Éxodo 32:13 - Qullan Arunaka DC

¹³ Amtasimay Abrahamaru, Isaacaru, Israelaru juramento luratamata. Juma pachpaw juramento lurasin sistaxa: “Nayax jumanakan wawanakaman wawanakaparux alaxpach warawaranakjam walja tukuyä, ukatsti kawkïr uraqtix jumanakar churañ arsupksma ukxa wiñayatak mä tuti katuqasipxañapatakiw churä” —sasa.

Aymar Bibliia 1986

¹³ Amtasimaya Abraham, Isaac, Israel uca sirvirinacamata. Jupanacarusti juma pachpaw juramento lurasina sistajja: “Nayajj jumanacan wawanacaman wawanacaparusti alajjpach warawaranacjama waljwa tucuyäjja, ucatsti cawquïr oraktejj jumanacar churañataqui arsupcsma ucjja churäwa wiñayatac mä herenciat catusipjjañapataqui” —sasa.

Qullan Arunaca

¹³ Amtasimaya Abraham, Isaac, Israel uca sirvirinacamata. Jupanacarusti juma pachpaw juramento lurasina sistajja: ‘Nayajj jumanacan wawanacaman wawanacaparusti alajjpach warawaranacjama waljwa tucuyäjja, ucatsti cawquïr oraktejj jumanacar churañataqui arsupcsma ucjja churäwa wiñayatac mä herenciat catusipjjañapataqui’ —sasa.

Éxodo 32:13 Jak'a apnaqawi uñst'ayäwi

Génesis 12:2

Wawanakamampisti mä jach'a marka tukuyäma, aski waxt'äwinakampiw phuqt'äma, sutimsa jach'aruw aptarakï, mayninakatakisti askirakïniwa.

Génesis 12:7

Ukawjan Tatit Diosax Abramar uñstäna, ukatsti sarakïnwa: “Jumat saraqir wawanakamaruw aka uraq churä” sasa. Ukatsti Abram chachax mä altar uka chiqan wakichäna, Tatitur jach'añchasa, jupar uñstatap layku.

Génesis 15:18

Uka pachpa uruw Tatitux Abram chachampix mä amtäwir mantäna, sarakïnwa: —Wawanakamaruw aka uraq churä, Egipto jawirata, Éufrates sata jach'a jawirkama.

Génesis 15:5

Ukatsti Tatitux Abram chacharux anqaruw irpsu, ukat saraki: —Alaxpach sum uñtam, ukatsti jakt'añjamächi ukkhaxa, taqi warawaranak jakt'am. Jïsa, ukhamäniw juman wawanakamaxa —sasa.

Génesis 15:7

sarakïnwa: —Nayätwa Tatituxa; nayaw Ur sata Caldea uraqit irpsunsma, aka uraqi jumar tutit churañataki —sasa.

Génesis 17:8

Canaán uraqisti, kawkhantix jichhax jakkta uka uraqix jumampiru, wawanakamampir wiñayatak churatäniwa, nayasti jupanakan Diosaparakïyäwa —sasa.

Génesis 22:16

ukatsti sarakïnwa: —Tatitux akham siwa: “Jichhax ukham luratamata, mä sapa wawam nayar luqtañsa, jan ‘Janiw’ satamatxa, naya kipkaw juramentomp arsta,

Génesis 22:17

jumar aski waxt'äwinak churañataki. Wawanakamarusti alaxpacha warawaranakjam waljanirupuniw tukuyä, quta thiyan utjir ch'allar uñtata. Ukhamarus jupanakax uñisirinakaparux atipjapxapuniniwa,

Génesis 24:7

Alaxpachankir Dios Tatituwa, khititix nayan awkixan utapatsa, wila masinakaxan uraqipatsa irpsunkitu, ukatsti aka uraqi nayampiru, wawanakaxampiru churañatak arskitu, jupaw angelap juma nayräxar khithanirakini, yuqaxatak mä warmi uka uraqit irpaniñamataki.

Génesis 48:16

Jupaw angelapar khithanirakitu walja ñanqhanakat nayar imiri. Jupay aka pä wawarux aski waxt'äwinak churpan. Sutixasti jupanak tuqi amtatäpan, Abraham achachilaxan sutipasa, Isaac awkixan sutipasa. Jupanakasti walja wawanakanïpxpan, aka uraqinsti waljanirurak tukupxpan” sasa.

Éxodo 13:11

“Kunapachatix Tatitux awkinakamar arskatayna ukhamarjam Canaán uraqi jumanakar katuyapkätam ukkhaxa,

Éxodo 13:5

aka pachpa phaxsinarak amtasin uruyapxäta, kunapachatix Tatitux leches misk'is umjam jalaski uka uraqir puriyapkätam ukapacha, cananeonakana, hititanakana, amorreonakana, heveonakana, jebuseonakan uraqinakaparu; kawkïr uraqtix jumanakar churañatak nayra awkinakamar arsuwaykatayna uka uraqiru.

Éxodo 33:1

Tatitux Moisesar sänwa: —Aka chiqat sarxam, Egiptot irpsunkta uka markamp chika. Kawkha uraqtix wawanakamaruw churä sas Abrahamaru, Isaacaru, Jacobur arskäyäta uka uraqiru.

Levítico 26:42

Ukapachaw nayax kuna arust'äwtix Jacobumpi, Isaacampi, Abrahamampi lurkäyät ukanakat amtasï, uraqitsa amtasirakïwa,

Deuteronomio 1:10

Tatit Diosax jumanakar walja wawanak churapxtam, jichhasti jumanakax wali jach'a markäpxtawa, alaxpach warawaranakjam jan jakt'kayäpxaraktawa.

Deuteronomio 7:8

Tatituw Egipto markan t'aqhisiyat jakañat irpsunipxtam, ukatsti jach'a ch'amapampiw faraón reyin apnaqäwipat qhispiyanipxtam, jumanakar taqi chuymapampi munatapata, awkinakamar arupampi arsuwaykatayna uka arunak phuqhañ munasa.

Deuteronomio 9:27

Amtasimay Abraham, Isaac, Jacob wawanakamata. Janiy aka markan jan ist'asirïtapa, ñanqha jaqinakätapsa, juchapsa amtasimti,

Hebreos 6:13

Kunapachatix Diosax Abrahamar “Churämaw” siskän ukapachaxa, jupa pachpatakiw juramento luräna, janiw jupat juk'ampi yaqha jilïrix juramento lurañatak utjkänti,