Génesis 41:8 - Qullan Arunaka DC

⁸ Ukampis qhipärmanthix wali llakt'ataw reyix sartasïna, ukatsti Egipto markankir yatirinakaru, yatiñani jaqinakaruw irptayanïna. Ukatsti faraonax uka samkanakap jupanakar yatiyasïna, ukampis janiw maynisa uka samkanak qhanañchirjamäpkänti.

Aymar Bibliia 1986

⁸ Ucampis khepärmanthi alwasti wali llaquitänwa, ucatsti take yatirinaca, uqhamarac yatiñani jakenacaruw take Egipto marcat irptayani. Cunapachatejj faraonajj take uca samcanac avist'äna ucqhasti janiw qhitisa khanañchañ puedcänti.

Qullan Arunaca

⁸ Ucampis khepärmanthi alwasti wali llaquitänwa, ucatsti take yatirinaca, uqhamarac yatiñani jakenacaruw take Egipto marcat irptayani. Cunapachatejj faraonajj take uca samcanac avist'äna ucqhasti janiw qhitisa khanañchañ puedcänti.

Génesis 41:8 Jak'a apnaqawi uñst'ayäwi

Génesis 40:6

Qhipärmanthisti, kunapachatix Joseax katuntatanakar uñjir jutkän ukkhaxa, uka panirux wali llakt'at jikxatäna,

Génesis 40:8

Jupanakasti sapxänwa: —Mä samka samkasipxta, janiw khitis uk qhanañchirjamäpkituti —sasa. Joseasti sänwa: —Samkanakam yatiyapxita, Diosaw kuntix sañ munki uk qhanañchistani —sasa.

Génesis 41:15

Faraonasti Josearux akham säna: —Mä samka samkasta, uksti janirakiw khitis qhanañchirjamäkiti, ukampis yattwa, jumax mä samka ist'asax qhanañchirïtama —sasa.

Génesis 41:24

Uka paqallqu ch'usu puyasti, paqallqu suma puyanakaruw manq'antäna. Nayasti aka samkanakxa yatir jaqinakaruw yatiyasta, ukampis janiw maynis qhanañchirjamäpkiti” —sasa.

Génesis 41:7

Ukat uka paqallqu ch'usu trigo puyanakax, uka paqallqu suma trigo puyanakaruw manq'antäna. Ukhamaruw faraonax ikit sartasïna, ukatsti mä samkakïtap amuyäna.

Salmos 25:14

Tatitux arkirinakapampix sum parlasi, jupanakarusti arust'äwir mantatap uñt'ayi.

Éxodo 7:11

Uk uñjasinsti faraonax yatiñan jaqinakaparu, layqanakaparuw jawsayanïna, jupanakasti yatiñanakapampix kipkarak lurapxäna;

Éxodo 7:22

Egiptonkir yatir jaqinakasti yatiñanakapampix kipkarak lurapxäna, ukatsti kunjämtix Tatitux siskatayna ukhampun faraonax chuymap qalarayasïna, janiw Moisesampiru, Aaronampir ist'añ munkänti.

Éxodo 8:7

7 (3) Yatiri jaqinakasti yatiñanakapampix kipkakirak lurapxäna, jupanakasti Egipto uraqir k'ayra jamp'atunak jutayapxarakïna.

Éxodo 9:11

Egiptonkir yatirinakasti janiw Moisesar saykatirjamäpkänti, jupanakamppachaw mayni egipcio jaqinakjamarak qarachi usuni uñjasipxäna.

Isaías 19:3

Amuyunakap mayjt'ayä, amtatanakapsti t'unjarakïwa. Ukapachaw jiskt'asipxani: yaqha diosanakaru, layqanakaru, jiwatanakan ajayunakaparu, yatiri jaqinakaru.

Isaías 29:14

Ukatpï jichhax muspharkañanaka aka markarux uñacht'ayäxa, ukatsti, aka markax muspharataw uñjasini. Yatiñani jaqinakapan yatiñanakapsa, ch'ikhi jaqinakapan amuyt'añanakapsa, q'al chhaqtayäxa.”

Isaías 8:19

Jaqinakasti sapxarakïtamwa: “Jiwatanakan ajayunakapar jiskt'asipxam, jisk'at chhiphisisipkir layqa jaqinakar jiskt'asipxam. ¿Janit mä markasti diosanakapar jiskt'askisti, janirakit jiwatanakarusa, jakirinakxat suma amuyt'äwi arunak mayiskisti,

Daniel (hebreo) 1:20

Kuna luräwinakatix wali amuyt'ampi lurañ wakiskäna ukanakatakisti, reyix uka waynanakaruw jiskt'äna, reyitakisti uka waynanakaw wali ch'ikhïpxänxa, markapan utjir tunka yatiñani jaqinakat sipansa.

Daniel (hebreo) 4:18

18 (15) “ ‘Uka samka naya, Nabucodonosor reyix samkasta. Jichhasti Beltsasar, qhanañchita kuntix uka samkax sañ munki uka, janiw khitisa yatiñani jaqinak taypit uk amuyt'apkiti; ukampis jumax qhanañchasmawa; qullan Diosan ajayupax jumampïskatap layku.”

