Génesis 21:8 - Qullan Arunaka DC

⁸ Isaac wawasti jilsxänwa, ukat ñuñut t'aqatäxarakïna. Kunürutix ñuñut t'aqatäkän uka urusti, Abrahamax mä jach'a phunchhäwi luräna.

Aymar Bibliia 1986

⁸ Isaac wawasti jilsjjänwa, ucatsti ñuñut t'akatäjjaraquïnwa. Cuna urutejj ñuñut t'akapcän uca urusti Abrahamajj mä jach'a fiesta luräna.

Qullan Arunaca

⁸ Isaac wawasti jilsjjänwa, ucatsti ñuñut t'akatäjjaraquïnwa. Cuna urutejj ñuñut t'akapcän uca urusti Abrahamajj mä jach'a fiesta luräna.

Génesis 21:8 Jak'a apnaqawi uñst'ayäwi

Génesis 19:3

Ukampis Lot chachax utapan qurpachasipxañapatakix saskakïnwa, ukat jupanakax iyawsas jupamp chik utapar sarapxäna. Puripxän ukkhasti, Lot chachax mä suma manq'ampi, jan levaduran t'ant'anakamp wakicht'arapïna, utar sart'ir uka angelanakasti manq'asipxarakïnwa.

Génesis 21:7

¿Khitis amuyasapänxa, nayan Abrahamatak wawanïñaxsti? Jichhasti jupatakix mä yuqall wawanïtwa, jupax sinti chuymanïkxchi ukasa” sasa.

Génesis 21:9

Mä urusti, Sara warmix Egiptonkir Agar warmimpina, Abrahamampin Ismael wawapan Isaac wawat sawkasiskir uñjäna.

Génesis 26:30

Ukhamasti Isaacax mä jach'a manq'äwi luräna, jupanakasti manq'apxäna, umapxarakïnwa.

Génesis 29:22

Labanasti phuchhapa jaqichañatakix mä jach'a phunchhäwi luräna, ukarusti uka chiqankir taqpach jaqinakaruw jawst'ayasirakïna.

Génesis 40:20

Kimsa uru qhipatsti faraonan urupänwa, ukatsti jupax mä jach'a phunchhäwi jaqinakapatak luräna. Jawsayat jaqinak nayraqatat faraonax vino luqtirinakana, t'ant'a luririnakan jilïrinakapar carcelat irpsuyanïna.

2 Samuel 3:20

Jupasti pä tunk jaqimpiw Hebronarux purïna, Davidan ukaru, Davidasti Abnerampitaki, jaqinakampitakix mä jach'a manq'äwi wakicharapïna.

1 Reyes 3:15

Ikit p'arxtasinsti, Salomonax mä samkätap amuyasïna. Ukatsti Jerusalenar purisaxa, Tatitun arust'äwi lurat arcapa nayraqataruw uñstäna, ukatsti nakt'at wilañchanaka, sumankthapiñ waxt'äwinak luqtäna. Uka qhipatsti taqi yanapirinakapatakiw jach'a manq'äwi wakichayäna.

Ester (hebreo) 1:3

Asuero reyix marka apnaqäwip kimsa mara phuqkasaxa, mä jach'a phunchhäwi luräna, taqpach irnaqirinakapampitaki, jilïr yanapirinakapampitaki, ukatsti Persankiri, medonkir ejercitonakan jilïrinakaparuw jawsayäna, suyunakan jilïr mallkunakaparux jawsayarakïnwa.

Salmos 131:2

Ukatsipana amukïsktwa, janiw llakisiñaxax utjkiti, taykapan amparapankir jichha ñuñuqayat wawjama. ¡Jichha ñuñuqayat wawjamätwa!

Oseas 1:8

Lo-ruhamaru ñuñut t'aqaqxasinsti, Gómer warmix wasitat usur jaqiptarakikïnwa, ukatsti mä yuqall wawa wawachasirakïna.

Jueces 14:10

Sansonan awkipasti tawaqun utaparuw saräna; Sansonasti ukan mä phuñchhäwi luräna, kunjämtix waynanakax lurapxirïki ukhamarjama.

Jueces 14:12

Sansonasti uka waynanakarux sänwa: —Nayasti mä jiskt'a jiskt'apxäma. Aka paqallqu uru phuñchhäwintix uka chiqt'apxätaxa, nayax sapa mayniruw linot lurat suma isimpi, phuñchhäwir sarañ suma isimpi churapxäma.

1 Samuel 1:22

ukampis Anax janiw jupanakamp sarañ munkänti, ukat chachaparux säna: —Janiw nayax sarkäti, wawaru ñuñu t'aqañaxkama, ukatsti naya pachpaw Tatitun ukar irpä, ukat ukan qhiparañapataki.

1 Samuel 1:24

Kunapachatix ñuñut t'aqanukxän ukkhaxa, wawan jisk'äskatap laykux jupamp chikaw Tatitun utapar irpäna Siló sat chiqaru. Ukhamarakiw kimsa maran vaca qallumpi, mä lip'ich wayaqa vinompi, pä tunka payan kilo trigompi apäna.

1 Samuel 25:36

Abigail warmisti utapar kuttanxän ukkhaxa, Nabal chachaparux reyitakjam mä jach'a manq'äwi luraskir jikxatäna. Jupasti wali k'uchikïnwa, wali machantataraki. Ukat jupax qhipüru willjtakamax janiw kunsa chachaparux siskänti.