Génesis 30:43 - Qullan Arunaca

⁴³ Uqhamatwa Jacobojj wali kamiriptawayi, walja ovejanacanïnwa, esclavonacani, esclavanacani, camellonacani, asnonacani cuna.

Aymar Bibliia 1986

⁴³ Uqhamatwa Jacobojj wali kamiriptawayi, walja ovejanacanïnwa, esclavonacani, esclavanacani, camellonacani, asnonacani cuna.

Qullan Arunaka DC

⁴³ Ukhamat Jacobux qamiriptawayxäna, jupax walja ovejanakanïnwa, camellonakani, asnonakan kunänwa, uywatanakapas chachanakata, warminakat utjäna.

Génesis 30:43 Jak'a apnaqawi uñst'ayäwi

Génesis 12:16

Sarai laycusti faraonajj Abramarojj wali sumwa uñjäna. Ucatsti ovejanaca, vacanaca, esclavonaca, esclavanaca, asnonaca, camellonaca cunwa Abramarojj churaraquïna.

Génesis 13:2

Abramajj wali kamirïnwa, jupansti utjänwa kori, kollke, uqhamarac walja uywanaca.

Génesis 24:35

Tatitojj walipuniw uywirejjarojj bendiciraqui, jupasti wali kamiriraquiwa. Tatitusti ovejanaca, vacanaca, kori, kollke, sirvirinaca, camellonaca, asnonaca uqhamwa churi.

Génesis 28:15

Nayaw jumampïscta, cawquirutejj sarcät ucan imascapunïmawa, ucatsti uca pachpa orakeruw cuttayaniraquïma. Janipuniw antutcämati jan arsutajjar phokhasajja” sasa.

Génesis 30:30

Janïr nayajj purincäyät ucqhajj uywanacamajj juc'aquïnwa, jichhasti waljäjjewa, purincta ucat acsarusti Tatitojj bendistamwa, ucampisa, ¿cunapacharac nayasti pachpa familiajjataqui irnakasjjaraquïsti? —sasa.

Génesis 30:42

Ucampisa cunapachatejj t'uqha uywanacajj catusiñ munapjjäna ucqhasti Jacobojj janiw cuna varanacsa usccänti. Uqhamatwa t'uqha animalanacajj Labanatac kheparäna, liq'inacäqui ucanacasti Jacobotaquiraquïnwa.

Génesis 31:1

Ucampisa Jacobojj yatiraquïnwa Labanan wawanacapajj aqham sasa parlasipcatapa: “Jacobojj take cunatejj awquisancqui ucanacwa catuntasi, ucampiw kamiriptaraqui” sasa.

Génesis 31:42

Janitejj Diosajjajja, Abraham, uqhamarac Isaac awquejjajj yupaychcäna uca Diosajj nayampïcasapäna ucqhajj jumajj jan cunani uqhampachaqui qhitanucutasamänjja. Ucampisa Diosajj t'akhesitajj-jja, uqhamarac irnakatajjsa uñjiwa, ucatwa masayp'ojj uñsttamjja —sasa.

Génesis 32:10

Janiw cuna asquïctsa juman nayar qhuyapayasiñamampi, uqhamarac cheka cancañamampi uñjatäñataquejja. Nayajj aca Jordán jawira pasayäta, thujru ayt'ata mayaqui, jichhasti pä tama yänacaniw jicjjatasta.

Génesis 32:14

Pä pataca cabritonaca, pä tunca chivonaca, pä pataca ovejanaca, pä tunca orko ovejanaca,

Génesis 32:5

jichhasti utjaraquituwa, vacanaca, asnonaca, ovejanaca, esclavonaca, esclavanaca; aca ewjja jumaru apayansma, juman suma chuymama suyt'asa’ ” sasa.

Génesis 33:11

Achict'assmawa, cuna wajjt'äwtejj jumataqui apancta uca catokañamataqui, Diosaw nayarojj kamiri tucuyaraquitu, janiw cunas pist'caraquituti —sasa. Jacobojj sintipuniw achict'äna, ucatsti Esaú jilapajj uca wajjt'äwjja catokänwa,

Génesis 36:7

Jupanacasti panpachanejj walja uywanacanëjjäpjjänwa, janiraquiw junto jacañjja puedcjjapjjänti, orakes janiraquiw ucatak uywa awatiñataquejj utjcjjänti.

Eclesiastés 2:7

alasiractwa sirvirinaca chachatsa warmitsa, utjaraquituwa utajjan nacit sirvirinacajjasa; uqhamaraquiw utjitu walja vacanacasa, ovejanacasa, nayat juc'amp nayra Jerusalenan utjapcäna ucanacat sipansa.

Ezequiel 39:10

Janiraquiw waquiscjjaniti jupanacan pamparu lawa aptasiri sarapjjañapajja, ch'uminacaru lawa ch'iyiri sarapjjañanacapas munascjjaraquiniti, uca armanacajj jupanacaru phayaña lawat sirvjjatap laycu. Uqhamwa jupanacajj saqueyjapjjaraquini qhitinacatejj nayrajj jupanacaru saqueyjcaraquïna ucajja, aparapjjaraquini qhitinacatejj nayrajj jupanacaru aparapcatayna ucanacarojja. Naya Tatituw ucjja arsta.

Lucas 12:45

Ucampis uca uywatatejj utanin jayat purisincañap amuychejja, ucatsti yakha warmi chacha uywatanacarus nuwarchejja, ucatsti mank'añaru, umañaru, machantañaru uchasiscchejja,