Génesis 10:5 - Qullan Arunaca

⁵ Acanacänwa Jafetan wawanacapajja, jupanacasti jach'a kota thiyanwa jacapjjäna, take marcanacasa, jach'a familiasa orakencama, uqhamarac pachpa parlancamaraqui.

Aymar Bibliia 1986

⁵ Acanacänwa Jafetan wawanacapajja, jupanacasti jach'a kota thiyanwa jacapjjäna, take marcanacasa, jach'a familiasa orakencama, uqhamarac pachpa parlancamaraqui.

Qullan Arunaka DC

⁵ Jafet chachan wawanakapaw jach'a quta thiyan jakapxäna, pachpa uraqipana, marka masinakaparjama, wila masinakaparjama, pachpa arupani.

Génesis 10:5 Jak'a apnaqawi uñst'ayäwi

Génesis 10:20

Cam chachan wawanacapasti acanacänwa: sapa marcasa, sapa jach'a tamasa orakencama, uqhamarac pachpa parlani.

Génesis 10:25

Uca khepatsti Heberajj pä yokanïnwa, maynïristi Peleg satänwa, uca tiemporaquiw jakenacajj aca orakenjja jaljtapjjäna; Pelegan jilapasti Joctán sataraquïnwa.

Génesis 10:32

Acanacaw Noen wawanacapan jach'a familiapajja, cawquïri awquinacattejj jutapqui uqhamarjama, orakencamaraqui. Uma juicio pasatatsti, jakenacajj take tokeruw aywitatawayjjapjjäna, uca orakensti jach'a marcanacwa sayt'ayapjjaraquïna.

Génesis 10:4

Javanan wawanacapasti acanacänwa: Elisa, Tarsis, Quitim, uqhamaraqui Rodanim ucanaca.

Génesis 10:6

Cam jaken wawanacapasti acanacänwa: Cus, Mizraim, Fut, uqhamarac Canaán ucanaca.

Génesis 9:19

Aca quimsaniw Noén wawanacapajja, jupanacan wawanacapampisti wastatwa aca orake phokhantapjjäna.

Ester (hebreo) 10:1

Rey Asuerosti apthapïnwa impuestonacjja uca orakenacan jaquirinacata, uqhamarac kota taypi islanacan jaquirinacatsa.

Salmos 72:10

Tarsis marcanquir reyinacasa, kota tokenquir reyinacasa, jupataquejj kollk apsupjjpan, Sabá orakenquiri, Seba orakenquir reyinacajj churäwinacap loktapjjpan.

Isaías 11:11

Uca urunacanjja Tatitojj wasitatwa ch'amap uñacht'ayani, marcapat jilt'irinacaru wasitat jicjjatjjasa, Asiriatsa, Egiptotsa, Patrosatsa, Etiopiatsa, Elamatsa, Sinaratsa, Hamatatsa, kota tokenquir marcanacatsa cuttayanjjaraquiniwa marcaparojja.

Isaías 24:15

Inti jalsu tokensa, jach'a kota taypin utjir marcanacatsa, Tatituruw jach'achapjjani, Israelan Diosaparu.

Isaías 40:15

Jupataquejj take marcanacajj mä uma ch'akar uñtataquiwa, balanzansti mä jisc'a lak'ar uñtataquiraquiwa, kotanquir marcanacasti mä sapa ch'allampi sasiquiwa.

Isaías 41:5

Kota tokenquir marcanacajj uc uñjasinjja, ajjsarapjjaraquïnwa; orakes maysat maysacamaw qhathatiraquïna. Jac'achasinipjjewa, jutapjjewa.”

Isaías 42:10

Tatitur k'ochupjjam mä machak k'ochu, wali jaya oraketpach juparojj yupaychapjjam, kotan tuyurinaca, uqhamarac uca kotan utjiri animalanaca, kota toke marcan jaquirinacasa.

Isaías 42:4

Janiw samarcaniti, ch'amsa jiwt'ayascaniti, aca oraken cheka cancaña uscuñapcama. Kota tokenquir marcanacasti yatichäwinacapjja suma ist'apjjani.”

Isaías 49:1

Jach'a kota tokenquir marcanaca, ist'apjjeta, jayanquir marcanaca, wal wal ist'apjjeta: Janïra nayajj nascta ucqhatpachaw Tatitojj nayar jawsitu, sutejjsti arsuraquiwa cunapachatejj nayajj taycajjan puracapancascäyät ucqhatpacha.

Isaías 51:5

Atipjäwejjasti jac'anquiwa nayan khespiyasiñajjasti niyaw jutasqui, marcanacarusti ch'amajjampiraquiw apnakä. Kota tokenquir marcanacasti nayaruw suyt'apjjetani, ch'amajjaruraquiw alcatasipjjani.

Isaías 59:18

Tatitojj sapa mayniruw luräwiparjam churani, uñisirinacaparusti mutuyaniwa, jupar uñisirinacarusti waquisitaparjamaw churaraquini, kota toke marcanacan utjirinacarusa.

Isaías 60:9

Ucanacasti kotanjam jutir barconacawa, mayaquiw jutapjjaraqui Tarsisanquir barconacampi irpata, jayatpachwa wawanacamjja irpanjjapjjaraqui, koripas kollkepas apt'ata, Tatitumar jach'añchäwi churasa, Israelan Kollan Diosaparu, qhititejj jumarojj wali suma tucuyctam ucaru.

Jeremías 2:10

Inti jalanta tokenquir islanacaru sarapjjam, ucatsti amuyapjjaraquim, Cedar chekarusti mayni qhitapjjaraquim sum uñjaniñapataqui, inach uñjanipjjäta,

Jeremías 25:22

Tiro, Sidón sisqui uca marcanacan take reyinacaparusa; Mediterráneo sisqui uca jach'a kota tokenquir reyinacarusa;

Ezequiel 26:15

Tatitusti Tiro marcarojj saraquiwa: “Kota tokenquiri marcanacasti, juman aynacht'atama ist'asajj qhathatipjjaniwa, usuchjatanacamana aykotanacapa ist'asajja, jakenacaman jiwarayatätapa ist'asasa qhathatipjjaniwa.

Ezequiel 26:18

Jichhajj aynacht'atamatsti, kota tokenquir marcanacajj ajjsarañatwa qhathatipjje. Jichhajj chhaktatamatjja, kota mankhanquir islanacajj ajjsarañampi phokhantatäpjjewa’ sasa.

Daniel (hebreo) 11:18

Uca khepatsti kota tokenquiri marcanacaruwa nuwantaraquini, uca marcanacatsti waljaniw amparaparu jalt'apjjaraquini; ucampisa mä generalaw uca p'enkachäwirojj tucjani, amstanquir reyirusti mä p'enkwa tucjaraquini.

Sofonías 2:11

Diosasti jupanacampejj wali ajjsarcañäniwa. Take marcanacan diosanacaparusa t'unjaraquiniwa, jupaquiraquiw take chekansa yupaychatäni, uqhamaraqui islanacan jaquir jakenacansa.

Deuteronomio 32:8

Mä cutiw alajjpachanquir awquejj jakenaca, marcanaca laquintäna, marcanacan korpanacapsa ucharaquïna, ucampis Israel marcaruw ajlliraqui.