Éxodo 33:3 - Qullan Arunaca

³ Sarapjjam cawqhantejj leches, misq'isa umjama jalasqui uca orakeru. Ucampis nayajj janiw jumanacampi sarcäti, janiw nayajj muncti thaquina jumanacaru tucjaña, jumanacasti naya contra tucuri jakenacäpjjtawa uca laycu —sasa.

Aymar Bibliia 1986

³ Sarapjjam cawqhantejj leches, misq'isa umjama jalasqui uca orakeru. Ucampis nayajj janiw jumanacampi sarcäti, janiw nayajj muncti thaquina jumanacaru tucjaña, jumanacasti naya contra tucuri jakenacäpjjtawa uca laycu —sasa.

Qullan Arunaka DC

³ Sarapxam kawkhantix lechesa, misk'isa umjam jalaski uka uraqiru. Ukampis janiw nayax jumanakamp chik sarkäti, thakhin jumanakar jan tukjaskañaxataki, jumanakax jan ist'asir jaqinakäpxtawa —sasa.

Éxodo 33:3 Jak'a apnaqawi uñst'ayäwi

2 Reyes 17:14

Ucampis jupanacajj janiw ist'añ munapcänti, jan ucasti kala chuymaniw tucupjjäna nayra awquinacapjama, jupanacasti janiw Tatit Diosapar iyawsapcänti.

Salmos 78:8

nayra pachan jaquir awquinacapjam jan sarnakapjjañapataqui, kallasir t'ajjmar jan jakëpjjañapataqui, pächasir chuyman jan jakëpjjañapataqui, Diosat saraktir jan jakëpjjañapataquiraqui.

Éxodo 13:5

Cunapachatejj Tatitojj puriyapcätam cananeonacana, hititanacana, amorreonacana, heveonacana, jebuseonacan orakenacaparu; cawquïr oraktejj awquinacamaru churañataqui arscäna, cawqhantejj leches misq'is umjam jalasqui uca orakeru purisajja aca phajjsina fiesta lurañjja amtasipjjapunïtawa.

Éxodo 23:21

Jupatsti, jumajj janiw sarakätati, juparuraqui jaysam, jan jupataquejj sayt'asimti, jupasti nayan sutejjaruwa take cunsa luri, uca laycusti jumanacarojj juchanacamatjja janiw perdonapcätamti.

Éxodo 3:17

Ucatsti nayajj amttwa Egipto marcan t'akhesiñata khespiyasa, cananeonacana, hititanacana, amorreonacana, ferezeonacana, heveonacana, jebuseonacana, orakenacaparu apjjaña cawqhantejj lechesa, misq'isa umjama jalasqui uca orakeru’ sasa.

Éxodo 3:8

Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Éxodo 32:14

Ucampis Tatitojj jakenacar cun lurañataquitejj amtas arscäna ucjja janiw lurcjjänti armasjjänwa.

Éxodo 33:5

Tatitusti Moisesarojj sataynawa: —Aqham yatiyam israelitanacarojja: ‘Jumanacajj naya contra tucuri jakenacäpjjtawa. ¡Nayatejj jumanacampi sarirista ucajja, mäquiw tucjapjjerismajja! Jichhasti jumanacajj suma yänacamjja apakasipjjamaya, ucatsti nayaw yatï jumanacampi cunjämaru lurañsa’ —sasa.

Éxodo 34:9

—¡Dios Tata! Nayasti juman qhuyapt'ayasiñamjja jicjjatwa, jichhasti nanacampi chicay saram. Chekpachansa aca jakenacajja juma contra tucurinacäpjjewa, ucampis perdonapjjetay nanacan jan walinac luratanacajjata, uqhamarac juchanacajjatsa, jumatacjama tuct'ayasay catokt'asjjapjjeta —sasa.

Isaías 48:4

Cunjämtejj nayajj juman jan ist'asirïtam yatiyätjja, mä fierror uñtata wali ch'ollkhëtawa, broncer uñtata jan c'umt'cayaraquïtawa,

Jeremías 11:5

Jumanacatejj nayaru ist'apjjetätajja, nayajj cuntejj nayra awquinacamar juramentompi arscta ucjja phokhäwa, mä orake churapjjäma sasa, uca orakesti cawqhancapctatejj jichhajj uca orakewa, cawqhantejj leches misq'is umjam jalasqui uca.” Nayasti saraquïyätwa: “Jïsa Tata” sasa.

