Éxodo 7:23 - Qullan Arunaca

²³ Ucat faraonajj palacioparuw cutt'jjäna cunatejj pascäna ucar jan yäkasina.

Aymar Bibliia 1986

²³ Ucat faraonajj palacioparuw cutt'jjäna cunatejj pascäna ucar jan yäkasina.

Qullan Arunaka DC

²³ Faraonax ukar jan yäqasaw reyi utapar kutt'xäna.

Éxodo 7:23 Jak'a apnaqawi uñst'ayäwi

Job 7:17

¿Cunarac jakesti, jupat amtasiñamataquisti? ¿Cunataraqui jupatsa ucatake llaquistasti?

Salmos 62:10

Ch'ajjwañanacarojj jan wayusipjjamti; janirac lunthatasiñar chuym catuyasipjjamti; kamiris tucusipcätajja, kollker jan alcatapjjamti.

Éxodo 7:22

Ucampis Egiptonquir yatiri jakenacajja uca quipcaraquiw lurapjjaraquïna, ucatsti faraonajj chuymapa colerañampi kalarayasisajj janiw ist'añ muncänti cuntejj Tatitojj siscäna ucjja.

Éxodo 7:24

Take egipcionacajja jawir thiyaruw phuch'unaca allinokapjjäna ucat k'oma uma apsuñataqui, jawiranquir umajja janiw umt'añjamäcänti uca laycu.

Éxodo 9:20

Faraonan yakhep sirvirinacapajja Tatitun arunacapar iyawsas ajjsarasinjja, uywanacapjja utaruw apantasjjapjjäna, uqhamarac uywata sirvirinacaparusa janiw utat mistuyapcänti.

Éxodo 9:21

Ucampis Tatitun arunacaparu jan iyawsirinacasti uywat sirvirinacapsa, uqhamarac uywanacapsa pamparuw jaytanucupjjäna.

Proverbios 22:17

Take chuymamp ist'am yatiñan jakenacan säwi arunacapa, amuyt'araquim cuntï yatichcsma ucanaca.

Proverbios 24:32

Uqham uñjasinsti chuymajjanjja amthapistwa; uc uñjasinsti aca yatichäwi yatekta:

Proverbios 28:14

Cusisiñaniwa Tatiturupuni ajjsartiri jakejja, ucampis chuyma kalarayasiri jakejj jan walt'añaruwa purini.

Proverbios 29:1

Qhititejj chekachatajj jan ist'asiñ munqui ucajja, mäquiwa tucjatäni jan mayampitaqui.

Isaías 26:11

Tatay, jupanacataquejj mutuyäwimajj waquichatawa, ucampis jupanacajj janiw amuyasiñ munapquiti; cunapachatejj juman marcamar wali munasitam uñjapjjan ucqhajj, mä p'enkaw jupanacajj uñjasipjjani. ¡Añchaquiti juman colerasiñamajj jupanacaru tucjcani!

Isaías 47:7

Saractawa: ‘Wiñayataquiw nayajj reinäyäjja’ sasa; janiw take ucanacjjarojj amuyt'asctati, janiraquiw lup'caractati cunjämarus tucuyapjjani ucjja.

Jeremías 36:24

Janiraquiw reyisa, ni uca jach'a jilïrinacasa, uca arunaca ist'asinjja ajjsartapcänti, janiraquiw llaquisitanacapsa uñacht'ayapcänti.

Jeremías 5:3

Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.

Ezequiel 40:4

Uca jakesti saraquituwa: “Jichhajj wal wali uñtam, suma ist'araquim; cunanactejj uñacht'aycäm ucanacsti suma amuyaraquim, Diosaw jumarojj acar irpantam nayan jumaru take acanaca uñacht'ayañajjataqui, ucatsti janc'aqui Israel marcaru yatiyaraquim cunanactejj uñjcta ucanacjja” sasa.

Habacuc 1:5

“Uñtapjjam cawquïr marcanacatejj jumanacaru muyuntapctam ucanacaru; wali sustjasiñampi uñch'uquiyapjjaraquim. Niyaw nayajj take acanacjja luräjja, maynitejj jumanacar take acanaca yatiyapjjeristam ucqhasa janiw amuyapcasmati.

Malaquías 2:2

Jumanacasti nayarojj jaysañanacamawa, sutejjsa take chuymampiwa jach'añchapjjañama. Janitejj uqham lurapcäta ucqhajj nayasti ñankhachapjjämawa. Cunjämatï jan take chuymampi jach'añchapquistajja, uqhamaraquiw nayajj ñankhachanï cuntï sacerdotëpjjatamat catokapcta ucanacsa.” Uqham siwa take ch'aman Diosajja.

Deuteronomio 32:46

ucapachajj aca arunacwa Israel marcaru säna: “Sum amuyt'asipjjam take cuntï jichhüruna sapcsma ucanacata, ucatsti wawanacamarus sapjjam take aca arunacan yatichäwinacaparjam sarnakapjjañapataqui.

1 Samuel 4:20

Parteranacasti jupar jiwañampïsquiri uñjasasti, sapjjaraquïnwa: “Jan ajjsaramti, mä yokall wawa wawachastajja” sasa. Ucampisa jupajj janiw arscänti, jan aruniquëjjänwa.