Éxodo 8:8 - Qullan Arunaca

⁸ Ucatsti faraonajj Moisesampiru, Aaronampir jawsayanisajja sänwa: —Tatitur mayipjjam c'ayranaca apakañapataqui nayata, uqhamarac jakenacajjata, nayasti jakenacamarojj antutjjäwa Tatitur sacrificio loktir sarjjapjjañapataqui.

Aymar Bibliia 1986

⁸ Ucatsti faraonajj Moisesampiru, Aaronampir jawsayanisajja sänwa: —Tatitur mayipjjam c'ayranaca apakañapataqui nayata, uqhamarac jakenacajjata, nayasti jakenacamarojj antutjjäwa Tatitur sacrificio loktir sarjjapjjañapataqui.

Qullan Arunaka DC

⁸ 8 (4) Ukat faraonax Moisesampiru, Aaronampir jawsayanisin jupanakar säna: —Tatitumar mayipxam k'ayra jamp'atunak nayat apanukuñapataki, ukhamarak jaqinakaxatsa, nayasti jaqinakamar mistuyxäwa Tatitur wilañcha luqtir sarañapataki —sasa.

Éxodo 8:8 Jak'a apnaqawi uñst'ayäwi

1 Reyes 13:6

Ucatsti reyejj profetarojj sänwa: —Nayajj achict'assmawa Tatitu Diosamaru naya laycu mayiñama, amparajjana c'umaräjjañapataqui —sasa. Profetasti Tatituruwa mayïna, ucatsti reyin amparapajj c'umaräjjänwa nayrjama.

Salmos 66:3

Diosarojj sapjjam: “Luratanacamajj muspharcañapuniwa, timanacamajj jach'a ch'amam laycuw nayrakataman ajjsarañat tincurapjje.

Éxodo 10:16

Ucatsti faraonajj janc'aquiw Moisesampir, Aaronampir jawsayanisajj säna: —Nayajj jumanacan Tatitu Diosam contraw jucha lurta, uqhamarac jumanac contraraqui.

Éxodo 10:17

Ucampis nayajj achict'asipjjsmawa jichha cutimpiqui juchajjat perdonapjjeta, uqhamarac jumanacan Tatitu Diosamaru nayatac mayirapipjjeta aca jiwayir mutuyäwjja nayata apakañapataqui.

Éxodo 10:18

Ucatsti Moisesajj, faraonan ucat mistuwayasinjja Tatituruw mayïna.

Éxodo 14:5

Faraonarusti yatiyapjjänwa israelitanacan sarjjapjjatapjja. Ucatsti faraonampi, yanapirinacapampejj israelitanacat parlaquipasinjja sapjjaraquïnwa: “¿Cunsa lurtan israelitanacar sarjjer antutasinjja, uqhamat jan jiwasar sirviñapataquejja?” sasa.

Éxodo 32:11

Ucat Moisesajj Tatitu Diosaparuw mayïna aqham sasa: —Tatitu, ¿cunatsa colerasïta jakenacamataquejja? Juma pachpajjay Egipto marcatjja irpsunstajja jach'a ch'amamampi, uqhamarac jach'a cancañamampejja.

Éxodo 5:2

Ucat faraonasti sänwa: —¿Qhitisa Tatitojja, arup ist'añajjataquejja, uqhamarac israelitanacarus sarjjapjjañapataqui antutañajjataquejja? Janiw nayajj Tatiturojj uñt'cti, uca laycusti janiw antutquiristti israelitanacaru sarjjañapataquejja.

Éxodo 8:15

Ucampis faraonajj jan cuna llaquis ujtcjjatap laycusti chuymapa colerañampi kalarayasisajja janiraquiquiw ist'añjja muncjjänti cuntejj Tatitojj Moisesampiru, Aaronampiru siscäna ucjja.

Éxodo 8:29

Moisesajj saraquïnwa: —Nayasti acata mistuwayasinjja Tatituruw mayëjja, arumanthejja jach'a chhichhillanqhanacajj sarjjañapataqui juma jac'ata, sirvirinacamata, uqhamarac take jakenacamatsa. Ucampis nanac israelitanacarojja janiw engañasipcaquitätati, ni jarc'apjjetätasa Tatituru sacrificio loktir nanacajj sarapjjañanacajjatjja —sasa.

Éxodo 8:32

Ucampis faraonajj chuymapa kalarayasisajj janiraquiquiw israelitanacar antutañ muncjjaraquiquïnti.

Éxodo 8:9

Ucat Moisesajja faraonarojj saraquïnwa: —Sitaya, ¿cuna horasa mayiñajjsa munta jumataqui, sirvirinacamataqui, uqhamarac jakenacamataquisa c'ayranacajj apakatäñapataqui jumata, uqhamarac palaciomatsa, uqhamat c'ayranacajj jawirancañapataquejja?

Éxodo 9:27

Ucatsti faraonajj Moisesampir, Aaronampir jawsayanisajj sänwa: —Nayajj uñt'astwa juchanïtajja, Tatitojj cheka asquiwa, ucampis nayampi, marcajjampiw juchanïpjjtjja.

Éxodo 9:28

Chhijchhimpi, khejjokhejjonacampisti walipuniw purintjje, jichhasti Diosaruy mayipjjam uca nina chhijchhimpi, khejjokhejjonacampi apakañapataqui, nayasti antutjjapjjämawa sarjjapjjañamataqui, janiw jarq'jjäpjjämati —sasa.

Éxodo 9:33

Moisesasti faraonampi parlawayasinjja, marcat jayaruw saräna, ucansti Tatituruw mayïna. Ucatsti ucspachaw chhijchhejj t'acurawayjjäna, janiw khejjokhejjonacas utjcjjänti, ni jallus purcjjaraquïnti.

Números 21:7

Ucatwa jakenacajj Moisesan ucaru sarapjjäna, aqham sasa: —Jucha lurapjjta Dios contra, uqhamarac juma contra parlasajja. Tatituruy mayim aca catarinac apakjjañapataqui —sasa. Ucatwa Moisesajj Tatitur mayïna israelitanacar perdonañapataqui.

Hechos 8:24

Simonasti ucjjarojj sänwa: —Jumanacajj Tatituruy mayirapipjjeta, cuntï sapquista ucanacajj jan nayjjar jutañapataqui —sasa.

1 Samuel 12:19

ucatwa Samuelorojj takeni sapjjäna: —Jumajj Tatitu Diosamaru aca sirvirinacamataqui achict'am, jan jiwarapjjañajjataqui, take jucha luratanacajj-jjarusti rey mayitampwa yapt'apjjtajja —sasa.