Daniel (hebreo) 4:19

19 (16) “ ‘Danielasti, khitirutix Beltsasar sas sutichapkarakïna ukax musphataw uñjasïna, kuna lup'ïwinakatix p'iqipar jutkäna ukampi wali mayjt'ataw uñjasirakïna. Ukampis naya, reyix jupar saraktwa: ‘Beltsasar, jan jumax samkaxat llakisimti, janirak qhanañchäwipatsa llakisimti’ sasa. Beltsasarasti ukxarux sarakituwa: ‘¡Munañan rey, kuntix uka samkax sañ munki ukanakax uñisirinakamxar wakt'pan!

Daniel (hebreo) 4:5

5 (2) Ukampis mä arumaw ikiñankasin mä samka samkasta, ukasti walpun mulljitu, kunayman lup'ïwinakampi, unañchäwinakampix axsarañat khathatiyitu.

Daniel (hebreo) 4:6

6 (3) Ukat nayax, Babilonia uraqin utjir taqi yatiñan jaqinakaruw jawsayta, kuntix uka samkax sañ munki uk nayar qhanañchapxañapataki.

Daniel (hebreo) 4:7

7 (4) Ukatsti, Babilonia markan utjiri yatir jaqinaka, yatirinaka, yatiñaninaka, warawaranak uñch'ukis yatirinakaw jutapxäna, ukat nayax jupanakar samkax yatiyasta, ukampis jupanakax janiw uk qhanañchirjamäpkänti.

Daniel (hebreo) 5:11

aka Babilonia markan mä ch'ikhi, yatiñan jaqiw utji. Juparux qullan Diosan ajayupaw irpaski. Kunapachatix juma reyin awkimax reyïkäna ukapachaw uka jaqix qhana amuyunïtapa ch'ikhïtapa, yatiñanïtap uñacht'ayäna, diosanakjam yatiñanïkaspas ukhama. Ukatpï Nabucodonosor reyix, juma reyin awkimax uka jaqir taqi yatirinakana, layqanakana, yatiñan jaqinakana, warawaranak uñch'ukis yatir jaqinakan jilïripat utt'ayänxa.

Daniel (hebreo) 7:28

“Ukaw uka unañchäwin tukuyäwipaxa. Naya, Danielasti, wali mayjt'atapuniw jikxatasïyäta, ajanuxas q'illuw tukuwayarakïna; ukampis janiw khitirus ukxat arskti.”

Daniel (hebreo) 8:27

“Naya, Danielasti, ch'ama thayjtataw uñjasïyäta, walja urunakaw usuntat jikxatasirakïyäta. Uka qhipatsti wasitat marka apnaqäwin lurañanakap luraskakïyäta. Ukampis kuna unañchäwtix uñjkäyäta ukanakan jan amuyt'añjamätapatxa, wali llakitapuniw jikxatasïyäta.

Levítico 19:31

“Janipun layqanakan ukarusa, yatirinakan ukarus sarapxamti. Jupanakar jiskhisisax jan ñanqhachasipxamti. Nayätwa jumanakan Tatit Diosamaxa.

Levítico 20:6

Maynitix ch'amakani layqanakar jiskt'asir sarani, ukat ukanakar arkasarak q'añuchjasini ukasti, nayax jupatakiw phiñasï ukatsti jiwayarakïwa.

Habacuc 3:16

Taqi ukanak ist'asax wal axsarayasta. Laka ispillunakaxas wal khathatiraki, kayunakaxas janiw sayt'asiñatakix ch'amanïkxiti, taqi janchixas janirakiw ch'amanïkxiti. Ukhamäkipansa, jan axsarañampiw suyt'ä, Tatitux jiwasanakar t'aqhisiyirinakar mutuykani ukapachkama.

Mateo 2:1

Kunapachatix Herodesax uka markan reyïkän ukapachaw Jesusax Judea uraqina, Belén markan yurïna. Jerusalén markarusti amawt'a jaqinakaw inti jalsu tuqit purinipxäna,

Hechos 17:18

Yaqhipanakax epicúreo, ukhamarak estoico sat yatiñan jaqinakänwa, jupanakasti Pablompiw jiskhintasipxäna. Mayninakax sapxänwa: —¿Kunxatarak aka jaqist parlisti? —sasa. Yaqhipanakasti sapxarakïnwa: —Yaqha markankir jan uñt'at diosanakat parlir jaqjamakiwa —sasa. Jupanakax Jesusan suma yatiyäwipampita, jiwatat jaktatapampit Pablon arsutap laykuw ukham sapxäna.

Hechos 7:22

Moisesasti egipcionakan suma yatiñanakap katuqäna, jupasti arsüwip tuqi, luräwip tuqix wali aytat jaqiruw tukuwayäna.

1 Corintios 1:19

Qillqatan siwa: “Yatiñan jaqinakan yatiñ kankañap chhaqtayä, ch'ikhi jaqinakan ch'ikhi kankañapsa tukjarakïwa” sasa.

1 Samuel 6:2

Filisteo jaqinakasti, sacerdotenakaparu, yatirinakaparuw jiskt'añatak jawsayapxäna: —¿Kuns lurapxirista Tatitun arust'äwi arcapampixa? Sapxita, ¿kunjämatsa utjäwipar kuttayxapxiristxa? —sasa.