Génesis 2:17 - Qullan Arunaca

¹⁷ ucampisa asqui uqhamarac ñankha yatiñ churir kokatjja janiw mank'ätati. Uca kokan achunacapjja jan mank'amti, mank'äta ucapachasti chekpachan jiwäta” sasa.

Aymar Bibliia 1986

¹⁷ ucampisa asqui uqhamarac ñankha yatiñ churir kokatjja janiw mank'ätati. Uca kokan achunacapjja jan mank'amti, mank'äta ucapachasti chekpachan jiwäta” sasa.

Qullan Arunaka DC

¹⁷ ukampisa askimpi, ñanqhampi yatiñ churir quqat janiw manq'ätati. Uka quqan achunakap jan manq'amti, manq'äta ukapachasti, chiqpachan jiwäta” sasa.

Génesis 2:17 Jak'a apnaqawi uñst'ayäwi

Génesis 2:9

Uqhamaraqui Diosajj take casta suma frutanac achuri kokanac jilayaraquïna, ucanacasti mank'añataquïnwa. Uca huerto taypirusti jacañ koka uscuraquïna, uqhamaraqui asquimpi ñankhampi yatiñ churir koka uscuraquïna.

Génesis 20:7

Ucampisa jichhajj uca warmjja chachapar irpjjaruyjjam, jupasti profetawa, juman jacañam laycusa achict'araquispawa, ucampisa janitejj chachaparu irpjjaruycjjätajja, chekpachansa jumampi, familianacamampejja jiwarapjjätawa” sasa.

Génesis 3:11

Ucatsti Diosajj jisct'änwa: —¿Qhitirac “K'alalätaw” sistamsti? “¿Janiw mank'ätati” siscsmas uca kokan achupatcha mank'ta? —sasa.

Génesis 3:17

Chacharusti saraquïnwa: —Warmimar ist'atam laycu, uqhamaraqui “Janiw mank'ätati” siscsma uca kokan achupat mank'atamatjja, jichhajj orakejj jucham laycuw maldicitäni; wali ch'ama tucusaraquiw mank'añamjja achuyasïta, take jacañamanjja.

Génesis 3:19

Sapüru mank'añamsti jump'imampiraquiw jicjjatäta, cuna lak'ata luratäctatejj ucar cutt'añamcama, lak'ätawa, lak'aruraquiw cuttäta —sasa.

1 Reyes 2:37

Cunürutejj ucat mistüta, Cedrón sat uma jalsunaca maqhatäta ucqhajja jiwätawa, ucjja sum catokasim, ucatsti jumaw juchanïscäta.

1 Reyes 2:42

Ucatsti reyejj Simei chacharuw jawsayanïna, aqham sasa: “¿Janiti Tatit laycu juramento luraycäyäsmajja, uqhamarac ewjjaraquïyäsmajja, cunürutejj cawqharusa mistüta ucqhajja chekpachanwa jiwäta sasinjja? Ucatsti ¿janiti siscäyätajja: ‘Waliquiwa jumarojj ist'ämawa’ sasinjja?

Jeremías 26:8

Cunapachatejj jupajj take cuntï Tatitojj parlañataqui churcatayna uca arunaca tucuyjjän ucqhasti, sacerdotenacas, profetanacasa, take jakenacasa Jeremiasaru catuntasinjja sapjjänwa “¡Jichhaw jumajj jiwätajja!

Ezequiel 18:13

Kollkepsa walja ganancianac jicjjatañataqui mayt'ani, uqhamaraqui walja interesanac mayiraquini; uca jakesti jiwaniwa, janiw jaccaniti. Take ucanaca, cuntejj nayajj ajjtascta ucanaca luratapatsti jiwaniwa, jiwatapatsti jupa pachparaquiw juchanïscani.

Ezequiel 18:32

Janejjay nayajj qhitin jiwañapsa muncstejja. Ñankha luräwinacamatjja jithektjjapjjam, ucapachaquiw jacapjjäta. Naya Tatituw ucjja arsta.

