatitu Diosamajja.

Levítico 20:6

Maynitejj ch'amacaninacan ucaru, uqhamarac yatirinacan ucaru sarani, ucat k'añuchasiraquini ucanacar arcasa, ucapachasti nayajj jupa contraw sayt'ä ucat uca jakjja jakenac taypitjja jiwayjjaraquïwa.

Habacuc 3:16

Take ucanac ist'asajja ajjsarayastwa: janiw cunas arsuñjamäquiti; cayunacajjas janiw sayt'asiñataquejj ch'amanïcjjeti, take cuerpojjas janiraquiw ch'amanïcjjeti. Uqhamäquipansa, jan ajjsarañampiw suyt'äjja, cuna urutï Diosajj llaquisiñaru uchcani, jiwasanacaru t'akhesiyiri ejercitonacaparu.

Mateo 2:1

Jesusasti Belén marcanwa nacïna Judea orakena, ucapachasti Herodesaw reyïscaraquïna. Jerusalén marcarusti mä jakenacaw inti jalsu toketa purinipjjäna, jupanacasti magonacäpjjänwa.

Hechos 17:18

Epicúreo sat yatichirinacampita, estoico sat yatichirinacampitjja, mä kawkhaninacaw Pablompi wal jisct'asipjjäna. Yakhepanacajj sapjjänwa: —¿Cun sañs munpachïstu aca ancha parlir jakejja? —sasa. Yakhepanacasti sapjjaraquïnwa: —Yakha jan uñt'at diosanacat parlir jakjamaquiwa —sasa. Ucsti sapjjänwa Pablojj Jesusampit, jactäwipampit parlatap laycu.

Hechos 7:22

Uqhamatwa Moisesajj wali suma yatichatäna, cawqhacamatejj egipcionacajj yatipcäna ucacama. Moisesasti wali ch'amanïnwa arsüwipana, luräwipansa.

1 Corintios 1:19

Kellkatanacansti saraquiwa: “Wali yatiñan jakenacan yatitanacapjja t'unjäwa, Maysaruraquiw amuyt'ir jakenacan amuyunacapsa apanucöjja” sasa.

1 Samuel 6:2

Uca khepatsti filisteo jakenacajj sacerdotenacampiru, yatiri jakenacampiruw jawsthapipjjäna, jisct'añataqui: —¿Cunsa lurañäni Tatitun arcapampejja? Sapjjeta, ¿cunjämatsa arcajj cutt'ayatäjjaspa? —sasa.