Éxodo 33:4 - Qullan Arunaka DC

⁴ Markankirinakasti uka qhuru arunak ist'asax wal llakthapisipxäna, janiw khitis suma quri yänakap uchaskänti,

Aymar Bibliia 1986

⁴ Jakenacasti uca jan wali yatiyäwi arunac ist'asinjja wali llacthapisipjjäna, janiraquiw qhitisa suma yänacapa uchasiñ munapcänti.

Qullan Arunaca

⁴ Jakenacasti uca jan wali yatiyäwi arunac ist'asinjja wali llacthapisipjjäna, janiraquiw qhitisa suma yänacapa uchasiñ munapcänti.

Éxodo 33:4 Jak'a apnaqawi uñst'ayäwi

2 Samuel 19:24

24 (25) Saúl reyin Mefi-bóset sat allchhipas reyir katuqirix mistunirakïnwa. Jupasti kunürutix Davidax Jerusalenat mistkatayna ukürutpacha, kuttankän ukürkamax, janiw kayunakap jariqaskataynati, sunkhanakapsa mururaskataynati, isinakapsa t'axsuskataynati.

1 Reyes 21:27

Ahab reyisti Eliasan taqi uka arunakap ist'asinxa, isip ch'iyanuqasïna, ukatsti chhankha isinak uchasisin ayuno luräna. Uka isimpiw ikïna, wali llakitaw sarnaqarakïna.

2 Reyes 19:1

Ezequías reyix ukanak ist'asinxa, llakisiñat isinakap ch'iyanuqasïna, chhankha isimpi uchasisinsti Tatitun utaparuw saräna.

Esdras 9:3

Uka arunak ist'asinsti, chuyma ust'ataw isix ch'iyanuqasta, ñik'utaxsa, sunkhaxsa mitharasirakta, wali llakt'at jikxatasisaw uraqir qunt'asta.

Job 1:20

Job chachasti uk ist'asin, sayt'asïna, ukat wali llakt'ataw isinakap ch'iyanuqasïna, ñik'utapsa mururasïnwa, ukatsti uraqir puriñkamaw Diosar yupachañatak alt'asïna.

Job 2:12

Job chachan ukar purisinsti, jan uñt'kaya jupar jikxatapxäna; ukham jan wali uñjasinsti jach'at jachañ qalltapxarakïna, isinakapsa llakisiñan phuqt'ataw ch'iyanuqasipxäna, p'iqinakaparus laq'ampiw willxatasipxäna.

Éxodo 33:6

Ukat, israelitanakax Horeb qullun jikxatasipkän ukkhatpach suma quri yänakap jan uchaskxapxänti.

Isaías 32:11

Jumanaka, jan yäqasir warminaka, jan kunat llakt'asir warminaka, jichhax khathatiñ qalltapxam. Uka isinakam apsusipxam, chhankha isinakamp isthapisipxam, ukhamat t'aqhisipxatanakam uñacht'ayapxäta.

Ezequiel 24:17

Amukiw t'aqhisïta, janirakiw llaki isimpis isthapisïtati kunjämatix jiwirinakat isthapisipki ukhama. Jan q'ara p'iqis sarnaqamti, janirak q'ara kayus saramti; ajanumsa jan imt'asimti mä kunatsa t'aqhiskasma ukhama, janiraki uka pachanakan manq'añ t'ant'a manq'amti.”

Ezequiel 24:23

Janiw q'ara p'iqisa, q'ara kayusa sarnaqapkätati. Janiw jachapkätati, janirakiw t'aqhisipkätasa. Ñanqha juchanak lurapxatam laykusti jan ch'amaniw uñjasipxäta, ukatsti jumanakkamaw jachapxarakïta.

Ezequiel 26:16

Quta tuqinkir reyinakasti qunuñanakapat saraqanipxani, uka suma isinakapsa apsusipxaniwa; khathatt'asisaw uraqir qunt'asipxani; jumar uñjasasti, sapa kutiw wali mayjt'at khathatipxani.

Oseas 7:14

Ikiñanakapansa usuchjataw jachasipki, janchinakapsa mä amtañampiw chhuxrinuqasipxi, ukampis janiw taqi chuyma nayar mayisipkituti; suma achunak katuqañatakikiw ukham lurasipxi, ¡ukampis nayar saykatasipkakituwa!

Levítico 10:6

Ukat Moisesax Aaronampiru, Eleazar, Itamar uka yuqanakapampiruw sarakïna: —Jichhax jan ñik'utanakamsa jararasipxamti, janirak llakisiñatsa isinakam ch'iyanuqasipxamti, ukatarak jumanakamppach jiwarasipkasma, Tatitus aka markxar phiñasiñap wartasinkaspa. Wila masinakapax jachasipkpan, ukhamarak israelita jaqinakasa, Tatitux uka jaqinakar ukham nakhantayatapata.

Jonás 3:6

Nínive markan reyipax uka yatiyäwinak ist'käna ukapachasti, qunuñapat sartasin suma isinakap apsusisax chhankha isinakampiw isthapisïna, ukatsti qhillxaruw qunt'asirakïna.

Zacarías 7:3

taqi ch'amani Tatitun utapankir profetanakampiru, sacerdotenakampir akham jiskt'añapatakiraki: “¿Nanakax sapa mara phisqa phaxsi saraqataru, jachañampi ayuno lurañampi phuqhasipkakïti, kunjämatix jichhakam lurasipkta ukhamxa?” sasa.

Zacarías 7:5

“Taqi markpacharu, sacerdotenakampir akham sarakim: ‘Jumanakax phisqïri, paqallqüri phaxsi saraqataruw ayuno lurañsa, jachañsa phuqhapxtaxa, ukat jichhakamax paqallqu tunka maräxiwa. Ukampis janiw nayar jach'añchañatak lurapktati,

Números 14:1

Ukatsti israelitanakax warariñ qalltapxäna, uka arumasti jacht'asisaw qhantatipxarakïna.

Números 14:39

Moisesax kuntix Tatitux israelitanakar siskatayna taqi ukanak yatiykän ukapachasti, taqpachaniw walpun llakt'asipxäna.

1 Samuel 6:19

Tatitusti Bet-semes chiqan utjasir paqallq tunka chachanakaruw jiwarayäna, Tatitun arcap uñantapxatap layku. Uka markankirinakasti ukham uñjasax walpun jachapxäna.