Ezequiel 18:4

Take jakenacajj nayanquiwa, awquis, yokasa nayanquiwa, cawquïritejj jucha lurcani ucasti jiwaraquiniwa.

Ezequiel 33:14

Nayatejj mä khoru jakeru jiwañapataqui juchañchäjja, ucat uca jakejj juchapa apanucuni, asquiru, chekaparu take cunsa luraraquini,

Ezequiel 33:8

Inampisa nayajj mä jucharar jake toke juchañchäwi aru arsurista jupan jiwañapataqui, ucatsti jumatejj jan jupampi parlcäta amuyt'asiñapataqui ucat uca jan wali jacäwipa apanukoñapataqui, ucatjja janitejj amuyt'ascani, uca jucharar jakejj juchap laycuw jiwascani, ucampisa nayajj jumaruw wayt'äma jupan jiwatapatjja.

Números 26:65

Tatituw jupanacarojj satayna, wasarana jiwarapjjäta sasinjja. Ucampisa Caleb sat Jefone chachan yokapa, uqhamarac Josué sat Nun chachan yokapa ucanacaquiw kheparapjjäna, janiw maynisa jupanacatjja kheparcänti.

Romanos 1:32

Jupanacajj sum yatipjje cuntejj Diosajj jupanacan lurañap munqui ucjja, yatipjjaraquiwa uqham jan walinac luririnacajja jiwayatäñapa ucsa, ucampis jupanacajj lurasipcaquiwa, mayninaca uqhamanaca luripansa juc'ampwa uñjañ munapjjaraqui.

Romanos 6:16

Jumanacajj wal yatipjjtajja cunjämatejj mä esclavojj mä patronaru sirviñataqui catuyasjjchi ucajja, patronaparojj ist'añapawa, uqhamaraquipï maynejj juchar catuyasjjchi ucajja, jucharusti ist'añapawa, ucasti jiwañaruraquiw api. Ucat sipan qhitinacatejj Diosar catuyasqui ucanacasti cheka cancañan sarnakañataquiw catuyasi.

Romanos 6:23

Juchan wajjt'asiñapasti jiwañawa, ucampis Diosan wajjt'äwipajj wiñay jacañawa Cristo Jesús Tatitusana.

Romanos 8:2

Ajayun jacañanjja, Cristo Jesús tokew nayarojj juchan munañaparjam sarnakañatjja khespiyitu, uqhamarac jiwañatsa.

1 Corintios 15:22

Cunjämtejj Adán chachancatas laycojj take jakenacajj jiwarapjjejja, uqhamaraquiw Cristoncjjasinjja take jakenacajj jacapjjani.

1 Corintios 15:56

Jiwan mich'ipajj juchawa, nayra leyiraquiw jucharojj uca ch'amjja churaraqui.

Gálatas 3:10

Qhitinacatejj Moisesan leyiparu catuyasipqui ucanacajja maldicitäpjjewa. Kellkatansti aqham siwa: “Take qhitinacatejj ley libron kellkatäqui ucanacarjama janipun phokcchi ucajja, maldicitäpjjewa.”

Efesios 5:14

Ucatpï aqham sejja: “P'arjjtasim, juma iquirejja; jiwatanac taypit sarthapim, Cristow khant'ätam” sasa.

Deuteronomio 27:26

‘Maldicitäpan cawquïritejj jan aca yatichäwinacar ajjsarcani, uqhamarjamasa sarnakcaraquiniti ucajja.’ Ucatsti takpach marcaw sani: ‘Uqhamäpan’ sasa.

Deuteronomio 30:15

“Uñjapjjam, jichhüruw ajllisiñamataqui churapjjsma, mä toketjja jacañampi, suma sarnakañampi; mä toketsti jiwañampi jan walt'añampiraqui.

