Génesis 21:7 - Qullan Arunaka DC

⁷ ¿Khitis amuyasapänxa, nayan Abrahamatak wawanïñaxsti? Jichhasti jupatakix mä yuqall wawanïtwa, jupax sinti chuymanïkxchi ukasa” sasa.

Aymar Bibliia 1986

⁷ ¿Qhitis sasapänjja nayan Abrahamatac wawanïñajj-jja? Ucampis jichhajj jupataquejj mä yokall wawanïtwa, jupajj sinti chuymanïcjjchi ucasa” sasa.

Qullan Arunaca

⁷ ¿Qhitis sasapänjja nayan Abrahamatac wawanïñajj-jja? Ucampis jichhajj jupataquejj mä yokall wawanïtwa, jupajj sinti chuymanïcjjchi ucasa” sasa.

Génesis 21:7 Jak'a apnaqawi uñst'ayäwi

Génesis 17:17

Ukatsti Abraham chachax uraqir p'iqip puriyañkamaw alt'asïna, ukatsti akham sasaw larusïna: “¿Patak maran jaqisti wawanirakïspati? ¿Sarasti llätunk tunka maranirusti wawanirakïspati?” sasa.

Génesis 18:13

Ukampis Tatitux Abrahamarux sarakïnwa: —¿Kunatsa Sarax larusi? ¿Janit chuyman tuqir wawanïñ iyawski?

Génesis 21:8

Isaac wawasti jilsxänwa, ukat ñuñut t'aqatäxarakïna. Kunürutix ñuñut t'aqatäkän uka urusti, Abrahamax mä jach'a phunchhäwi luräna.

1 Reyes 11:20

Tahpenés reinan kullakapasti Hadad chachapatakix mä yuqall wawanïnwa, Guenubat sutini, uka wawarusti Tahpenés reinax faraonan reyi utapan jupan wawanakapamp chik uywäna.

1 Reyes 3:21

Qhipärmanthisti wawaxar ñuñt'ayasï sista ukkhaxa, wawax jiwatakïxataynawa. Ukatsti uru qhanan sum uñxatta, uka wawasti janiw nayax wawachaskta uka wawäkänti —sasa.

Salmos 86:10

Juma sapakiw jach'a Diosätaxa; muspharkañanak lurtaxa.

Salmos 86:8

¡Tatay, janiw khiti diosas jumjamax utjkiti! ¡Janirakiw luratanakamjamax utjkiti!

Isaías 49:21

Jumasti Jerusalén marka, mä taykjamaw sarakïta: ‘¿Khitis walja wawanak churitu? Janiw nayax wawanakanïkäyätti, janirakiw wawanïñatakis askïkäyätti; nayax jayar apanukutaw uñjasïyäta; ¿khitirak jupanakar uywpachänsti? Sapak nayarux apanukuwayapxitäna, ¿kawkitarak jutapxpachasti?’ ’’ sasa.

Isaías 66:8

¿Khitis ukar uñtasit arunak ist'ixa? ¿Khitich uka kipkak uñjarakixa? ¿Mä markax mä urunakti uñstaspaxa? ¿Mä markas mä juk'a pachanakcha uñstarakispaxa? Jerusalén markasti mä urunak uñsti.

Jeremías 20:15

Ñanqhachatäpan khititix awkixar yatiykäna mä yuqall wawan yuritapata.

Números 23:23

Tatitun markapar ñanqhachañatakix janiw layqasiñanakax kunäkisa. ¡Uñtapxam qawqha muspharkañ luräwinaksa Tatitux markap layku luri!

Efesios 3:10

Ukhamat jichhax iglesia tuqix alaxpachankir taqi munañaninakasa, jilïrinakas Diosan yatiñ kankañap uñt'apxani, ukasti kunayman tuqit uñacht'ayasi.

2 Tesalonicenses 1:10

kunapachatix Tatitux khä urun qullan markap taypin jach'añchayasir jutkani, Cristonkirinakas jupat muspharapkarakini ukapacha; jumanakasti kawkïr arunaktix churapksma ukarux iyawsapxtawa.