Génesis 12:7 - Qullan Arunaca

⁷ Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Aymar Bibliia 1986

⁷ Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Qullan Arunaka DC

⁷ Ukawjan Tatit Diosax Abramar uñstäna, ukatsti sarakïnwa: “Jumat saraqir wawanakamaruw aka uraq churä” sasa. Ukatsti Abram chachax mä altar uka chiqan wakichäna, Tatitur jach'añchasa, jupar uñstatap layku.

Génesis 12:7 Jak'a apnaqawi uñst'ayäwi

Génesis 12:8

Ucatsti Betel marcat inti jalsu tokeruw sarjjäna, cawcsantejj kollunacajj utjcän ucsaru, uca chekaruw carpapjja sayt'ayasiraquïna. Betel marcasti, carpatjja inti jalanta tokencänwa, inti jalsu tokensti Hai marcaraqui. Uca chekansti Abramajj yakha altar luraraquïna, ucansti Tatituruw art'asiraquïna.

Génesis 13:15

nayaw take uñjctas uca orake jumar churäma, wiñayataquiw jumancani, uqhamarac wawanacamancaraquinisa.

Génesis 13:17

¡Sartasim, ucatsti ucsaru acsaru uñatatas sararaquim, nayaw jumar aca orake churäma!” sasa.

Génesis 13:18

Uqhamwa Abramajj carpapa apthapisiwayjjäna, ucatsti Mamre sat sutini mä jaken encinas kokanacani ch'umiparu jaquiriw sarjjäna, Hebrón marca jac'aru. Ucanwa Tatitun sutiparu mä altar sayt'ayaraquïna.

Génesis 13:4

Uca chekanwa nayrajj mä altar luraraquitayna, ucanwa Tatitun sutiparu art'asiraquïna.

Génesis 15:18

Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

Génesis 17:1

Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

Génesis 17:3

Ucapachasti Abramajj orakeruw alt'äna ajanupajj oraker puriñcama, Diosasti ucchañcamajj parljjayascaquïnwa:

Génesis 17:8

Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.

Génesis 18:1

Tatitusti Abrahamarojj Encinas de Mamre sat chekanwa wasitat uñstäna; Abrahamasti carpa puncun kont'atäscänwa, niya cheka ururaquïnwa.

Génesis 22:9

Cawqharutejj Diosajj uñacht'aycatayna uca chekar purisinsti Abrahamajj mä altar luräna, uqhamarac lawanacsa suma waquicht'i altar patjjaru, ucatsti Isaac wawaparuw catuntasin ñach'anti, altarjjaruw wayjjataraqui, lawa patjjaru.

Génesis 24:7

Alajjpachanquir Dios Tatituwa, cawquïritejj nayar awquejjan utapata, uqhamarac familianacajjan ucat irpsunquitu, ucatsti aca orake nayaru, uqhamaraqui wawanacajjampiru churañatac arsquitu, ucaw juma nayräjjar angelap qhitanini, ucat mä warmi wawajjatac irpaniñamataqui.

Génesis 26:25

Uqhamasti Isaacajj uca chekarojj mä altar luräna, ucatsti Tatituruw art'asïna. Uca chekaruw carpapjja sayt'ayäna, sirvirinacapasti mä phuch'u allsupjjaraquïna.

Génesis 26:3

jichhasti aca marcan jacascaquim. Nayaw jumampïscä, bendiciraquïmawa, uqhamarus jumaru, wawanacamampiruw take aca orakenac churä. Uqhamwa cuntejj Abraham awquimar arscayät uca arsutajjarojj phokhäjja.

Génesis 28:13

Uqhamarus uñjaraquïnwa Tatitojj ucan jupa jac'ana sayt'atäsquiri, aqham sasa: “Nayätwa Tatitojja, Abraham achachilaman Diosapajja, uqhamaraqui Isaac awquiman Diosapa. Jumampiru, wawanacamampiruw cawqhantejj ict'atäcta uca orake churä.

Génesis 28:4

Cuntejj Abraham awquisaru arsuwaycän uca bendicionanacsa jumaru, uqhamarac wawanacamaru churpan, aca orakena, cawqhantejj jichhajj sarir jakjama jacasctan ucat dueñöpjjañapataqui, Dios quipcaraquiw uqham sasajj Abrahamarojj arsuwayi” sasa.

Génesis 32:30

Jacobosti uca chekarojj Peniel sasaw suticharaquïna, saraquïnwa: “Diosarojj ajanuy ajanuw uñcatta, ucampisa jacascaractwa” sasa.

Génesis 33:20

Ucjjarusti mä altar luraraquïna, El-Elohe-Israel sasaw suticharaquïna.

Génesis 35:12

Abrahamaru, Isaacaru churcta uca oraksti, jumaruw churaracsma, ucjjarusti wawanacamaruw churaraquï” sasa.

Génesis 35:7

Ucanwa mä altar sayt'ayäna, uca chekarusti El-Betel sasaw suticharaquïna, cunapachatejj jupajj jilapat jaltcäna ucqha, Diosajj uca chekan uñstatap laycu.

