Génesis 41:15 - Qullan Arunaca

¹⁵ Faraonasti Josearojj saraquïnwa: —Mä samca samcasta, ucatsti janiraquiw qhitis khanañchañ puedquituti, ucampis ist'twa, jumajj mä samca ist'asajj khanañchirïtama.

Aymar Bibliia 1986

¹⁵ Faraonasti Josearojj saraquïnwa: —Mä samca samcasta, ucatsti janiraquiw qhitis khanañchañ puedquituti, ucampis ist'twa, jumajj mä samca ist'asajj khanañchirïtama.

Qullan Arunaka DC

¹⁵ Faraonasti Josearux akham säna: —Mä samka samkasta, uksti janirakiw khitis qhanañchirjamäkiti, ukampis yattwa, jumax mä samka ist'asax qhanañchirïtama —sasa.

Génesis 41:15 Jak'a apnaqawi uñst'ayäwi

Génesis 40:8

—Mä samca samcasipjjta, janiraquiw qhitis uca khanañchañ puedipquituti —sasaw jupanacajj sapjjäna. —¿Janit Diosasti uca samca khanañchirïquisti? —sasaw Joseajj saraquïna—. Jichhasti avist'apjjetay uca samca —saraquïnwa.

Génesis 41:8

Ucampis khepärmanthi alwasti wali llaquitänwa, ucatsti take yatirinaca, uqhamarac yatiñani jakenacaruw take Egipto marcat irptayani. Cunapachatejj faraonajj take uca samcanac avist'äna ucqhasti janiw qhitisa khanañchañ puedcänti.

2 Crónicas 26:5

Jupasti Diosarojj thaktänwa Zacariasajj jaccäna ucqha, jupajj Diosar ajjsartawa yatichäna. Cunapachatï jupajj Tatitur thaktcäna ucqhajja, Tatitojj juparojj asquiruwa sartayäna.

Salmos 25:14

Tatitojj arquirinacapampejj sum parlasi; jupanacarusti arusjäwir mantatap uñt'ayi.

Daniel (hebreo) 2:3

reyisti jupanacarojj sänwa: —Nayajj mä samca samcasta ucat jichhajj wal llaquista uca samcajj cun sañsa munpacha uc yatiñ munasina —sasa.

Daniel (hebreo) 4:18

“Acaw naya, Nabucodonosor reyin, samcasitajjajja. Jichhajj Beltsasar, jumajj khanañchita cuntejj uca samcajj sañ munqui ucjja, janiw qhitisa yatiñani jakenacajj taypitjja ucjja amuyt'apquiti; ucampisa jumajj khanañchasmawa, kollan Diosan ajayupajj jumar irpascatap laycu.”

Daniel (hebreo) 4:9

‘Beltsasar, take yatiri jakenacan jilïripa, nayajj yattwa kollan Diosan ajayupajj jumaru irpascatapa, uqhamaraqui take cunanacatejj imantatäqui ucanacsa yatiractawa. Jichhajj sum ist'am cuntejj samcana uñjcta ucanaca, khanañcharaquita cuntejj uca samcajj saña munqui ucanacsa.

Daniel (hebreo) 5:12

Uca Daniel chachasti mä suma chuymaw utjäna samcanaca khanañchañataquejja, jupasti take jan amuyt'caya yänaca khanañchañataquisa ch'amanïnwa, ucatwa reyejj Beltsasar sasa suticharaquïnjja. Jichhasti juma jach'a reyejj uca Daniel chacharu jawsayanim, jupasti cunatejj perkan kellkatäqui ucanacjja khanañcharaquiniwa —sasa.

Daniel (hebreo) 5:14

Nayarusti yatiyapjjaraquituwa jumanjja Diosan ajayupajj utjatapa, amuyumasa suma khanätapa, uqhamaraqui jumajj wali ch'iqhi, suma amuyt'ani jakëtama.

Daniel (hebreo) 5:16

Ucampisa nayajj ist'twa jumajj ch'amanïtama, take payachasïwinaca, uqhamaraqui cuna ch'ama yänacatejj utjqui ucsa khanañchirïtama. Jumatejj uca arunaca leet'äta, ucatsti cuntejj sañ munqui uca khanañcharaquïtäta, ucapachasti jumarojj mä suma púrpura sat isimpiw isthapiyäma, cuncamarusti mä kori cadena warcuntayaraquïma, nayan reinojjansti quimsïri chekaruw utt'ayaraquïma —sasa.