Éxodo 24:10 - Qullan Arunaca

¹⁰ Ucansti Israelan Diosaparuw uñjapjjäna: Sayt'atäcän uca chekasti walipuniw khanäna zafiro sat azul kaljama, uqhamarac alajjpachjama.

Aymar Bibliia 1986

¹⁰ Ucansti Israelan Diosaparuw uñjapjjäna: Sayt'atäcän uca chekasti walipuniw khanäna zafiro sat azul kaljama, uqhamarac alajjpachjama.

Qullan Arunaka DC

¹⁰ Ukansti Israelan Diosaparuw uñjapxäna: Sayt'atäkän uka chiqasti walipuniw qhanäna zafiro sat qaljama, pachpa alaxpach qhanjama.

Éxodo 24:10 Jak'a apnaqawi uñst'ayäwi

Génesis 32:30

Jacobosti uca chekarojj Peniel sasaw suticharaquïna, saraquïnwa: “Diosarojj ajanuy ajanuw uñcatta, ucampisa jacascaractwa” sasa.

Génesis 32:31

Jacobosti Peniel chekatwa mistusincäna, inti jalsu horasaru. Thejjnipa usuchjatätap laycusti cojtasaw saräna.

1 Reyes 22:19

Micaiasasti sascaquïnwa: —Uqham satamatjja, ist'am Tatitun arunacapa: ‘Tatiturojj tronopana kont'atäsquirwa uñjta, ucatsti alajjpachanquir ejercitorusti jupa chica sayt'atäsquiriraqui, cupëjjapana, uqhamarac ch'ekäjjapanraqui.

2 Crónicas 6:17

Uqhamasti Israelan Tatit Diosapa, phokhamaya cuntï arscäyäta David sirvirima awquejjaru ucjja.

Éxodo 24:11

Ucampis Diosajja janiw cuna jan walsa lurcänti uca jilïri israelitanacarojja, jupanacasti Diosarojj uñjapjjänwa, uqhamarac mank'apjjäna, umapjjaraquïna.

Éxodo 3:6

Nayätwa nayra awquinacaman Diosapajja, Abraham, Isaac, Jacob ucanacan Diosapajja —sasa. Ucatsti Moisesajj ajanupwa imantasïna, jupajja Diosaru uñcatañjja wali ajjsarayasïna uca laycu.

Éxodo 33:20

Ucampis sismawa: ‘Janiwa ajanojj uñcatquitasmati, qhiti jakesa uñcatquitaspati, uqhamata jacasipcaquiñapataqui.’

Éxodo 33:23

Ucampis amparajj loktasjjä ucqhasti jumajj jiqhanejjacwa uñjitätajja, janiw ajanojj-jja uñjquitätati —sasa.

Cantar de los cantares 5:14

amparanacapasti kori surtijanacjamawa topacio sat kalanacampi chhaktayata; janchipasti suma llust'achsut marfilar uñtatawa, safiro ucanacampi chhaktayata;

Cantar de los cantares 6:10

“¿Qhitirac acasti willjta khanjam uñstani, phajjsir uñtatjama wali suma, intjama suma c'ajaraquisti? ¡Suma sarantir jan atipcaya ejercitor uñtata!”

Lamentaciones 4:7

Ajllita jakenacapasti qhunut sipansa juc'ampi jank'önwa, lechet sipansa juc'ampi jank'oraqui; janchipasti coral sisqui ucatsa juc'ampi wilänwa; sayt'äwipasa zafirot sipansa juc'ampi sumaraquïnwa.

Ezequiel 1:1

Naya, sacerdote Ezequiel, Buzi sat jaken yokapa, mä uruw nayajj Quebar sisqui uca jawira thiyan sayt'ata, ucancascäyäta, Babilonia orakena, cawquïrinacatejj uca jaya marcaru preso apatäpcäna ucanacampi chica. Uqhamäquiriruw alajjpachajj jist'artäna ucatsti Diosarojj tronopjjan kont'ata uñjaracta. Uca urojj pheska uru sarakatänwa pusïri phajjsita, quimsa tunca mararaquïnwa Joaquín reyejj preso apatäcän ucatjja niya pheska mararaquejjänwa. Tatitusti nayjjaruw amparapjja lokjjatitu.

Ezequiel 10:1

Ucatsti uñjaractwa: Chhekan angelanacan p'ekenacapat alay alajjpachanjja mä konuñaw uñstäna safiro sisqui uca kalaru uñtasita.

Daniel (hebreo) 10:17

¿Cunjämaraqui aca juman sirvirimasti jumampi parlaspasti, jan ch'amani, niya samanas pist'ata jicjjatasisasti?’ sasa.

Números 12:8

Jupampisti ajanuy ajanuwa parlapjjtjja, khana arunacampi. Jupasti ajanuy ajanuw uñjitu, ¿cunatarac jumanacasti jupjjata jan wali arunac parlapjjtasti?” sasa.

Mateo 17:2

Ucanwa Jesusajj khanquir tucuwayäna jupanacan nayrakatapana. Ajanupajj intjam c'ajquirïnwa, isipasti wali jank'oraquiw tucuwayäna.

Juan 1:18

Janiw cunapachas Diosarojj qhitis uñjquiti, ucampis mä sapa Yokapa, cawquïritejj Awquipa jac'ana kont'atäquis ucawa uñt'ayistu cunjamäquitejj Diosajj ucjja.

Juan 14:9

Jesusajj ucjjarojj saraquïnwa: —Felipe, acqha maranacaraquis jumanacampïtanjja, ¿janit jichhacam uñt'quista? Qhititejj nayar uñjquitu ucajj Awquirojj uñjaraquiwa, uqhamasti ¿cunatsa mayista: ‘Awquiru uñacht'ayapjjeta’ sasajja?

Juan 6:46

Janiw qhitis uñjquiti Awquirojja, jan ucasti qhititejj Diosat jutqui ucaquiw jupar uñji.

1 Timoteo 6:16

Jupa sapaquiw jan jiwquiti, jan qhitimpis jac'achcaya khananwa jacaraqui. Janiw qhiti jakes juparojj uñjquiti ni uñjcaraquispasa. ¡Jupanquirinacajja jach'añchatäpan ch'amaniraquïpan wiñayan wiñayapataqui! Uqhamäpan.

1 Juan 4:12

Diosarojj janipuniw qhitis cunapachas uñjquiti. Ucampis jiwasatejj munasiñäni maynit maynicama ucajja, Diosajj jiwasanwa jaqui, munasiñapasti jiwasan phokhasiraqui.

Apocalipsis 1:16

Cupi amparapansti pakallko warawaranacaw utjäna, lacapatsti purapar arini mä espadaraquiw mistusincäna; ajanupasti intejj wal khant'quis uqhamänwa.

Apocalipsis 21:11

Uca marcasti Diosan khanapampiwa khanäna, mä suma kalan khanapjama, jaspe kalar uñtata, cristalar uñtataraqui.

Apocalipsis 4:3

Uca tronon kont'atäcän ucasti c'ajquir jaspe jan ucajj cornalina kalar uñtataraquïnwa. Tronoparusti mä cürmiraquiw muyuntäna, ucasti esmeralda kalar uñtataraquiw c'ajäna.