Éxodo 23:14 - Qullan Arunaca

¹⁴ “Nayaru jach'ar aptañataquisti maranjja quimsa cutiw fiesta luräta.

Aymar Bibliia 1986

¹⁴ “Nayaru jach'ar aptañataquisti maranjja quimsa cutiw fiesta luräta.

Qullan Arunaka DC

¹⁴ “Nayar jach'añchañatakisti maran kimsa kutiw uruyañ uru luräta.

Éxodo 23:14 Jak'a apnaqawi uñst'ayäwi

1 Reyes 9:25

Salomonasti maranjja quimsa cutiwa loktirïna nact'at sacrificionaca, uqhamarac sumancäwi sacrificionacsa, Tatitutaqui altar luraycäna ucana, ucatjja Tatitun nayrakatapanjja inciensonacwa naqhantayäna. Uqhamawa tucuyasïna templo lurañajja.

2 Crónicas 8:13

cawquïri urunacantejj Moisesan leyiparjama loktañajj waquisqui uqhamaru, samarañ uruna, sapa phajjsina kallta urunacana, uqhamarac marcpachana quimsa fiestanacajj utjqui ucanacanaraqui: jan levaduran t'ant'anaca fiestana, semananacan fiestapa, uqhamarac chhujllanacana fiestapanaraqui.

Éxodo 23:17

“Take chachanacasti maranjja quimsa cutiw jutapjjañapa Tatitur uñstirejja.

Éxodo 34:17

“Jumanacasti janipuniw cunapachasa metal umatatayasa diosanacjja lurasipjjätati.

Éxodo 34:18

“Jumanacasti lurapjjätawa jan levaduran t'ant'a mank'añ fiesta, cunjämtejj sapcsma uqhamarjama, pakallko uruwa jan levaduran t'ant'a mank'apjjäta. Abib sat phajjsina, jumanacajja uca Abib sat phajjsinwa Egiptota mistunipjjtajja.

Ezequiel 46:9

Cunapachatejj marcan fiesta urunacapan Tatitur yupaychir mantanini ucapachasti aqhamwa luraraquini: Cawquïrinacatejj amsta tokenquir puncunjam mantanipjjani ucanacasti aynach tokenquir puncu chekwa mistuwayjjapjjani, cawquïrinacatejj aynach toke puncu cheka mantanipjjani ucanacasti amsta puncu chekwa mistuwayjjapjjaraquini. Janipuniw cawqui puncu chektejj mantanipcäna uca chekjja mistuwayapcaniti jan ucasti uca uñcatasi puncu chekwa mistuwayjjapjjani.

Levítico 23:16

Ucatsti samaraña uru phokhasjjepana, uca pakallko semanarusti mä urumpi yapjjatapjjäta, ucampiw pheska tunca urunacajj phokhasjjaraquini. Ucapachaw jumanacajj Tatituru machaka trigotjja mä ofrenda loktapjjäta,

Levítico 23:34

“Israelitanacarusti aqham saraquim: Uca pachpa pakallko phajjsi sarakatarusti, uca phajjsina tunca pheskani urunaca sarakatarojja, pakallko urunacaw mä fiesta lurapjjäta, ucasti chhujllanacan fiestapa sataraquïniwa, Tatitut amtasiñataqui.

Levítico 23:4

“Acanacaraquiwa kollana urunacajja uqhamat Tatituru yupaychasa kollana tantachasïwinac lurapjjañamataqui, uca urunacaw jumanacajj tantacht'asipjjaraquïta.

Levítico 23:5

“Kalltïri phajjsina tunca pusini uru sarakataru, jayp'thapirusti pascua fiesta lurapjjäta Tatitut amtasisa.

Deuteronomio 16:1

“Cunapachatejj Abib sat phajjsejj purinini ucqhajj, jumanacajj Pascua fiesta lurapjjäta Tatitu Diosamar jach'añchasa; Tatitu Diosamajj uca phajjsinwa mä aruma Egipto marcat irpsuntam uca laycu.

Deuteronomio 16:16

“Take chachaw Tatitu Diosamarojj maran quimsa cuti uñstani, cawqha chektejj jupajj ajllisqui uca chekana, aca fiestanacanwa uñstapjjani: Jan Levaduran T'ant'a Mank'añ fiestana, Semananaca sat fiestana, uqhamaraqui Enramada fiestansa. Janiraquiw cawquïri jakes Diosarojj jan cunani uñstcaniti,

1 Samuel 1:3

Sapa mararaquiw Elcanajj Silo sat chekaru sarirïna take ch'amani Tatituru yupaychiri, uqhamarac sacrificionac loktiri. Ucansti Elí sacerdoten pani yokapaw ucancascäna, maynejj Ofni sata, maynisti Finees sataraqui, jupanacasti Tatitun sacerdotenacaparaquïnwa.