Éxodo 8:8 - Qullan Arunaka DC

⁸ 8 (4) Ukat faraonax Moisesampiru, Aaronampir jawsayanisin jupanakar säna: —Tatitumar mayipxam k'ayra jamp'atunak nayat apanukuñapataki, ukhamarak jaqinakaxatsa, nayasti jaqinakamar mistuyxäwa Tatitur wilañcha luqtir sarañapataki —sasa.

Aymar Bibliia 1986

⁸ Ucatsti faraonajj Moisesampiru, Aaronampir jawsayanisajja sänwa: —Tatitur mayipjjam c'ayranaca apakañapataqui nayata, uqhamarac jakenacajjata, nayasti jakenacamarojj antutjjäwa Tatitur sacrificio loktir sarjjapjjañapataqui.

Qullan Arunaca

⁸ Ucatsti faraonajj Moisesampiru, Aaronampir jawsayanisajja sänwa: —Tatitur mayipjjam c'ayranaca apakañapataqui nayata, uqhamarac jakenacajjata, nayasti jakenacamarojj antutjjäwa Tatitur sacrificio loktir sarjjapjjañapataqui.

Éxodo 8:8 Jak'a apnaqawi uñst'ayäwi

1 Reyes 13:6

Ukat reyix profetar säna: —Amparaxan k'umaräxañapatak Tatitu Diosamaruy mayirapita —sasa. Profetasti Tatituruw achikt'äna, ukatsti reyin amparapax nayrjam k'umarakïxänwa.

Salmos 66:3

Diosarux sapxam: “Luratanakamax muspharkañapuniwa. Timanakamax jach'a ch'amam laykuw nayraqataman axsarañat tinkurapxi;

Éxodo 10:16

Faraonasti jank'akiw Moisesampiru, Aaronampir jawsayanïna, jupanakarusti akham säna: —Nayax jumanakan Tatit Diosamatakiw juchachasta, jumanakatakis juchachasiraktwa,

Éxodo 10:17

ukampis nayax jumanakar achikt'asipxsmawa, jichha kutimpik juchaxat pampachapxita, Tatit Diosamar nayatak mayirapipxita, aka jiwayir mutuyäwi nayat apaqañapataki —sasa.

Éxodo 10:18

Moisesasti, faraonan ukat mistuwayasin Tatitur mayïna.

Éxodo 14:5

Egiptonkir reyix israelitanakan jaltxapxatap yatisinxa, jupasa, yanapirinakapas israelitanakar khithanukupxatapat amthapisipxäna, ukat sapxarakïna: “¡Kuns lurtan, janik israelitanakar mistuykasänti! Jichhasti, ¿khitirak jiwasanakatak irnaqarapistanisti?” sasa.

Éxodo 32:11

Moisesasti aka arunakampiw Tatit Diosapar sumachañ munäna: —Tatay, ¡janikiy aka markatak q'apisimti! Juma pachpaxay Egipto markat jupanakar jach'a ch'amamampi, jach'a kankañamamp irpsunstaxa.

Éxodo 5:2

Ukampis faraonax sänwa: —¿Khitirak Tatitusti, nayan jupar ist'añaxataki, israelitanakarus antutaskañaxatakixa? Janiw nayax Tatiturux uñt'kti, janirakiw israelitanakarus sarañapatak antutkäti —sasa.

Éxodo 8:15

15 (11) Ukampisa, faraonax taqi ukanak jan utjxipansti, chuymap qalarayasïna janiw Moisesampiru, Aaronampir ist'añ munkxänti, kunjämtix Tatitux siskatayna ukarjama.

Éxodo 8:29

29 (25) Moisesasti sarakïnwa: —Nayax akat mistusin Tatituruw mayï, juma jak'ata, yanapirinakam jak'ata, taqi jaqinakam jak'at arumanthix jach'a chhichhillankhanakax sarxañapataki, jumatix nanakar jan sallqjasipkakitäta, janirak israelitanakan Tatitur wilañcha luqtir sarañapsa jark'käta ukapacha —sasa.

Éxodo 8:32

32 (28) Ukampis faraonax wasitat chuymap qalarayasïna, ukatsti janiw israelitanakar khithanukuñ munkxarakikïnti.

Éxodo 8:9

9 (5) Ukat Moisesax faraonar sarakïna: —Sitaya, ¿kunapachas jumax munta Diosar nayan mayiñaxa jumatakisa, yanapirinakamatakisa, markamatakisa, k'ayra jamp'atunak Tatitun apanukuñapataki, reyi utamatsa, juma jak'atsa; k'ayra jamp'atunakan jawirar mantxañapataki? —sasa.

Éxodo 9:27

Ukat faraonax Moisesampiru, Aaronampir jawsayanïna, jupanakarusti akham säna: —Nayan juchanïtax uñt'astwa. Nayampi, markaxampiw juchanïpxta, janiw Tatitun juchapäkiti.

Éxodo 9:28

Chhijchhimpi, qhixu qhixunakampix walpun purintxi, ukhamasti janiw juk'amp jark'xapxämati. Nanakatak Tatitut mayirapipxita, nayasti sarxapxañamatak antutxapxämawa —sasa.

Éxodo 9:33

Moisesasti faraonamp parlasin markat mistuwayäna, amparanakap aytasaw Tatitur mayïna. Ukatsti ukspachaw chhijchhix t'akurawayxäna, janiw jallus purxatkxänti, qhixu qhixunakas janirakiw utjkxänti.

Números 21:7

Ukat jaqinakax Moisesan ukar sarasin jupar sapxäna: —¡Tatitumpitaki jumampitak arusisax jucha lurapxta! ¡Jumay Tatitur mayim aka katarinak apanukuñapataki! —sasa. Moisesasti israelitanakar juchapat pampachañapatakiw Tatitur mayïna,

Hechos 8:24

Simonasti ukxarux sänwa: —Jumanakax Tatituruy mayirapipxita, kuntix sapkista ukanakan nayxar jan jutañapataki —sasa.

1 Samuel 12:19

Ukat Samuelurux taqiniw sapxäna: —Jumax Tatitu Diosamar achikt'am, aka luqtirinakamax jan jiwarapxañaxataki; nanakan taqi jucha luratanakaxarusti mä reyi mayitaxampiw yapt'apxta —sasa.