Génesis 21:8 - Qullan Arunaca

⁸ Isaac wawasti jilsjjänwa, ucatsti ñuñut t'akatäjjaraquïnwa. Cuna urutejj ñuñut t'akapcän uca urusti Abrahamajj mä jach'a fiesta luräna.

Aymar Bibliia 1986

⁸ Isaac wawasti jilsjjänwa, ucatsti ñuñut t'akatäjjaraquïnwa. Cuna urutejj ñuñut t'akapcän uca urusti Abrahamajj mä jach'a fiesta luräna.

Qullan Arunaka DC

⁸ Isaac wawasti jilsxänwa, ukat ñuñut t'aqatäxarakïna. Kunürutix ñuñut t'aqatäkän uka urusti, Abrahamax mä jach'a phunchhäwi luräna.

Génesis 21:8 Jak'a apnaqawi uñst'ayäwi

Génesis 19:3

Ucampisa Lot chachajj sascaquïnwa utapan korpachasipjjañapataqui, ucatsti jupanacajj jupampi chicaraquiw utapar sarjjapjjäna. Cunapachatejj puripjjän ucapachasti, Lot chachajj mä suma mank'a waquicht'ayaraquïna, jan levaduran t'ant'anaca, visitanacasti mank'apjjaraquïnwa.

Génesis 21:7

¿Qhitis sasapänjja nayan Abrahamatac wawanïñajj-jja? Ucampis jichhajj jupataquejj mä yokall wawanïtwa, jupajj sinti chuymanïcjjchi ucasa” sasa.

Génesis 21:9

Ucampisa Sara warmejj uñjaraquïnwa, Egiptonquir Agar warmin Ismael wawapajj Isaacat larusisquiri. Uca Ismaelasti Abrahaman wawaparaquïnwa.

Génesis 26:30

Uqhamasti Isaacajj mä jach'a fiesta luräna, mank'apjjäna, umapjjaraquïna.

Génesis 29:22

Labanasti take uta jac'anacaparuw jawst'ayasiraqui, phuchapa casarañataquejja.

Génesis 40:20

Quimsa uru pasatatsti faraonan urupänwa, ucatsti jupajj mä jach'a fiesta luräna jakenacapataquejja. Jawsayata jakenac nayrakatatwa faraonajj coperonacan jilïriparojj carcelat irpsuyanjjäna, uqhamarac panaderonacan jilïriparusa.

2 Samuel 3:20

Pä tunca jakempiw Hebronarojj purinïna, cawqhanccäntejj Davidajj uca chekaru, Davidasti jupataquejja, uqhamaraqui jupampi chica sarcän uca jakenacataquisa mä jach'a mank'äwi waquicharaquïna.

1 Reyes 3:15

Salomonajj iquita sartasinjja amuyasïnwa mä samcätapa. Ucatsti cunapachatï Jerusalenaru purïna ucqhajja, saränwa Tatituna sumar mantaña arcapa nayrakataru, ucatsti loktänwa nact'at sacrificionaca, uqhamarac sumancthapiñataqui sacrificionaca. Ucatsti take yanapirinacaparuwa jach'a mank'añanaca mank'ayaraquïna.

Ester (hebreo) 1:3

Rey Asuerosti quimsa mara apnakjjasinjja, mä fiesta luräna take ministronacaparu, yanapiri jilïrinacaparu, Persa, Medo ucanquir ejerciton jilïrinacapampiru, uqhamarac provincianacan jilïrinacapampiru.

Salmos 131:2

Ucatsipana amuquïsctwa, janiw llaquisiñajjajj utjquiti, taycapan amparapanquir jichha ñuñokayat wawjama. ¡Jichha ñuñokayat wawjamätwa!

Oseas 1:8

Lo-ruhamaru ñuñut t'akakjjasinsti, Gomer warmejj wasitatwa usur jakeptaraquiqui, ucatsti mä yokall wawa wawachasi.

Jueces 14:10

Sansón chachan awquipasti tawakor uñjiriw saräna. Ucansti Sansón chachajj mä fiesta luräna, cunjämtejj waynanacajj lurapjjerïqui uqhama.

Jueces 14:12

Sansón chachasti uca quimsa tuncanirojj saraquïnwa: —Nayasti mä jisct'a jisct'apjjäma yatjjatapjjañamataqui. Ucampis aca pakallko uru fiesta lurcasintejj chekt'apjjäta ucqhajja, nayasti sapa mayni jumanacarojj churapjjämawa linot lurat suma capa, uqhamarac fiestaru sarañataqui suma isi.

1 Samuel 1:22

ucampis Anajj janiw sarcänti, jan ucasti chachaparojj sänwa: —Janiw nayajj sarcäti, aca wawaru ñuñu t'akañajjcama. Ucapachaw nayajj wawarojj irpjjä Tatitur churjjañataqui, ucat ucan wiñaya kheparjjañapataqui.

1 Samuel 1:24

Cunapachatejj wawarojj ñuñu t'akjjän ucapachasti, jupampi chicawa Tatitun temploparu irparaquïna Silo ucaru, wawasti jisc'äscaraquïnwa. Uqhamaraquiw quimsa vaca kallunacampi, pä tunca payan kilo trigompi, mä lip'ich wayaka vinompi aparaquïna.

1 Samuel 25:36

Abigail warmisti utapar cuttanjjän ucqhajj Nabal chachaparojj mä jach'a mank'äwi lurasquiri jicjjatäna. Uca jach'a mank'äwisti mä reyitacjamänwa. Uqhamarus wali c'uchiquiraquïnwa, wali machantataraqui. Ucat jupajj janiw cuns siscaraquïnti khepärmanthi alwacamajja.