Génesis 41:16 - Qullan Arunaca

¹⁶ —Ucajj janiw nayat waquisquiti, ucampisa Diosaw jumarojj asquimataqui khanañchätam —sasaw Joseajj saraquïna.

Aymar Bibliia 1986

¹⁶ —Ucajj janiw nayat waquisquiti, ucampisa Diosaw jumarojj asquimataqui khanañchätam —sasaw Joseajj saraquïna.

Qullan Arunaka DC

¹⁶ Joseasti ukxaruw säna: —Janiw nayat uk qhanañchkäxa; jan ukasti, Diosaw jumarux askimatak qhanañchätam —sasa.

Génesis 41:16 Jak'a apnaqawi uñst'ayäwi

Génesis 37:14

—Uqhamajj saram, ucatsti uñjt'anim cunjämäsquis jilanacamajja, uqhamarac ovejanacasa ucanaca, ucatsti janc'aqui nayar yatiyiri cuttanim —sasaw awquipajj saraquïna. Israelasti Josearojj Hebrón valletwa qhitatayna, Joseasti Siquem chekaru purisinsti,

Génesis 40:8

—Mä samca samcasipjjta, janiraquiw qhitis uca khanañchañ puedipquituti —sasaw jupanacajj sapjjäna. —¿Janit Diosasti uca samca khanañchirïquisti? —sasaw Joseajj saraquïna—. Jichhasti avist'apjjetay uca samca —saraquïnwa.

Génesis 41:17

Faraonasti Josearojj sänwa: —Samcajjansti, nayajj Nilo jawira thiyan sayt'atäscayätwa,

Génesis 41:25

Ucat Joseajj faraonarojj saraqui: —Uca pä samca jumajj samcascatäta ucajj maya sapaquiwa. Diosasti jumarojj uca samca tokew yatiyasctam cuntejj jupajj lurcani ucjja.

Génesis 41:28

Cunjämtejj nayajj siscsma uqhampunïniwa. Diosaw jumarojj yatiyasctam cuntejj jupajj lurcani uca.

2 Reyes 6:27

Reyisti ucjjarojj sänwa: —Tatitutejj jan yanapt'stam ucajja, ¿cunjämaraqui nayasti yanapt'irismasti? ¿Nayasti cunjämaraqui trigo, jan ucajj vino churirismasti?

Daniel (hebreo) 2:47

Daniel waynarusti saraquïnwa: —Chekpachapuniw jumanacan Diosamajj take diosanacat sipansa jilt'atajja; jupajj reyinacjjarus munañaniwa, cunatejj imantatäqui ucanacsa khanañcharaquiwa, jumasti uca imantatjja khanañcharactawa.

Daniel (hebreo) 4:2

Munaractwa jumanacan yatipjjañanacama, cunja jach'a muspharcañanacatejj alajjpachanquir Diosajj nayampi lurqui ucanaca.

Zacarías 4:6

Jupasti sascaquiwa: “Acasti Tatitun yatiyäwipawa Zorobabelataqui. ‘Janiw ejercitompisa ni ch'amampisa, jan ucasti ajayojjampiquiwa siwa take ch'amani Tatitojja.

Números 12:6

Tatitusti jupanacarojj sänwa: “Ist'apjjam cuntejj sapcäma uca arunaca. Jumanac taypintejj mä profetajj nayat parliri utjani ucqhajj nayaw jupampi parlasï; visionanac toke, uqhamarac samcanac toke jupampejj parlasiraquï.

Lucas 19:42

saraquïnwa: —¡Jichhüru urumanacsa suma amuyt'asisma cunatejj jumarojj sumancañ churiristam ucjja! Ucampis jichhajj imantataw ucajja, janiw uñjcasmati.

Hechos 3:12

Pedrosti uc uñjasajja, jakenacarojj sänwa: “Israelit jakenaca, ¿cunats jumanacajj muspharasipjjta? ¿Cunats nanacar wal uñcatapjjaraquista? Nanacajj janiw aca jakerojj ch'amanacajjampi c'umaraptayapcti, ni nanacan Dios chuymätajja laycusa.

Hechos 3:7

Uc arsusinsti, Pedrojj cupi amparat catusinwa juparojj wayti. Ucspacharaquiw cayupasa, uqhamarac cayu mokonacapas thurt'asiraquïna.

1 Corintios 15:10

Ucampis Diosan munasiñap laycuquiw cunäctejj ucätjja, munasiñapasti nayataquejj janipuniw inamayäquiti. Take apostolonacat sipan jilaracwa irnakawaytjja; ucsti janiw nayat irnakctjja jan ucasti Diosaw qhuyapayasiñapanjja nayamp chicäscaraquïna.

2 Corintios 3:5

Janiraquiw nanacpachas cuna lurañataquis yatekatäpquirista uqhamäpcti, jan ucasti take cuntï lurapcta ucajj Diosatwa juti.

Deuteronomio 29:29

“Cawquïri arunactï jan yatctan ucanacajj Diosanquiwa. Cunatejj jiwasajj yatctan ucanacasti, jiwasana, wawanacasampina aca camachi arunacapar phokhañasawa, cawquïrtï jupajj khanañchawayistu ucanacaru.