Génesis 2:17 - Qullan Arunaka DC

¹⁷ ukampisa askimpi, ñanqhampi yatiñ churir quqat janiw manq'ätati. Uka quqan achunakap jan manq'amti, manq'äta ukapachasti, chiqpachan jiwäta” sasa.

Aymar Bibliia 1986

¹⁷ ucampisa asqui uqhamarac ñankha yatiñ churir kokatjja janiw mank'ätati. Uca kokan achunacapjja jan mank'amti, mank'äta ucapachasti chekpachan jiwäta” sasa.

Qullan Arunaca

¹⁷ ucampisa asqui uqhamarac ñankha yatiñ churir kokatjja janiw mank'ätati. Uca kokan achunacapjja jan mank'amti, mank'äta ucapachasti chekpachan jiwäta” sasa.

Génesis 2:17 Jak'a apnaqawi uñst'ayäwi

Génesis 2:9

Diosasti kunayman achunak churir suma quqanak jilayäna, ukanakasti manq'añatakïnwa. Achu churir quqanakan chika taypirusti jakañ quqa usküna, ukatsti askimpi ñanqhampi yatiñ churir quqa uskurakïna.

Génesis 20:7

Jichhasti, uka warmir chachapar irpxaruyxam. Jupax profetawa, juman jakañamatakis mayirapïtamwa. Janitix warmipar irpxaruykäta ukaxa, jumasa, wila masinakamas jiwarapxätawa” sasa.

Génesis 3:11

Ukat Diosax jiskt'äna: —¿Khitirak q'alalätaw sistamsti? ¿Janiw manq'ätati sisksma uka quqan achupatti manq'taxa? —sasa.

Génesis 3:17

Chacharusti sarakïnwa: —Warmimar ist'atam layku, ukhamarak “Janiw manq'ätati” sisksma uka quqan achupat manq'atamatxa, jichhax jucham laykuw uraqix ñanqhachatäni; taqi jakawimanxa, wali ch'am tukusaw manq'añam achuyasïta.

Génesis 3:19

Sapüru manq'añamsti jump'imampiw jikxatäta, ukax jiwañamkamäniwa, laq'ata luratäkta uka laq'ar kuttañamkama, laq'ätawa, laq'arurakiw tukxäta —sasa.

1 Reyes 2:37

Kunürutix uka utat mistkäta, Cedrón jisk'a jawirsa makhatkäta ukkhaxa, jiwätawa, uksti sum katuqasim, jumaw ukat juchanïskäta —sasa.

1 Reyes 2:42

Ukat reyix Simí chachar jawsayanïna, juparusti sänwa: —¿Janit Tatit layku juramento lurayksma, ukat iwxkaraksma, kunürutix kawkharus mistkäta ukkhaxa, jiwätawa, sasaxa? Jumasti: “Walikiwa, arsutamarjamaw nayax phuqhä” sarakistasä.

Jeremías 26:8

Ukatsti jupax taqi kuntix Tatitux parlañapatak churkatayna uka arunak parlañ tukuyxän ukkhasti, sacerdotenaka, profetanaka, uka markan jakirinakasa Jeremiasar katuntasin sapxäna “¡Jumax jiwätawa!

Ezequiel 18:13

qullqipsa juk'ampi walja qullqi jikxatañ layku mayt'ani; uka jaqisti jiwaniwa. Nayataki axtaskiri taqi ukanak luratapatsti jiwaniwa, jupa pachpaw jiwatapat juchanïskani.

Ezequiel 18:32

Janiw nayax khitin jiwañapsa munkti. Ñanqha luräwinakamat jithiqtxapxam, ukapachakiw jakapxäta. Naya, Tatituw uk arsta.

Ezequiel 18:4

Taqi jaqinakax nayankiwa, awkisa, yuqasa nayankiwa, ukampis jucha luriristi jiwaniwa.

Ezequiel 33:14

Nayatix mä jan wali jaqir jiwañapatak juchañchäxa, ukat uka jaqix juchap apanukuni, ukatsti askiru, chiqaparu taqi kunsa lurarakini,

Ezequiel 33:8

Inampis nayax mä jucharar jaqitaki juchañchäwi aru arsurista jupan jiwañapataki, ukatsti jumatix jupampi jan parlkäta uka jan wali jakäwip apanukuñapataki, ukat janirak amuyt'askani, uka jucharar jaqix juchap laykuw jiwaskani, ukampis nayax jumaruw jupan jiwatapat wayt'äma.

Números 26:65

Jupanakax taqpachaniw wasaran Tatitun mutuyäwip katuqas jiwarxapxatayna. Caleb chachampi, Josué chachampikiw qhiparäna.

Romanos 1:32

Kuntix Diosax arsuwayki uk sum yatipxi, khitinakatix ukham lurapki ukanakan jiwayatäñapsa yatipxarakiwa, uk yatkasas lurasipkakiwa, mayninakan ukham luripansa kusisipxiwa.

Romanos 6:16

Jumanakax askiw yatipxta, jumanakatix mä uywirir jaysañatak t'aqhisiyat jaqjam katuyasipxstaxa, ukhamasti jaysapxatam laykux uka uywirin t'aqhisiyat jaqinakapäpxtawa. Akasti akhamawa, juchar jaysapxät ukasti, uka juchax jiwañaruw puriyi, Diosar jaysapxät ukasti, chiqa kankañan jakapxäta.