Génesis 50:24

Mä urusti Joseajj jilanacaparojj sänwa: “Nayan jiwañajjajj jac'ancjjewa, ucampis Diosaw jumanacar yanapir jutani, ucatsti aca marcatjja apsuwayjjapjjaraquïtamwa, cawquïri oraktejj Abrahamaru, Isaacaru, Jacoboru, churañataqui arscäna ucaru” sasa.

Génesis 8:20

Ucatsti janc'aquiraquiw Noejj Tatitutaqui mä altar luräna, ucatsti k'oma animalanacata, uqhamaraqui jamach'inacatsa mayacamwa catüna, ucatsti Tatituruw sacrificiot loktäna.

2 Samuel 24:25

ucanwa Tatitutaquejj mä altar sayt'ayaraquïna, nact'at ofrendanaca, sumar mantaña sacrificionacwa loktaraquïna Tatiturojja. Uqhamasti Tatitojj Davidan mayisitanacaparojj ist'araquïnwa, cuntejj jupajj marcataqui maycatayna ucanaca, ucatwa uca jach'a usunacajj marcatjja chhaktawayjjaraquïna, take Israel orakpachata.

1 Reyes 18:32

Uca kalanacampisti mä altarwa Tatitutaqui luräna; ucatsti mä k'awa luraraquïna altar muytpacharu, pä tunca litro trigo mantquiri,

1 Crónicas 16:16

Abrahamampi suma arust'äwir mantatapjja, juramento Isaacampi luratapsa,

1 Crónicas 16:18

cunapachatï aqham siscäna: ‘Nayajj Canaán orakwa churäma, jumar wact'ctam uca herenciata.’

2 Crónicas 20:11

Jichhasti ucata ñankha cutiyañataquiwa nuwir jutapjje orakemata apanucuñataqui, aca oraksti jumaw churapjjestajja nanacan catusianacajjataqui.

2 Crónicas 20:7

Nanacan Diosajja, jumawa Israel marcana nayrakatapata jakonuctajja aca oraken jaquir jakenacarojja, ucatsti juman munata Abrahaman wawanacaparuw wiñayataqui churtajja.

Esdras 3:2

Ucatsti Josadac chachan Josué yokapasa, uqhamarac sacerdote masinacapasa, Salatiel chachan Zorobabel yokapasa, uqhamarac familianacapasa Israelan Diosapan altarapa lurañaruwa uchasipjjäna, uca patjjana nact'ata loktäwinaca loktañataqui, cunjämtï Moisés Diosan jakep toke leyejj siscäna uqhamarjama.

Éxodo 17:15

Ucat Moisesajj mä altara waquicht'asinsti “Tatituw nayan wiphalajjajja” sasaw sutichäna.

Éxodo 24:4

Ucampis Moisesajj kellkänwa cunanactejj Tatitojj siscäna ucanaca, ucat khepärmanthi alwata sartasinsti jupajj kollu cayurojj mä altarwa luräna, uqhamarac altar thiyarojj tunca payan kala uchäna; Israelanquir sapa tributjja mä kala uchasa.

Éxodo 32:13

Amtasimaya Abraham, Isaac, Israel uca sirvirinacamata. Jupanacarusti juma pachpaw juramento lurasina sistajja: ‘Nayajj jumanacan wawanacaman wawanacaparusti alajjpach warawaranacjama waljwa tucuyäjja, ucatsti cawquïr oraktejj jumanacar churañataqui arsupcsma ucjja churäwa wiñayatac mä herenciat catusipjjañapataqui’ —sasa.

Éxodo 33:1

Tatitusti Moisesarojj sänwa: —Sarjjapjjam acqhata juma, uqhamarac Egiptot irpsuncta uca jakenacampi, cawqha oraktejj wawanacamaruw churäjja sas Abrahamaru, Isaacaru, Jacoboru arscta uca orakeru.

Éxodo 6:3

Nayawa uñsttjja Abrahamaru, Isaacaru, Jacoboru, take ch'aman Dios sat sutimpi. Ucampis nayajja jupanacarojj TATITU sat cheka sutejjampejj janiw uñt'ayascti.

Éxodo 6:4

Uqhamarac jupanacampejja mä suma amtäwiruraquiw mantapjjaracta. Ucat arsuyätjja Canaán orake jupanacar churañataqui, cawqhantejj mä urunacajj jayanquir jakenacjama jacapcäna uca orake.

Jeremías 3:18

“Uca uru purincani ucapachasti Judá marcajj Israel marcaruw jakcattjjani, ucatsti mayaquiw amsta tokenquir marcanacat cutt'anjjapjjani, cawquïri oraktejj nayajj mä herenciäcaspas uqhama nayrapacha awquinacapar churta uca orakeru” sasaw Tatitojj arsu.

Números 26:53

“Take aca jakenacaruw orakenacjja laquintapjjäta, kawkhanitejj sutinacapajj kellkantatäqui uqhamarjama.

Números 32:11

cawquïri jakenacatejj Egiptot mistunipqui pä tunca maranit amstaru, ucanacajj janiw uñjapcaniti, cawquïri oraktejj arupampi arsusin Abraham, Isaac, uqhamarac Jacob ucanacaru sisqui ucanacjja, jan jupanacan take iyawsañampi arcapjjatap laycu.

