Éxodo 24:10 - Qullan Arunaka DC

¹⁰ Ukansti Israelan Diosaparuw uñjapxäna: Sayt'atäkän uka chiqasti walipuniw qhanäna zafiro sat qaljama, pachpa alaxpach qhanjama.

Aymar Bibliia 1986

¹⁰ Ucansti Israelan Diosaparuw uñjapjjäna: Sayt'atäcän uca chekasti walipuniw khanäna zafiro sat azul kaljama, uqhamarac alajjpachjama.

Qullan Arunaca

¹⁰ Ucansti Israelan Diosaparuw uñjapjjäna: Sayt'atäcän uca chekasti walipuniw khanäna zafiro sat azul kaljama, uqhamarac alajjpachjama.

Éxodo 24:10 Jak'a apnaqawi uñst'ayäwi

Génesis 32:30

30 (31) Jacobusti uka chiqarux Penuel sasaw sutichäna, sarakïnwa: “Diosarux ajanuy ajanuw uñkatta, ukampis jakaskaktwa” sasa.

Génesis 32:31

31 (32) Intix jalsunxänwa, kunapachatix Jacobux Penuel chiqat sarxäna ukkhaxa, ukampisa thixnipa usuchjatätapatsti jupax wixchutisaw saräna.

1 Reyes 22:19

Micaiasasti saskakïnwa: —Ukham satamat Tatitun arunakap ist'am: Tatiturux reyi qunuñapan qunt'atäskir uñjta, alaxpachankir angelanakasti taqpachaniw jupa chika sayt'atäskäna, mayninakax kupïxapana, mayninakasti ch'iqäxapana.

2 Crónicas 6:17

Ukhamasti Israelan Tatit Diosapay, David luqtirimar arsut arunakam phuqhaskakimaya.

Éxodo 24:11

Ukampis Diosax janiw uka jilïr israelitanakarux kuns kamachkänti, jupanakasti Diosaruw uñjapxäna, ukatsti manq'apxänwa, umapxarakïnwa.

Éxodo 3:6

Nayätwa nayra awkinakaman Diosapaxa. Abraham, Isaac, Jacob jupanakan Diosapätwa —sasa. Uk ist'asasti, Moisesax ajanup imantasïna, jupax Diosar uñkatañ wal axsarayasïna.

Éxodo 33:20

Ukampis sismawa: “Janiw ajanux uñkatkitasmati, khititix ajanux uñkatitanixa, uka jaqix jiwaniwa” sasa.

Éxodo 33:23

Amparax ayaqasxä ukkhasti, jumax jikhanixak uñjäta; ukampis janiw ajanux uñjkätati —sasa.

Cantar de los cantares 5:14

amparanakapax qurikamakiwa topacio qalanakamp muyukipata; janchipasti suma llust'achsut marfilar uñtatawa, zafiro qalanakamp k'achachatawa;

Cantar de los cantares 6:10

¿Khitirak akasti willjta qhanjam uñstanisti? Phaxsir uñtat wali jiwakiwa, intir uñtat sum k'ajkiriwa, ¡warawaranakar uñtat sumapuniwa!

Lamentaciones 4:7

Ajllit jaqinakapasti khunut sipan juk'amp janq'ünwa, lechet sipan juk'amp janq'üpxarakïnwa; janchipasti coral siski ukatsa juk'amp suma wila samïnwa; sayt'atapas zafiro siski ukat sipan juk'amp sumarakïnwa.

Ezequiel 1:1

Naya, sacerdote Ezequiel, Buzí sat jaqin yuqapa, mä uruw nayax Babilonia uraqina, Quebar sat jawir thiyan sayt'atäskäyäta, khitinakatix katuntat apatäpkatayna ukanak taypina. Ukhamäkiriruw alaxpachax jist'artäna, ukatsti Tatiturux mä unañchäwin uñjta. Ukasti kimsa tunkïr marana, pusïr phaxsita phisqa uru saraqatarünwa, Joaquín reyix katuntata apatäkän ukat niya phisqa mara qhipata. Tatitusti nayaruw amparap luqxatitu.

Ezequiel 10:1

Ukatsti uñjaraktwa: Querubines sat chhiqhaninakan p'iqinakapat alay chiqanxa, mä qunuñäkaspas ukhamaw uñstäna, ukasti zafiro qalat luratjamänwa.

Daniel (hebreo) 10:17

¿Kunjämarak jumamp parlästi, jan ch'amani, niya samanas pist'atjam jikxatasisasti?’ sasa.

Números 12:8

jupampisti ajanuy ajanuw parlta, qhana arunakampiraki. Jupatix ajanuy ajanu uñjchitu ukasti, ¿kunatarak jumanakasti jupar k'umipxtasti?” sasa.

Mateo 17:2

Ukansti Jesusax jupanak nayraqatan qhankiriw tukuwayäna. Ajanupasti intjamaw k'ajäna, isipasti wali janq'ururakiw tukuwayäna.

Juan 1:18

Janipuniw Diosarux khitis uñjkiti; ukampis Awkimpi chika jakasir Diosan Yuqapakiw jupar uñt'ayistu.

Juan 14:9

Jesusasti juparux sarakïnwa: —Felipe, akkha mararakis jumanakampïtxä, ¿janit jichhakam uñt'kistasti? Khititix nayar uñjkituxa, Awkirux uñjarakiwa, ukhamasti ¿kunatarak mayistasti: “Awkir uñacht'ayapxita” sasasti?

Juan 6:46

Janiw khitis Awkirux uñjkiti; jan ukasti, khititix Diosat jutki ukakiw jupar uñji.

1 Timoteo 6:16

Jupa sapakiw wiñay jakir Diosaxa, jupasti jan jak'kay jach'a qhana taypin jakaraki. Janiw khiti jaqis juparux uñjkiti, janirakiw uñjkanisa. ¡Jach'achatäñampi, ch'amanïñampix wiñayan wiñayapatak jupankiwa! Ukhamäpan.

1 Juan 4:12

Diosarux janipuniw khitis uñjkiti, ukampis jiwasatix maynit maynikam munasiñäni ukkhaxa, Diosax jiwasan jaki, munasiñapasti jiwasan uñstaraki.

Apocalipsis 1:16

Kupi amparapansti paqallqu warawaranakaw utjäna, lakapatsti purapar arini espadarakiw mistusinkäna. Ajanupasti intin wali qhant'atapjamänwa.

Apocalipsis 21:11

Uka markasti Diosan qhanapampiw k'ajäna, k'ajatapasti suma qalan k'ajatapjama, qhispir uñtat diamante qalan k'ajatapjamänwa.

Apocalipsis 4:3

Qhapaq qunuñan qunt'atäkän ukasti diamante, rubí qalanakar uñtataw k'ajäna, qhapaq qunuñarusti mä kürmiw muyuntäna, ukasti esmeralda qalar uñtatarakiw k'ajäna.