Romanos 6:23

Juchan waxt'äwipax jiwañakiwa, Diosan waxt'äwipasti wiñay jakañawa, Jesucristo Tatitusana.

Romanos 8:2

Cristo Jesús tuqi jakañ churir Ajayun munañapax juchan munañapampita, jiwañampit qhispiyistu.

1 Corintios 15:22

Kamisatix Adanankasin taqi jaqix jiwixa, ukhamarakiw Cristonkxasin taqi jaqinakax jakapxani.

1 Corintios 15:56

Jiwan mich'ipax juchawa, nayra kamachiw jucharux uka ch'am churaraki.

Gálatas 3:10

Ukampis kamachin luräwipar alkatirinakax, ñanqhachatäpxiwa. Qillqatansti akham siwa: “Kamachin qillqatäki uka arunakarjam jan phuqhirinakax, ñanqhachatäpan” sasa.

Efesios 5:14

taqi kunatix qhanankki ukax qhanaruw tuku. Ukat akham sixa: “Juma ikirix p'arxtasim; jiwatanak taypit sarthapim, Cristow qhant'ätam” sasa.

Deuteronomio 27:26

“ ‘Ñanqhachatäpan aka yatichäwinakar jan yäqirixa, janirak ukhamarjam sarnaqki uka jaqixa.’ Uka arsutarusti taqpach markaw sani: ‘Ukhamäpan’ sasa.

Deuteronomio 30:15

“Uñjapxam, jichhüruw ajllisipxañamatak uñachayapxsma, mä tuqitxa jakañampi, suma sarnaqañampi; mä tuqitsti jiwañampi jan walt'añampi.

Deuteronomio 30:19

Alaxpachampi, akapachampiw qhanañchani; jichhürun nayan jumanakar jakañampita, jiwañampita ajllisiñamatak uñachayataxa; ukhamarak aski waxt'äwimpita, ñanqhachäwimpit ajllisipxañamataki. Ukhamax jakañay ajllisipxam, jumanakasa, wawanakamasa jakapxañamataki;

Colosenses 2:13

Jumanakasti nayra pachanxa, juchanakam laykuw ajayun jiwat uñjasipxäyätaxa, jucha lurañ jan apanukupxatam layku; jichhasti Cristompi chikaw Diosax jakañ churapxtam taqi juchanakat pampachasa.

1 Timoteo 5:6

Ukampis janchin munañap lurir ijma warmisti, jakaskirpach jiwatäxiwa.

Santiago 1:15

Uka ñanqha amtäwinakat juchax sarti, jucha luratatsti tukuyarux jiwañ utjayi.

1 Juan 5:16

Maynitix jilapar jiwañar jan puriyir jucha lurir uñjkchi ukaxa, Diosar mayiñapawa, Diosasti uka jilarux jakañ churani, janitix uka juchax jiwañar apkchi ukapacha. Jiwañar puriyir juchaw utji, janiw uka juchatak mayipxañamäkiti.

Apocalipsis 2:11

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjiristi, janiw payïri jiwäkis ukan, kuna t'aqhisiñsa katuqkaniti’ sasa.

Apocalipsis 20:14

Ukatsti, Jiwañasa manqhapachasa, nina qutar jaquntatäxänwa. Uka nina qutasti payïr jiwawa,

Apocalipsis 20:6

¡Nayrïr jaktäwin jaktirinakax kusisiñanïpxiwa, ajllita qullan markankirïxapxiwa! Payïr jiwasti janiw jupanakxarux kuna ch'amanïkisa, jan ukasti, jupanakax Diosampin, Cristompin sacerdotepäpxaniwa, waranqa maraw jupampi reyit qunt'asipxani.

Apocalipsis 21:8

Ukampis axsaririnaka, jan iyawsirinaka, uñisisirinaka, jaqi jiwayirinaka, wachuqa juchan sarnaqirinaka, layqasirinaka, idolonakar yupaychirinaka, k'arisirinakampisti, azufrempi nakhir nina qutar jaquntataw uñjasipxani, ukasti payïri jiwawa” sasa.

Jueces 3:2

Ukat Tatitux khitinakatix janipun nuwasïwinakankañ yatipkäna, ukanakan nuwasiñ yatiqapxañapatakiw jupanakar qhiparayäna.

1 Samuel 14:39

¡Israel markar qhispiyir Tatitun sutipxaruw juramentompi arsta, jucha luririx Jonatán yuqaxäskpasa, jupax jiwayatäniwa! —sasa. Soldadonak taypitsti janiw khitis arskänti.

1 Samuel 14:44

Saúl reyix jach'at arsüna: —¡Jonatán, janitix jumax jiwkäta ukkhaxa, Tatitux taqi ch'amapampi nayar jiwayitpan! —sasa.

1 Samuel 20:31

Jupan aka uraqin jakañapkamax jumasa, marka apnaqañamasa janiw sum sayt'kaniti. ¡Ukhamax jupar thaqtir khitham, ukatsti irptanirapita, jupan jiwañapax wakisipuniwa! —sasa.

1 Samuel 22:16

Ukampisa reyix saskakïnwa: —¡Ahimélec, yatim, jumasa, taqi wila masinakamas jiwarapxätawa! —sasa.