Éxodo 29:1 - Qullan Arunaca

¹ “Jupanacajj nayan sacerdotenacajjäpjjañapataqui loktañataquisti aqhama lurañamawa: Mä vaca kallu apäta, uqhamarac pä c'umara orko ovejanacampi.

Aymar Bibliia 1986

¹ “Jupanacajj nayan sacerdotenacajjäpjjañapataqui loktañataquisti aqhama lurañamawa: Mä vaca kallu apäta, uqhamarac pä c'umara orko ovejanacampi.

Qullan Arunaka DC

¹ Diosax Moisesar sacerdotenakar luqtañxat parlaskakïnwa. Jupasti sänwa: “Nayar luqtirinak sacerdote kankañ katuqayañatakix akham luräta: Mä vaca qallu katüta, pä k'umar urqu ovejanakampi.

Éxodo 29:1 Jak'a apnaqawi uñst'ayäwi

2 Crónicas 13:9

¿Janit jumanacajj jakonucupctajja Aarón chachan saraker Tatitun sacerdotenacaparojja, levitanacarusa, ucatsti jumanacajj utt'ayapjjaractajja jumanac pachpat sacerdotenaca, cunjämtï jan Diosar uñt'ir marcanacajj lurapqui uqhamjja? ¡Qhititejj loktasiñataqui jutqui mä vaca kallumpi, uqhamarac pakallk ovejampi, jupasti diosanacan sacerdotepäspati, jan diosäpqui ucanacanjja!

Éxodo 12:5

‘Aca uywasti orköñapawa mä marani, c'umara uywäñaparaquiwa, ovejanacata jan ucajj cabritonacatsa.

Éxodo 20:11

Tatitusti sojjta urunwa alajjpacha, aca orake, kotanaca, uqhamarac cunanacatejj ucan utjqui ucanacsa luräna; ucampis pakallko urunjja samaränwa. Uca laycuwa Tatitojj bendice samarañ ururu, uqhamarac arsuraqui uca urojj juparu loktatätapa.

Éxodo 28:1

“Israelitanac taypitsti, jumampi chicäñapawa Aarón jilama, uqhamarac Nadab, Abiú, Eleazar, Itamar uca wawanacapasa, jupanacajja nayan sacerdotenacajjäñapataqui.

Éxodo 28:3

Jumasti parlam yatiñani ch'iqhi, uqhamarac suma isinac lurir take jakenacampi, jupanacarusti nayawa churta yatiña, ch'iqhi cancaña suma isinaca Aaronatac lurapjjañapataqui, uqhamatwa Aaronajj nayaru suma loktasit sacerdotëjjanejja.

Éxodo 28:41

“Uca isinacampiw isintayäta Aarón jilamaru, uqhamarac wawanacaparusa. Ucatjja aceitempiw p'eket warjjatäta uqhamat jilïr cancaña churasa, uqhamarac loktaraquïta nayan sacerdotejjäpjjañapataqui.

Éxodo 29:21

Ucjjarusti altar patjjan jilt'qui uca wilampi, uqhamarac loktañ aceitempejja Aaronarojj isipampiru ch'allsum, uca quipcarac wawanacaparusa, isinacaparusa ch'allsuraquim. Uqhamata Aaronajj, wawanacapampi, uqhamarac isinacapamppacha Diosaru suma loktatäpjjañapataqui.

Ezequiel 43:23

Cunapachatejj take uca k'omachäwinac tucuyjjäta ucapachasti, mä orko vacampi, mä orko ovejampi caturaquïta, ucanacasti c'umara jan k'añucht'atäñaparaquiwa, ucat nayaruw ucanacjja takpach loktaraquitäta.

Levítico 14:11

Cawquïri sacerdotetejj k'omachcani ucasti, cawquïri jaketejj k'omachatäcani ucarojj uqhamaraqui take yänacapampirusa Tatitumpi Jiquisiñ Carpäquisa uca nayrakataruw uchani, Tatitun nayrakataparu;

Levítico 16:3

Aaronajj uca kollan chekaru mantañataquejj mä orko vaca, apani jucha luratat sacrificio loktañataqui, uqhamarac mä orko oveja aparaquini takpacha nact'ayasa loktañataqui.

Levítico 22:20

ucampisa uca uywajj janipuniw cuna camacht'atäñapäquisa, jan ucasti mä c'umara uywäñapawa, janitejj c'umaräcaspa ucapachasti janiw catokatäcaspati.

Levítico 4:3

“Jucha lurirïqui ucatejj jilïr sacerdotënejja, jakenacjjaru juchapajj puritap laycojja, mä c'umara orko vaca uca jucha luratapatjja loktañapawa.

Levítico 6:13

Altaranquir ninasti janipuniw jiwañapäquiti jan ucasti wiñayataquiw akaraquini.

Levítico 6:6

Tatitur loktäwipasti mä c'umara, uqhamaraqui jan camacht'ata orko ovejäñapawa, uca ovejan alapsti jumaw tantiyaraquïta, uca ovejsti jupajj tamat catokanini, ucat sacerdoten ucaruw aparaquini jucha luratat sacrificio loktañataqui.

Levítico 7:35

Cuna ofrendanacatejj Tatitutaqui nact'ayatäqui ucanacajja Aaronampiru wawanacapampiruw wact'i, cunürutejj Tatitojj jupanacarojj sacerdotëpjjañanacapataqui utt'ayasqui uca uruta.

Levítico 8:1

Tatitojj Moisesaruw parläna; aqham saraquïnwa:

Levítico 9:2

ucat Aaronarojj saraquïna: “Jichhajj mä orko vaca kallu irpjjarum, uqhamaraqui mä orko ovejampi, ucanacasti jan cuna camacht'ata c'umara uywanacäñapawa, ucanacsti k'ala naqhantayatäñataqui sacrificiot Tatitur loktaraquim.

Mateo 6:9

Ucatpï jumanacajj aqham mayisipjjätajja: ‘Alajjpachanquir nanacan Awquejja, sutimajj jach'añchatäpan.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.

1 Pedro 1:19

jan ucasti Tatit Jesucriston suma wilapampi alatawa. Uca Tatitusti mä suma k'oma jan camacht'ata ovejar uñtata sacrificion loktataraquïnwa.