Éxodo 33:3 - Qullan Arunaka DC

³ Sarapxam kawkhantix lechesa, misk'isa umjam jalaski uka uraqiru. Ukampis janiw nayax jumanakamp chik sarkäti, thakhin jumanakar jan tukjaskañaxataki, jumanakax jan ist'asir jaqinakäpxtawa —sasa.

Aymar Bibliia 1986

³ Sarapjjam cawqhantejj leches, misq'isa umjama jalasqui uca orakeru. Ucampis nayajj janiw jumanacampi sarcäti, janiw nayajj muncti thaquina jumanacaru tucjaña, jumanacasti naya contra tucuri jakenacäpjjtawa uca laycu —sasa.

Qullan Arunaca

³ Sarapjjam cawqhantejj leches, misq'isa umjama jalasqui uca orakeru. Ucampis nayajj janiw jumanacampi sarcäti, janiw nayajj muncti thaquina jumanacaru tucjaña, jumanacasti naya contra tucuri jakenacäpjjtawa uca laycu —sasa.

Éxodo 33:3 Jak'a apnaqawi uñst'ayäwi

2 Reyes 17:14

Ukampis jupanakax janiw ist'añ munapkänti, jan ukasti nayra awkinakapjamarakiw Tatit Diosapar jan iyawsas chuymanakap qalarayasipxäna;

Salmos 78:8

nayra pachan jakir awkinakapjam jan sarnaqapxañapataki, qallasir t'axmar jaqir jan tukupxañapataki, pächasir chuyman jaqir jan tukupxañapataki, Diosat saraqtir jaqir jan tukupxañapataki.

Éxodo 13:5

aka pachpa phaxsinarak amtasin uruyapxäta, kunapachatix Tatitux leches misk'is umjam jalaski uka uraqir puriyapkätam ukapacha, cananeonakana, hititanakana, amorreonakana, heveonakana, jebuseonakan uraqinakaparu; kawkïr uraqtix jumanakar churañatak nayra awkinakamar arsuwaykatayna uka uraqiru.

Éxodo 23:21

Janiw jupat saraqätati, juparuw jaysäta, janiw jupatak sayt'asïtati, janiw jumanakan juchanakam pampachkaniti, jupax nayan sutixaruw taqi kuns luri.

Éxodo 3:17

Ukat nayax Egipto markan t'aqhisiñat jumanakar qhispiyañ amtta, ukatsti cananeonakana, hititanakana, amorreonakana, ferezeonakana, heveonakana, jebuseonakan uraqipar irpxaña, lechesa, misk'isa umjam jalaski uka uraqiru’ ” sasa.

Éxodo 3:8

Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.

Éxodo 32:14

Tatitusti markapar t'unjañ amtkatayna ukxa armasxänwa.

Éxodo 33:5

Tatitusti Moisesaruw satayna: —Israelitanakar akham yatiyam: “Jumanakax sinti jan ist'asir jaqinakäpxtawa. ¡Nayatix mä juk'a pachakis jumanak taypinkiristxa, mäkiw tukjapxirisma! Ukhamasti suma quri yänakam apaqasipxam, ukat nayax jumanakamp kun lurañsa yatï” —sasa.

Éxodo 34:9

—¡Tatay! ¡Tatay! Chiqpachapun khuyapayasiñam jikxatsta ukax, nanakamp chikay saram. Chiqpachansa aka jaqinakax jan ist'asirïpxiwa, ukampis nanakan juchanakaxata, jan wali luratanakaxatsa pampachapxitaya, jumatakjam tukt'ayasay katuqt'asxapxita —sasa.

Isaías 48:4

Kunjämtix nayax juman jan ist'asirïtam yatkäyätxa, mä fierror uñtat wali ch'ullqhïtawa, broncer uñtata jan k'umt'kayätawa,

Jeremías 11:5

Jumanakatix nayar ist'apxitätaxa, nayax kuntix nayra awkinakamar juramentompi arskta uk phuqhapunïwa, mä suma uraqi churapxäma, kawkhantix walja suma manq'añanakax utjki uka uraqi. Uka uraqisti kawkhankapktatix jichhax uka uraqiwa.” Nayasti saraktwa: “Ukhamapunïpanay Tata” sasa.

