Éxodo 8:6 - Qullan Arunaca

⁶ Aaronajj amparapwa loktäna Egiptonquir umanacjjaru, ucatsti c'ayranacajja umanacat mistsunisajja Egipto marcpacharuw phokhantäna.

Aymar Bibliia 1986

⁶ Aaronajj amparapwa loktäna Egiptonquir umanacjjaru, ucatsti c'ayranacajja umanacat mistsunisajja Egipto marcpacharuw phokhantäna.

Qullan Arunaka DC

⁶ 6 (2) Aaronasti Egipto uraqin utjir umanakxaruw thujrup aytäna, ukatsti k'ayra jamp'atunakax uka umanakat mistsunisax Egipto markpacharuw phuqhantäna.

Éxodo 8:6 Jak'a apnaqawi uñst'ayäwi

2 Samuel 7:22

Uca laycu, nayan Tatitojja, ¡cunja jach'ätas jumajja! Janiraquiw qhitis jumjamajj utjquiti, ni yakha diosas utjcaraquiti jumat sipanjja, cunjämtejj nanacajj take cuna ist'apjjta uqhamarjamajja.

2 Crónicas 6:14

aqham sasaw art'asïna: “Israelan Tatit Diosapa, janiw jumjamajja alajjpachansa, ni acapachansa utjquiti, suma arust'äwiru phokheri, qhitinacatejj jumar take chuymapampi sirvipctam ucanacampejja.

Salmos 105:30

orakepajj c'ayranacamp phokhantatänwa, jamp'atojj reyin iquiñ utapamppachan aywtäna.

Salmos 78:45

Mich'isir chhichhillanqhanacamp jamp'atunacamp apayanïna, ucanacasti take cun mank'antapjjäna, tucjapjjaraquïna,

Salmos 86:8

Tatay, janiw qhiti diosas jumjamajj utjquiti, janiraquiw luratanacamjamajj utjquiti.

Salmos 90:2

Kollunac janïr utjquipana, acapachas janïr utjquipana, wiñayatpacha, wiñayataquiw jumajj Diosätajja.

Éxodo 10:2

Uqhamaraqui jumajja wawanacamaru, allchhinacamaru cuntejj nayajj Egipton lurcta, uqhamarac cuna jach'a muspharcañ unanchanactejj egipcionac taypin lurcta ucanaca yatiyañamataqui. Uqhamata jumanacajj yatipjjañamataqui nayajj Tatitütajja.

Éxodo 15:11

Dios Tata, ¡janiw qhiti diosas jumampejj chicachascaspati! ¡Janiw qhitisa, jumjama Santo, uqhamarac jach'ajj utjquiti! Jumasti cunayman muspharcañanaca, uqhamarac ajjsarcañanacwa lurtajja. ¡Uca laycusti asquïtawa yupaychatäñataquejja!

Éxodo 7:19

Ucat Tatitojj Moisesarojj parlascaquïnwa: —Aarón jilamaru aqham sam: ‘Amparamar thujruma ayjjarusina loktam take egiptonquir umanacjjaru, jawiranquiri, k'awanacanquiri, khothañanacanquiri, take tantat umanaca, uqhamarac lawata, kalata lurat tinajanacan uchat umanacajja wilaru tucuñapataqui’ —sasa.

Éxodo 9:14

Jichhacuchasti nayajj take mutuyäwejjwa apayanëjja jumaru, sirvirinacamaru, uqhamarac take jakenacamaru, uqhamatwa yatïta jani yakhajj nayjama aca oraken utjatapjja.

Éxodo 9:29

Moisesajj sänwa: —Nayasti aca marcat mistusinjja, amparajj loktasawa Tatiturojj mayëjja, ucatsti janiw utjcjjaniti khejjokhejjonacasa, ni chhijchhisa, ucatwa yatïta orakejj Tatituncatapa.

Isaías 43:10

Tatitusti siwa: “Jumanacäpjjtaw nayan khanañchirinacajjajja, nayan ajllit sirvirinacajja, nayaw jumanacar ajllisipjjsma nayar uñt'apjjañamataqui, alcatapjjañamataquiraqui, uqhamat amuyapjjañamataqui qhitïctejj nayajj uca. Nayat nayrajj janiw qhiti diosas utjcänti, acat kheparus janipuniw utjcaniti.

Levítico 11:12

Cawquïri animalanacatejj uman utjqui ucatsti janiraqui chhekhanïpquisa ni q'ili ch'aqhanacanïpquisa ucanacjja jan wali animalanacatwa uñt'apjjäta.

Deuteronomio 32:31

“Uñisirisasti sumwa yatipjje, jupanacan arjjatiripajj janiw jiwasan arjjatirisjamäquiti.

Deuteronomio 33:26

“Janiw cunas chicachasquiti Jesuruman Diosapampejja, qhititejj jach'a cancañampi kenay patjjan sarnakqui, jumaru yanapir jutañataqui.

Deuteronomio 4:35

Ucanacsti jumanacarojj uñacht'ayapjjsmawa jumanacan chekpach Diosätapa yatipjjañamataqui, uqhamaraqui jupat sipansa jan yakhajj utjatapa.

Apocalipsis 16:13

Ucatsti uñjaractwa dragonan lacapatsa, uca jach'a ajjsarcañ animalan lacapatsa, uqhamarac c'ari profetan lacapatsa, quimsa ñankha ajayunaca mistusinquiri, ucanacasti jamp'atur uñtataraquïnwa.