Ezequiel 20:6

Uca urusti nayajj jupanacarojj arsuraquïyätwa, uca Egipto oraket apsjjañataqui, cawquïri marctejj nayajj jupanacataqui thakcäyät ucaru irpsjjañataqui, cawqui marcantejj leches misq'is umjam jalasqui ucaru. ¡Take marcanacat sipansa juc'ampi suma marcäquejj ucaru!

Levítico 20:24

Nayasti sapjjsmawa, jumanacaw uca jakenacan orakenacapatjja dueñöpjjäta, naya quipcaraquiwa jumanacarojj uca oraker catuyapjjäma cawqhantejj lechesa, misq'isa umjam jalasqui uca orakena. “Nayätwa jumanacan Tatitu Diosamajja, jumanacarusti nayaw yakha marcanacat sipansa yakhachapjjsma.

Jonás 3:10

Diosasti uñjänwa Nínive marcanquir jakenacarojj uqham lurasquiri, jan wali sarnakäwinacapsa apanucusquiri, uqham uñjasinwa Diosajj jupanacat qhuyapt'ayasjjäna, janiraquiw cuna castigotejj jutañapäcana ucsa apayancjjänti.

Números 13:27

Moisesarusti sapjjänwa: —Sarapjjtwa cawquïri orakerutejj qhitapquista ucaru. Chekpachansa uca oraketjja lechempi misq'impejj umjamaw jalasqui, aca achunacaw ucanjja achuraqui,

Números 14:12

Jupanacarojj jiwarayiri usu apayanï jan uca orake catuntapjjañanacapataqui; ucampis jumarojj taket sipansa mä jach'a marca tucuyäma, jupanacatsa juc'ampi ch'amani —sasa.

Números 14:8

Tatitojj qhuyapayasistani ucqhajj yanapt'istaniw uca oraker mantañasataquejja, uqhamarus churaraquistaniwa. Uca orakensti, leches, misq'is umjamaw jalasqui.

Números 16:13

¿Amuyatamatsti juc'aquiti irpsunitamasti, cawqha orakentejj lechesa, misq'isa umjam jalasqui ucatjja, wasaran nanacaru jiwarayañataqui, ucampisa jumajj jach'a jilïrinacajjäñ munatamasti?

Números 16:21

—¡Jithektapjjam aca marcata, nayaw anchhita jupanacar t'unjä! —sasa.

Números 16:45

—Jithektapjjam take uca jakenacata, nayaw anchhita jupanacar t'unjä —sasa. Moisesampi, Aaronampejj oraker p'ekenacap puriyañcamaw alt'apjjäna,

Hechos 7:51

“Estebanajj sascaquïnwa: Jumanacajj sinti kala chuyman jakenacäpjjapuntawa. Jinchunacamasa Diosar jan uñt'ir jakenacanjamawa. Jumanacajj Kollan Ajayu conträpjjaractawa, cunjamäcäntejj awquinacamajj uqhamaraquïpjjtawa.

Deuteronomio 4:24

¡Jumanacan Tatitu Diosamasti, tumpasir Diosawa, take cuns naqhantir ninjamawa!

Josué 5:6

Cunjämatï israelit jakenacajj pusi tunca maranaca wasaran sarnakapjjänjja ucatsti cawquïri jakenacatï nuwasiñataqui ajllitäpcän uca jakenacajj, Egipto marcat mistunisajj takeniw thaquin jiwarjjapjjäna. Uca jakenacasti janiw Diosarojj ajjsartapcänti, ucatwa Diosajj jupanacarojj jan uñjaycänti cawquïri oraktï churapjjämaw siscatayna uca orakjja, uqhamaraqui cawquïri orakentï leches misq'is umjam jalcän uca orake.

1 Samuel 2:30

Uca laycu Israelan Tatitu Diosapajj sänwa jumampi takpacha familiamampi juparu sirvipjjañama wiñayataqui, ucampis jichhajj aqham saraquiwa: ‘Janipuniw jichhajj uqhamjja lurcäti, jan ucasti qhitinacatejj nayaru yäkapjjetani ucanacarusti suma yäkaraquëjja, qhitinacatejj nayaru jisc'achapquitu ucanacarusti mä p'enka uñjaraquëjja. Naya Tatituw ucjja arsta.’