Génesis 19:3 - Qullan Arunaca

³ Ucampisa Lot chachajj sascaquïnwa utapan korpachasipjjañapataqui, ucatsti jupanacajj jupampi chicaraquiw utapar sarjjapjjäna. Cunapachatejj puripjjän ucapachasti, Lot chachajj mä suma mank'a waquicht'ayaraquïna, jan levaduran t'ant'anaca, visitanacasti mank'apjjaraquïnwa.

Aymar Bibliia 1986

³ Ucampisa Lot chachajj sascaquïnwa utapan korpachasipjjañapataqui, ucatsti jupanacajj jupampi chicaraquiw utapar sarjjapjjäna. Cunapachatejj puripjjän ucapachasti, Lot chachajj mä suma mank'a waquicht'ayaraquïna, jan levaduran t'ant'anaca, visitanacasti mank'apjjaraquïnwa.

Qullan Arunaka DC

³ Ukampis Lot chachax utapan qurpachasipxañapatakix saskakïnwa, ukat jupanakax iyawsas jupamp chik utapar sarapxäna. Puripxän ukkhasti, Lot chachax mä suma manq'ampi, jan levaduran t'ant'anakamp wakicht'arapïna, utar sart'ir uka angelanakasti manq'asipxarakïnwa.

Génesis 19:3 Jak'a apnaqawi uñst'ayäwi

Génesis 19:2

saraquïnwa: —Tatanaca, achict'asipjjsmawa, jichhärmajj naya jumanacan sirviriman utapanay korpacht'asipjjamjja. Ucanwa cayunacam jarekt'asipjjäta, ucatsti arumanthiw wali alwat sarjjapjjäta —sasa. Ucampis jupanacajj sapjjänwa: —Yuspagarapjjsmawa, ucampis janiw utamar korpachasipquiristti jan ucasti callequi ict'apjjä —sasa.

Génesis 21:8

Isaac wawasti jilsjjänwa, ucatsti ñuñut t'akatäjjaraquïnwa. Cuna urutejj ñuñut t'akapcän uca urusti Abrahamajj mä jach'a fiesta luräna.

Génesis 24:31

ucatsti saraquïnwa: —Jutam, Diosan bendicit tata. ¡Cunjämarac jumasti aca ankan kheparätasti, nayajj jumataquejj utajjan mä cheka waquichta, uqhamaraqui camellonacamataquisa! —sasa.

Génesis 26:30

Uqhamasti Isaacajj mä jach'a fiesta luräna, mank'apjjäna, umapjjaraquïna.

2 Reyes 4:8

Mä urusti Eliseojj Sunem chekanjamwa pasascäna. Ucansti mä wali kamiri warmiwa jacäna, ucatsti jupajj wali achict'asawa jawsäna utapan mank'er mantañapataqui. Sapa cuti Eliseojj ucanjama pascäna ucqhawa mank'eri mantäna.

Éxodo 12:15

Jumanacasti pakallko uruwa jan levaduran t'ant'a mank'apjjäta, nayrïr uruta kalltasinjja janiwa utanacaman levadurajj utjañapäquiti. Ucampis qhititejja aca pakallko uruna levaduran t'ant'a mank'ani ucajja Israel marcajjatjja apanucutäniwa.

Éxodo 12:39

Jupanacasti Egiptota jan levaduran masanaca apapqui ucatsti t'ant'anaca lurasipjjäna, jupanacasti janiw cuna casta mank'añsa waquichasiwayapcänti, egipcionacajj janc'aqui marcapat alisnucutap laycu.

Lucas 11:8

Sapjjsmawa, amigopätap laycojja janis sartcpan cun churiri, ucampis jan juc'amp majasiñap laycojja sartaniwa, ucatsti take cuntejj mayqui ucanac churaraquini.

Lucas 14:23

Ucat uywirejj uywatapar saraqui: ‘Saram callenacaru, thaquinacaru, ucat irptanim utajjan phokt'atäñapataqui.

Lucas 5:29

Ucjjarusti Leví chachajj utapanjj mä jach'a mank'añ Jesusatac waquiyi. Waljanipuniw impuesto cobririnacampi, yakha jakenacampi, take jupanacamp chica mesan mank'asiñatac kont'asipjjäna.

Juan 12:2

Ucansti Jesusataquejj mä mank'äwi waquichapjjäna; Martajj sirvïnwa, Lazarosti Jesusamp chicaw mayninacamp mesan mank'äna.

1 Corintios 5:8

Uqhamajj jilatanaca, Pascua fiestasjja k'oma chuymampi chekpachanrac fiestachañäni, jan levaduran t'ant'äcaspas uqhama. Janiw jucha lurañanacampi fiestachañasäquiti, ucajj nayra merk'e levaduräcaspas uqhamawa.

2 Corintios 5:14

Criston munasiñaparaquiw jariyapjjetu, maynin takenitaqui jiwatap yatjjasina, ucataracwa takenisa jiwapjjaraqui.

Hebreos 13:2

Jan armt'asipjjamti utanacamar visitanac catokañjja, uqham lurasajj yakhepanacajj jan yatisaquiw angelanacs catokapjjäna.

Jueces 6:19

Gedeonasti sarasinjja waquicht'anïnwa mä cabrito, uqhamarac pä tunca libra jac'utsti jan levaduran t'ant'a. Ucatjja aychanacjja mä canastaruw uchäna, caldsti mä phuqhururaqui. Uqham waquicht'awayasinsti cawqhanccäntejj angelajj ucqharuw apäna loktañataqui.

1 Samuel 28:24

Ucañcamasti, warmejj mä liq'i vaca kallu qharsuraquïna, cunatejj utapan utjcän uca, ucat jac'u chapuntaraqui jan levaduran t'ant'anaca phayañataqui.