Éxodo 32:13 - Qullan Arunaca

¹³ Amtasimaya Abraham, Isaac, Israel uca sirvirinacamata. Jupanacarusti juma pachpaw juramento lurasina sistajja: ‘Nayajj jumanacan wawanacaman wawanacaparusti alajjpach warawaranacjama waljwa tucuyäjja, ucatsti cawquïr oraktejj jumanacar churañataqui arsupcsma ucjja churäwa wiñayatac mä herenciat catusipjjañapataqui’ —sasa.

Aymar Bibliia 1986

¹³ Amtasimaya Abraham, Isaac, Israel uca sirvirinacamata. Jupanacarusti juma pachpaw juramento lurasina sistajja: “Nayajj jumanacan wawanacaman wawanacaparusti alajjpach warawaranacjama waljwa tucuyäjja, ucatsti cawquïr oraktejj jumanacar churañataqui arsupcsma ucjja churäwa wiñayatac mä herenciat catusipjjañapataqui” —sasa.

Qullan Arunaka DC

¹³ Amtasimay Abrahamaru, Isaacaru, Israelaru juramento luratamata. Juma pachpaw juramento lurasin sistaxa: “Nayax jumanakan wawanakaman wawanakaparux alaxpach warawaranakjam walja tukuyä, ukatsti kawkïr uraqtix jumanakar churañ arsupksma ukxa wiñayatak mä tuti katuqasipxañapatakiw churä” —sasa.

Éxodo 32:13 Jak'a apnaqawi uñst'ayäwi

Génesis 12:2

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Génesis 12:7

Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Génesis 15:18

Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

Génesis 15:5

Ucatsti Tatitojj Abramarojj ankaruw irpsu, saraquiwa: —Alajjpach sum uñtam, ucatsti take warawaranac jact'am jact'añjamächi ucqhajja. Jïsa, uqhamäniw juman wawanacamajja —sasa.

Génesis 15:7

saraquïnwa: —Nayätwa Tatitojja; nayaw Ur sata Caldea oraket irpsunsma, aca orake jumar herenciat churañataqui —sasa.

Génesis 17:8

Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.

Génesis 22:16

aqham sasa: —Tatitojj aqham siwa: ‘Jichhajj aqham luratamata, mä sapa wawama sacrificiot loktaniñsa janiraqui ‘Janiw’ satamatjja, naya quipcaw juramentompi arsta,

Génesis 22:17

jumar wali bendiciñataqui. Wawanacamarusti waljanirupuniw tucuyäjja alajjpacha warawaranacjama, kota thiyanquir ch'allanacar uñtata. Uqhamarus jupanacajj uñisirinacaparojj atipjapjjapuniniwa,

Génesis 24:7

Alajjpachanquir Dios Tatituwa, cawquïritejj nayar awquejjan utapata, uqhamarac familianacajjan ucat irpsunquitu, ucatsti aca orake nayaru, uqhamaraqui wawanacajjampiru churañatac arsquitu, ucaw juma nayräjjar angelap qhitanini, ucat mä warmi wawajjatac irpaniñamataqui.

Génesis 48:16

cawquïri angelatejj take ñankhanacat imquitu, ucanacay aca wawanacarojj bendizpan. Jupanac tokeraqui sutejjas amtataraquïpan, uqhamarac Abraham, Isaac awquinacajjan sutipasa. Walja wawanacanïpjjam, aca orakensti waljaniraqui tucupjjam” sasa.

Éxodo 13:11

“Cunapachatejj Tatitojj cananeonacan orakepar puriyasina uca orake jumar churcätam cunjämtejj awquinacamar arscäna uqhamarjama ucqhasti,

Éxodo 13:5

Cunapachatejj Tatitojj puriyapcätam cananeonacana, hititanacana, amorreonacana, heveonacana, jebuseonacan orakenacaparu; cawquïr oraktejj awquinacamaru churañataqui arscäna, cawqhantejj leches misq'is umjam jalasqui uca orakeru purisajja aca phajjsina fiesta lurañjja amtasipjjapunïtawa.

Éxodo 33:1

Tatitusti Moisesarojj sänwa: —Sarjjapjjam acqhata juma, uqhamarac Egiptot irpsuncta uca jakenacampi, cawqha oraktejj wawanacamaruw churäjja sas Abrahamaru, Isaacaru, Jacoboru arscta uca orakeru.

Levítico 26:42

Ucapachaw nayajj amtasiraquï cuna arust'äwtejj Jacobompi, Isaacampi, uqhamarac Abrahamampi lurcäyätjja ucanacata, uqhamaraquiw oraketsa amtasiraquï,

Deuteronomio 1:10

‘Jumanacan Tatitu Diosamasti walja wawanacwa churapjjtam, jichhasti jumanacajj wali jach'a marcäpjjtawa, alajjpach warawaranacjam jan jact'cayaraqui.

Deuteronomio 7:8

Tatitu Diosasti Egipto marcatwa irpsunipjjtam, cawqhantï esclavot sarnakasipcäyäta, ucatsti jach'a ch'amapampiw khespiyanipjjtam faraón reyin apnakäwipata, jumanacaru take chuymapampi munasaraqui, cuntï awquinacamaru arupampi arsuwaycän ucanac phokhasa.

Deuteronomio 9:27

Amtasimay Abraham, Isaac, Jacob wawanacamata. Janiraqui aca marcan jan yatiñanïtapsa amtasimti ni jan wali jakenacätapsa ni juchanacapsa.

Hebreos 6:13

Cunapachatï Diosajj Abrahamaru: “Churämaw” siscäna ucapachajja, jupa pachpatwa juramento luräna, janiraquiw qhitis juc'amp jilïrejj utjcänti uca laycu.