Deuteronomio 30:19

Jichhüruw nayajj uchta alajjpachampiru acapachampiru jumanacat testigöñapataqui; jumanacaru jacañampita jiwañampita ajllisiñamatac churapjjsma; uqhamaraqui bendicionampita, maldicionampita ajllisipjjañamataqui. Ucampis jacaña ajllisipjjam, jumanacampi, wawanacamampi jacapjjañamataqui.

Colosenses 2:13

Qhä urunacansti jumanacan ajayunacamanjja jiwaratäsipcäyätaw juchanacam laycu, uqhamarac jan circuncidatäpjjatam laycu. Ucampis jichhajj Diosajj jacañwa churjjapjjtam Cristompi chica, take juchanacamatsa perdonasaraqui.

1 Timoteo 5:6

Ucampis cawquïri ijmatejj jaccasinjja janchin munañaparjamac sarnakchi uquïrejja, jiwatäcaspas uqhamawa.

Santiago 1:15

Uca jan wali amtäwinacatwa juchajj sarti, ucatsti cunapachatejj uca juchajj jach'äjje ucqhajja, jiwañaquiw purinjjaraqui.

1 Juan 5:16

Maynitejj jilaparu jiwañar apir juch jan lurquir uñjcchi ucajja, Diosar mayiñapawa. Diosasti jilaparojj jacañjj churaniwa, janitejj uca juchajj jiwañar apcchi ucqhajja. Utjaraquiwa jiwañar apir juchajja, janiw ucatjj siscti: “Aca juchatjja Diosar mayiñäspaw” sasajja.

Apocalipsis 2:11

Qhititejj ist'añ munqui ucajj ist'pan cuntejj Kollan Ajayojj iglesianacar sisqui ucjja: Qhititejj atipjcani ucajj janiw cuna t'akhesiñsa catokcaniti payïri jiwäquis ucanjja.’

Apocalipsis 20:14

Jiwañasa jiwirinacan utjäwipasa nina kotaru jakontatäjjänwa. Aca nina kotasti payïri jiwawa.

Apocalipsis 20:6

Cusisiñanïpjjewa, Diosar catuyatäpjjaraquiwa qhitinacatejj nayrïri jactäwin jactapqui ucanacajja. Khepïri jiwasti jupanacjjarojj janiw cuna ch'amanïquisa, jan ucasti jupanacajj Diosampina Cristompina sacerdotepäpjjaniwa. Waranka mararaquiw jupampejj reinapjjani.

Apocalipsis 21:8

Ucampis ajjsaririnaca, jan iyawsirinaca, uñisisirinaca, jake jiwayirinaca, wachoka juchan sarnakerinaca, laykasirinaca, c'ari diosanacar yupaychirinaca, take c'arisirinacampisti nina kotaru jakontatäpjjaniwa, cawqhantï asufrempi naqhqui ucqharu, ucasti payïri jiwawa” sasa.

Jueces 3:2

Diosasti uqhamjja kheparayänwa qhitinacatejj nuwasiñanacana, jan nuwasipcäna, ucanacana nuwasiña yatekapjjañapataqui.

1 Samuel 14:39

-¡Israel marcan khespiyiri Tatitun sutipjjaruw arsta juramentompi, qhititejj jucha lurqui, pachpa Jonatán yokajjäscpasa, ucajj jiwayatäniwa! —sasa. Soldadonac taypitsti janiw qhitis arsuncänti.

1 Samuel 14:44

Saúl reyejj art'asiraquïnwa: —¡Diosajj nayar jiwayitpan take ch'amapampi janitejj jiwcäta ucapachajja, Jonatán! —sasa.

1 Samuel 20:31

Jupan aca oraken jacañapcamasti, jumasa uqhamarac reinomasa janiw jumataquïcaniti. ¡Uqhamajj jichhajj saram, ucatsti thaktayanim, acaru irptayaniraquim, jiwañapajj waquisipuniwa! —sasa.

1 Samuel 22:16

Ucampisa reyejj sascaquïnwa: —¡Ahimelec, suma yatisim. Jumasa, take familianacamasa, chekpachansa jiwarapjjätawa! —sasa.