Génesis 1:16 - Qullan Arunaca

¹⁶ Diosasti paya khanirinacwa luräna, maya jach'äqui ucasti uru khanañapataqui; jisc'äqui ucasti aruma khanañapataquiraqui. Uqhamaraquiw warawaranacsa luräna.

Aymar Bibliia 1986

¹⁶ Diosasti paya khanirinacwa luräna, maya jach'äqui ucasti uru khanañapataqui; jisc'äqui ucasti aruma khanañapataquiraqui. Uqhamaraquiw warawaranacsa luräna.

Qullan Arunaka DC

¹⁶ Diosasti pä jach'a qhanirinak luräna, intix urun qhanañapataki; phaxsisti aruman qhanañapataki. Warawaranaksa lurarakïnwa.

Génesis 1:16 Jak'a apnaqawi uñst'ayäwi

Job 31:26

Intin khanatapsa uñjtwa, phajjsina suma c'ajatapsa uñjaractwa,

Job 38:7

uccañcamasti khanjtaniri warawaranacan k'ochupjjañapcama, uqhamaraqui alajjpacha sirvirinacan cusisiñapcamajja?

Salmos 148:3

Inti, phajjsi, c'ajquir warawaranaca, Tatitur jach'añchapjjam.

Salmos 148:5

Tatitun sutip jach'ar aptapjjam, arupamp arsusaquiw take cun utjayäna;

Salmos 19:6

Intejj maysa thiyat uñstani, maysa thiyar puriñcamaw muyti: janiw cunas lupi junt'upat imantascaspati.

Salmos 74:16

Jumanquiw urusa, arumasa, jumaw phajjsimpiru, intimpirojj uchtajja;

Salmos 8:3

Cunapachatejj juman lurat alajjpach uñatatcta, juman uchat phajjsimpiru, warawaranacampir uñtcta ucapachajj sistwa:

Isaías 13:10

Warawaranacasti janiw juc'ampi alajjpachanjja khancjjaniti, intis jalsuncasaraquiw ch'amact'jjani, phajjsis janiraquiw juc'ampi khancjjaniti.

Isaías 24:23

Cunapachatejj take ch'amani Tatitojj reyjama take cunsa lurcan ucqhajj Sión kollunsa, Jerusalén marcansa, ucapachasti intis phajjsis ch'amact'aniwa, marcapanquir jilïrinacasti Tatitun jach'a cancañapwa uñjapjjaraquini.

Isaías 40:26

Alajjpach uñtapjjam ucatsti uñatatapjjaraquim: ¿Qhitis take ucanac uscojja? Qhititejj jupanacar mayat mayat jalanokqui ucajj sapakat mayniruw sutitcam jawsaraqui. Wali jach'aw ch'amapajja munañanïñapasa, janiraquiw maynis chhakquiti.

Isaías 45:7

Nayaw khansa ch'amacsa uscta, sumancañsa, chijinacsa nayaw apayanta. Naya, Tatituw take ucanac lurta.

Jeremías 31:35

Tatituw jumanacataqui inti uscu uru khanañapataqui, phajjsisa, warawaranacasa aruma khanañapataquiraqui, jupaw jach'a kotsa, ucan khothutinacsa luraraqui, jupasti “Take Ch'amani Tatitu sataraquiwa”, ucatsti siwa:

Habacuc 3:11

Intis phajjsisa jalantasajj janiw mistuncjjeti, flechanacamana c'ajquir khanapa uñjasajj, uqhamaraqui lanzamana llijulliju khanapa uñjasaraqui.

Mateo 24:29

“Uqham llaquisiñ urunac pasjjepanwa intejj ch'amact'jjani, phajjsisa janiraquiw khantcjjaniti, warawaranacasti alajjpachat willirtaniraquiniwa, alajjpachanquir ch'amanacasa ucürojj qhathatiniwa.

Mateo 27:45

Ucapachaw take orakpachajj ch'amact'äna, chica urut kalltasina quimsa horascama.

1 Corintios 15:41

Intin khanapajj mayjawa phajjsin khanapat sipansa, warawaranacan c'ajatapas mayjaraquiwa. Pachpa warawaranac taypitsa utjaraquiwa yakha casta c'ajiri warawaranacajja.

Deuteronomio 4:19

Cunapachatï alajjpach uñtasina intiru, phajjsiru, warawaranacaru uqhamaraqui take ucanacar uñtapjjät ucqhajj jan ucanacar yupaychapjjamti, ucanacsti Dios Tatitu Awquisaw luri take acapach orakenquir marcanacataqui.

Apocalipsis 21:23

Uca marcanjja janiw munascänti intisa ni phajjsi khanasa, pachpa Diosaw ucan khanäna, uqhamarac Corderowa khanaraquïna.