Génesis 19:3 - Qullan Arunaka DC

³ Ukampis Lot chachax utapan qurpachasipxañapatakix saskakïnwa, ukat jupanakax iyawsas jupamp chik utapar sarapxäna. Puripxän ukkhasti, Lot chachax mä suma manq'ampi, jan levaduran t'ant'anakamp wakicht'arapïna, utar sart'ir uka angelanakasti manq'asipxarakïnwa.

Aymar Bibliia 1986

³ Ucampisa Lot chachajj sascaquïnwa utapan korpachasipjjañapataqui, ucatsti jupanacajj jupampi chicaraquiw utapar sarjjapjjäna. Cunapachatejj puripjjän ucapachasti, Lot chachajj mä suma mank'a waquicht'ayaraquïna, jan levaduran t'ant'anaca, visitanacasti mank'apjjaraquïnwa.

Qullan Arunaca

³ Ucampisa Lot chachajj sascaquïnwa utapan korpachasipjjañapataqui, ucatsti jupanacajj jupampi chicaraquiw utapar sarjjapjjäna. Cunapachatejj puripjjän ucapachasti, Lot chachajj mä suma mank'a waquicht'ayaraquïna, jan levaduran t'ant'anaca, visitanacasti mank'apjjaraquïnwa.

Génesis 19:3 Jak'a apnaqawi uñst'ayäwi

Génesis 19:2

ukat jupanakarux sarakïna: —Tatanaka, achikt'asipxsmawa, jichhärmax nayan utaxanay qurpacht'asipxam. Ukan kayunakam jariqt'asipxäta, ukatsti arumanthiw wali willjtat sarxapxäta —sasa. Ukampis jupanakax sapxänwa: —Walikïskaniwa, nanakax jichhärmax anqak ikt'awayapxä —sasa.

Génesis 21:8

Isaac wawasti jilsxänwa, ukat ñuñut t'aqatäxarakïna. Kunürutix ñuñut t'aqatäkän uka urusti, Abrahamax mä jach'a phunchhäwi luräna.

Génesis 24:31

Uywatar uñjasasti, Labanax jupar sänwa: —Walikpun juttax tata, Tatituw aski munasiñapampi akar puriyantam. Utaxar jutaskakim; ¿kunjämarak aka anqan qhiparätasti? ¡Nayax jumatakix utaxan mä chiqa wakichta, camellonakamatakis wakicharaktwa! —sasa.

Génesis 26:30

Ukhamasti Isaacax mä jach'a manq'äwi luräna, jupanakasti manq'apxäna, umapxarakïnwa.

2 Reyes 4:8

Mä urusti, Eliseox Sunem markanjam saraskäna. Uka markansti mä wali aytat warmiw jakäna, jupasti wali achikt'asisaw Eliseor jawsi, utapar manq'asir mantañapataki. Eliseox sapa kuti uka markanjam sarkän ukkhaw uka warmin utapar manq'ir mantirïna.

Éxodo 12:15

Paqallqu uruw jan levaduran t'ant'a manq'apxäta; ukhamasti, nayrïr urut qalltasin janiw utanakaman levadurax utjañapäkiti. Uka paqallqu urunakan levaduran t'ant'a manq'irixa, Israelankirinak taypit apanukutäniwa.

Éxodo 12:39

Ukatsti egipcionakan jupanakar jank'ak markapat jaqunukutap laykusti, janiw kuna manq'añsa wakichasipkataynati, ukat jupanakax Egiptot apsunita jan levaduran masanakampi t'ant'anak lurasipxäna.

Lucas 11:8

Nayax sapxsmawa, jupax jilata masipätap laykux, janis kun churañatak sartkpan, ukampis jan juk'amp parlxayaskañap laykux sartaniniwa, ukatsti taqi kuntix mayki uk churarakini.

Lucas 14:23

Ukat uywirix uywatapar säna: ‘Saram, thakhinakaru, marka jak'anakaru, ukatsti irptasinkakim utaxar phuqhantañkama.

Lucas 5:29

Ukxarusti Mateox utapan mä jach'a manq'añ Jesusatak wakichayäna; Roma markatak qullqi apthapirinakampi, yaqha jaqinakampi kunaw uka chiqan manq'asiñatak qunt'asipxäna.

Juan 12:2

Ukan Jesusar manq'ayañatak wakichapxäna; Lazarosti Jesusamp chikaw manq'añatak qunt'atäskäna, Marta kullakapasti manq'a churarakïna.

1 Corintios 5:8

Ukhamasti jiwasax jan levaduran t'ant'ampiw Pascua uruyañasa, ukaw chiqapaxa, janiw nayra levadurampi janirakiw jan walinak lurañampis uruyañasäkiti.

2 Corintios 5:14

Criston munasiñapaw nanakan utjantasi, maynin taqinitak jiwatap yatxasina, ukhamïpansti, taqiniw nayra jakäwinakar jiwapxaraki.

Hebreos 13:2

Utamar purinipki uka jaqinakar katuqt'añ jan armasipxamti, yaqhipanakasti ukham katuqasax jan yatkasaw angelanakar qurpachapxäna.

Jueces 6:19

Gedeonasti utaparuw saräna, ukatsti mä cabrito wakicht'äna, pä tunka libra jak'utsti jan levaduran t'ant'anak lurt'äna; ukatsti mä walayaruw aycha uchäna, caldopsti mä phukhuruw ucharakïna, taqi ukanak encina quqa jak'aruw apäna.

1 Samuel 28:24

Ukchañkamasti warmix, utapan utjkäna uka lik'i vaca qallu kharsüna, ukatsti jan levaduran t'ant'anak lurañatakiw jak'u chapt'arakïna.