Ezequiel 20:6

Uka urusti nayax Egipto uraqit jupanakar irpsxañatakiw arsurakta, jupanakatak thaqkäyät uka markar irpsxañataki, leches misk'is umjam jalaski uka markaru. ¡Taqi markanakat sipan juk'ampi suma markäki ukaru!

Levítico 20:24

Nayasti sapxsmawa, kawkïr uraqtix nayax churapkäma uka jaqinakan uraqinakapax jumanakankxaniwa. Uka uraqisti wali suma uraqipuniwa, manq'añanakamas jan tukuskayapunïniwa. “Nayätwa jumanakan Tatit Diosamaxa, jumanakarusti nayaw yaqha markanakat sipan mä suma marka yaqhachapxsma.

Jonás 3:10

Ukatsti Tatitux Nínive markankir jaqinakarux jan wali sarnaqäwinakap apanukur uñjäna, ukat jupanakat khuyapt'ayasïna, janirakiw kuna mutuñatix jutañapäkän uksa apayankxänti.

Números 13:27

Moisesarusti sapxänwa: —Khithapkista uka uraqiruw nanakax sarapxta. Chiqpachapuniw uka uraqin lechesa, misk'isa umjam jalsuski, uñjam, aka achunakaw uka uraqin achuraki.

Números 14:12

Nayaw jupanakar jiwarayir usu apayanï, uka uraq jan katupxañapataki; ukampis jumarux taqit sipan mä jach'a markaruw tukuyäma, jupanakat sipan juk'amp ch'amani —sasa.

Números 14:8

Tatitutix khuyapayasistanixa, uka uraqir mantañ yanapt'istaniwa, jiwasanakaruw churarakistani. Uka uraqin leches, misk'is umjamaw jalsuski.

Números 16:13

¿Amuyatamatsti juk'akiti kawkha uraqintix lechesa, misk'is umjam jalaski uka uraqit nanakar irpsunitamasti, ukat wasaran nanakar jiwarayiri, ukhamarus munañamar nanakar apnaqañ munatamasti?

Números 16:21

—¡Aka jaqinakat jithiqtapxam, nayaw taqpachanir tukjä! —sasa.

Números 16:45

45 (10) —Uka jaqinakat jithiqtapxam, jichhpachaw jupanakar t'unjä —sasa. Moisesampi, Aaronampisti p'iqinakap uraqir puriyañkamaw alt'asipxäna,

Hechos 7:51

Estebanasti parlañ janïr tukuykasax, saskakïnwa: “Jumanakax qala chuymani, jan ist'asir jaqinakäpxapuntawa. Jumanakax Qullan Ajayutakix sayt'asipxapuntawa. Kunjamäkäntix nayra awkinakamax ukhamäpxaraktawa.

Deuteronomio 4:24

¡Jumanakan Tatit Diosamasti tumpasir Diosawa, taqi kuns nakhantir ninjamawa!

Josué 5:6

Israelitanakax pusi tunka mara wasaran sarnaqañkamax Egipto markat mistunkän uka nuwasir chachanakax taqiniw jiwarxapxatayna. Uka chachanakax janiw Tatiturux jaysapkänti, ukat Tatitux jupanakar kawkïr uraqtix nayra awkinakapar churapxämaw siskatayna uka uraqi jan uñjaykänti, lechesa misk'isa umjama jalaski uka uraqi.

1 Samuel 2:30

Uka layku, Israelan Tatitu Diosapax sänwa, jumampi utamankirinakamampix wiñayataki jupar luqtapxañama, ukampis jichhax akham sarakiwa: “Janipuniw ukhamäkaniti, jan ukasti, khitinakatix nayar yäqapkitani ukanakarux yäqäwa, nayar jisk'achapkitani ukanakarusti mä p'inqa uñjarakï. Naya, Tatituw uk arsta.