Éxodo 7:7 - Qullan Arunaca

⁷ Cunapachatejj rey faraonampi parlapcäna ucqhasti Moisesajj quimsakallk tunca maranïnwa, Aaronasti quimsakallk tunca quimsan maraniraqui.

Aymar Bibliia 1986

⁷ Cunapachatejj rey faraonampi parlapcäna ucqhasti Moisesajj quimsakallk tunca maranïnwa, Aaronasti quimsakallk tunca quimsan maraniraqui.

Qullan Arunaka DC

⁷ Faraón reyimp parlapkän ukkhasti Moisesax kimsaqallqu tunka maranïnwa, Aaronasti kimsaqallqu tunka kimsan maranirakïnwa.

Éxodo 7:7 Jak'a apnaqawi uñst'ayäwi

Génesis 41:46

Joseasti, cunapachatejj faraón reyin nayrakataparu irpapcän ucqhajj quimsa tunca maranïnwa. Joseasti faraonan ucat mistuwayjjasajja, take Egipto orakpachwa sarañ kalltäna.

Salmos 90:10

Yakhepanacajj pakallk tunc maraw jacapjje, ch'amaninacasti quimsakallk tunc maracamaw puripjje, ucatak jacañasti, jan walt'añanacamp, khathami sarnacañampic apani. ¡Urunacasti jakenacjamaw janc'ac tucusiraqui!

Éxodo 2:23

Jaya maranaca pasatatsti Egiptonquir reyejj jiwjjänwa. Ucampis israelitanacajja t'akhesisipcaquïnwa, ucatsti jupanacajja Diosansa ist'cayawa mayisipjjäna.

Éxodo 7:8

Tatitojj Moisesampir, Aaronampirojj parlascaquïnwa:

Números 33:39

Cunapachatejj Aarón sacerdotejj Hor sat kolluna jiwjjäna ucqhajj pataca pä tuncani quimsan maranïnwa.

Hechos 7:23

“Cunapachatejj niya pusi tunca maranëjjän ucqhajja, marca masinacaparuw uñjiri sarañ munäna.

Hechos 7:30

“Ucat pusi tunca mara pasatatsti, Sinaí sat kollu jac'a wasaranwa sarnakascäna. Ucansti mä angelaw juparojj uñsti, mä nina akasquir jisc'a kokana.

Deuteronomio 29:5

Nayasti pusi tunca maraw wasaranjama irpanipjjsma, take uca maranacansti janiraquiw isimasa ni zapatomasa merk'escänti.

Deuteronomio 31:2

“Nayasti patac pä tuncani maranëjjtwa, janiraquiw ch'amajjas utjcjjeti maysat maysaru sarnakañataqui uqhamarus Tatitu Diosajj situwa: ‘Janiw jumajj Jordán jawir qhurcataru maqhatcätati’ sasa.

Deuteronomio 34:7

Moisesasti pataca pä tuncani maranïnwa cunapachatï jiwjjäna ucapachajja. Jiwañapcamasti suma nayrani, suma c'umaraquïscaraquïnwa.

Josué 24:5

Ucatsti nayajj Moisesampiru, Aaronampiruw qhitta, Egipton jakenacaparojj cunayman azot'inacwa churaracta, cunapachatï jumanacar uca marcat irpsunipcsma ucqhajja.