Génesis 10:4 - Qullan Arunaca

⁴ Javanan wawanacapasti acanacänwa: Elisa, Tarsis, Quitim, uqhamaraqui Rodanim ucanaca.

Aymar Bibliia 1986

⁴ Javanan wawanacapasti acanacänwa: Elisa, Tarsis, Quitim, uqhamaraqui Rodanim ucanaca.

Qullan Arunaka DC

⁴ Javán jaqin wawanakapasti: Elisá, Tarsis, Quitim, Rodanim ukanaka.

Génesis 10:4 Jak'a apnaqawi uñst'ayäwi

Génesis 10:5

Acanacänwa Jafetan wawanacapajja, jupanacasti jach'a kota thiyanwa jacapjjäna, take marcanacasa, jach'a familiasa orakencama, uqhamarac pachpa parlancamaraqui.

1 Crónicas 1:7

Javán chachan wawanacapasti acanacänwa: Elisa, Tarsis, Quitim, Rodanim ucanacaraqui.

Isaías 23:1

Tiro marca toke profecía arunaca. Tarsisanquir barconaca, aykopjjam, puertonacan t'unjatätap laycu. Chipret puriniña puertosti k'ala t'unjatawa.

Isaías 23:12

Sidonarusti saraquiwa: “Uca cusisiñanacam apanucum, p'enkachjat tawako. Chiprecam sarañ amtcäta ucasa, janiraquiquiw ucansa samarañ jicjjatcätati.”

Ezequiel 27:12

Kamir cancañamasti sintipuniraquïnwa, ucatwa Tarsis marcas jumampejj alaquipa luraraquïnjja, uca aljasiñanacamatsti kollke, hierro, estaño, plomo ucanacwa churapjjaraquïyätamjja.

Ezequiel 27:25

Tarsis marcanquir barconacasti, mayat mayatwa cunayman casta achunaca apt'ata juman ucaru jutapjjänjja. “Jach'a kotanquiri mä barcjamäyätawa, kamir cancañanacampi phokt'ata.

Ezequiel 27:6

barconacaman remonacapsa Basán chekata apanit roblenacatwa lurarapipjjaractam. Patjja maderanacamsa Chipre tokenquiri ciprés sat maderanacatwa lurarapipjjaractam, marfilanacampisa q'iñaquipataraqui.

Ezequiel 27:7

Velomsti, Egiptot apanita suma linonacat bordata lurapjjaraqui, ucasti jumataquejj mä wiphaljamänwa; carpamasa wila morado telanacat lurataraquïnwa; Elisa sisqui ucsa kota iramanacata apanita telanaca.

Daniel (hebreo) 11:30

Ejercitopasti inti jalanta tokenquir ejercitompi nuwantataw uñjasini, uca ejercitosti barconacat apanitäniwa. Uqhamasti ajjsarañan phokhantatäsinjja jaltjjapjjaquiniwa. Ucapachasti amstanquir ejerciton reyipajj uca kollan arust'äwjjaruw take colerasiñapjja samarayasini, qhitinacatejj uca arust'äwi toke sayt'apcaraquïna juparu sirviñataqui ucanacamp chica.

Números 24:24

Chipre thiyanacatwa barconacas jutapjje, ucatsti k'al tucjapjjani, Asiria, uqhamarac Heber marcanacjja, Heber marcas t'unjataraquïniwa” sasa.