Hechos 7:5

Ucatsti janiraquiw cuna herencia uca orakenjj churcänti, ni mä jisc'a oraksa. Ucampisa Diosajj orak churañataquiw arsuwayäna: ‘Jumajj jiwjjät ucajja, aca orakejj wawanacamancaniwa’ sasa. Ucürunacanjja Abrahamajj janïraw wawanïcänti.

Romanos 9:8

Acasti jiwasanacarojj amuyt'ayistuwa, janiw qhitis uca castat jutatap laycojja Diosan wawapäcaspati, jan ucasti qhitinacatejj Diosan arsutaparjam utjapqui ucanacaw cheka wawanacata uñt'ata.

Gálatas 3:16

Jichhajj, Diosajj arsuwayiwa Abrahamaru, uqhamarac wawaparusa. Kellkatanjj janiw sisquiti: “Wawanacama” sasa walja jakenacäcaspas uqhama, jan ucasti siwa: “Uqhamarac wawamarusa” sasa, acasti mä sapa jakeru sañacwa muni, ucasti Cristowa.

Gálatas 4:28

Jilatanaca, jiwasanacajj Isaacjamätanwa, Diosajj arsuwayquis uca wawanacätanwa.

Deuteronomio 1:8

Nayaw take uca orakenac amparamarcam catuyapjjsma, jichhasti sarapjjamay uca orakenac catuntiri, cawquïrtï naya Diosajj juramentompi arsusina churta nayra awquinacamaru; Abrahamaru, Isaacaru, Jacoboru, uqhamarac wawanacaparusa’ sasa.

Deuteronomio 30:20

Tatitu Diosamarusti munapjjam, ist'apjjaraquim, suma iyawsañampi arcapjjaraquim, jacañajj jupat jutatap laycu, jumanacan walja maranac jacapjjañamataqui, cawquïri oraktï Tatitu Diosajj arupampi arsusin Abrahamaru, Isaacaru, uqhamarac Jacob awquinacamaru churä siscatayna ucanjja.”

Deuteronomio 34:4

Ucatsti Tatitu Diosajj sänwa: “Aca orakenacwa nayajj arojjampi arsusina churä sayäta Abrahamaru, Isaacaru, Jacoboru, uqhamaraqui wawanacaparusa. Nayaw munta quipca nayranacamampi uñjañama, ucampis janiraquiw ucarojj mantcätati” sasa.

Deuteronomio 6:10

“Jumanacan Tatitu Diosamasti cawquïri oraktï Abraham, Isaac, Jacob awquinacamaru churä siscatayna ucaruw puriyapjjätam. Uca orakesti wali jach'a, uqhamarac suma marcanacaniwa. Uca marcanacasti janiw jumanacan luratäcaraquiti.

Deuteronomio 9:5

Janiw jumanacan asqui luratanacam laycuti uca orakenaca catuntapctajja, Diosasti uca marcanacarojj jumanac nayräjjatjja jakonucuwa jupanacan jucha luratanacap laycu, ucatsti nayra Abraham, Isaac, Jacob awquinacamar arsutap phokhañ laycu.

Hebreos 11:13

Take uca jakenacajj cuntejj Diosajj churañatac arsuwaycäna uc jan catokasaw jiwarapjje, ucampis iyawsañanïpjjatap laycojj jayatac uñtapjjäna. Uqhamatwa yatiyapjjäna acapachana sarir jakenacäpjjatapa.

Hebreos 11:8

Iyawsäwi tokeraquiw Abrahamajj cunapachatejj Diosajj jawscäna ucqhajj ist'äna, ucatsti jupajj mistuwayjjänwa cawqharutejj Diosajj orak churañapäcäna ucaru. Orakepat mistusinsti janiw cawcsar sarataps yatiscaraquïnti.

Josué 1:6

Jumasti wali ch'amani sayt'asim janirac ajjsaramti. Aca marcaru orak laquiñajj jumaruw wact'tam; ucasti nayajj: ‘Herencia churä’ siscäyata awquinacaparu ucawa.

Josué 22:10

Cunapachatejj Rubén, Gad, uqhamaraqui chicat Manasés tribunacajj Jordán jawir jac'aru puripjjän ucqhajj, jupanacajj mä jach'a altar jawir lacaru lurapjjäna, Canaán orakena.

Josué 8:30

Ucatsti Josué chachajj mä altar Israelan Dios Tatitupataqui Ebal kolluna luräna,

Jueces 6:24

Ucatsti Gedeonajja mä altarwa Diosataqui waquicht'i ucarusti suticharaquïnwa “Diosawa samarañajja” sasa. Aca altarasti Ofra marcancasquiwa, Abiezer sat familian marcapana.

1 Samuel 7:17

Ucatsti Ramá sisqui uca chekaruw cuttanjjaraquirïna, cawqhanccäntejj utapajj ucaru, ucqhatpachawa Israel marcarojj apnakaraquïna. Ucansti mä altarwa Tatitutaquejj sayt'ayaraquïna.