Éxodo 19:6 - Qullan Arunaca

⁶ Jumanacasti nayar sirviri sacerdotenacäpjjätawa, uqhamarac nayaru catuyat suma marcaraqui.’ Take acanac israelitanacar yatiyam —sasa.

Aymar Bibliia 1986

⁶ Jumanacasti nayar sirviri sacerdotenacäpjjätawa, uqhamarac nayaru catuyat suma marcaraqui.” Take acanac israelitanacar yatiyam —sasa.

Qullan Arunaka DC

⁶ Jumanakax nayar luqtir sacerdotenakäpxätawa, nayatak yaqhachat suma markarakïpxätawa.” Taqi ukanak israelitanakar yatiyam —sasa.

Éxodo 19:6 Jak'a apnaqawi uñst'ayäwi

1 Reyes 3:8

Ucampis jichhajja jumajj ajllisctasa uca marca nayrakatanctwa; uca marcasti wali jach'awa, waljätapatsti janiw jact'añjamäquiti, kawkhätapasa amuyt'añjamäquiti.

1 Reyes 8:53

Take aca oraken marcanac taypita marcamarojja jumawa Tata yakhachastajja jumataqui, cunjämatï siscäyätajja Moisés sirvirim toke, cunapachatï Egiptot nayra awquinacajjaru apsuncäyäta ucqha” sasa.

1 Crónicas 17:22

Israel marcarojja jumaw catustajja wiñayataqui juman marcamäñapataqui uca laycu, ucatsti juma Tatituwa Diosapäyätajja.

Salmos 114:2

Judá marcajj Tatitun kollan utjäwiparuw tucüna; Israel marcajj jupan apnakat marcaruw tucüna.

Éxodo 15:26

Saraquïnwa: “Jumanacatejj naya Tatitu Diosaman arunacajja suma ist'apjjäta, ucat munañajjarjam lurapjjaraquïta, uqhamarac camachinacajjarusa, leyinacajjarusa phokhapjjaraquïta ucqhajj janiw cawquïr usunactejj egipcionacar apaycta ucanacampejj t'akhesiyapcämati. Nayätwa jumanacar c'umarachir Tatitumajja” sasa.

Éxodo 22:31

“Ucampis jumanacajja nayar loktasit jakenacäpjjätawa, uca laycusti janiw mank'apjjätati pampanquir animalanacan tucjat aychjja, jan ucasti anunacaruw uca aychjja liwjjaruyjjapjjäta.

Éxodo 28:36

“Ucjjarusti korit mä placa luraraquim, ucatsti ucaruwa uchäta, mä sellöcaspas ucar uñtata, aca arunaca: ‘TATITUR CATUYATAWA’ sasa.

Isaías 43:4

nayan jumar munatajj laycu, jumajj wali jila alanïtawa, nayasti wal munassma. Jumajj nayancañamataqui jacañam khespiyañataquisa, nayajj jakenacwa, uqhamaraqui marcanacwa catuyta.

Isaías 61:6

Jumanacarusti: ‘Tatitun sacerdotenacapa’ sasaw sutichapjjaraquïtam, Diosan sirvirinacapa sasaraqui. Yakha marcanacanquir kamir cancañanacapampiw cusisipjjaraquïta, uca c'ajquir cancañanacapampiw c'achachasipjjaraquïta.

Isaías 62:12

Israelitanacarusti: “Kollan marca”, “Tatitun khespiyatanacapa”, Jerusalenarusti: “Munat marca”, “Jan apanucut marca” sasaw sutichapjjaraquini.

Isaías 66:21

“Jupanacatsti yakhepanacarojj sacerdotenacäpjjañapataqui, levitanacäpjjañapataquiw ajllï. Naya Tatituw ucanac arsta.”

Jeremías 13:11

Cunjämatejj mä cinturonajj cinturaru muyuntayasitajja, uqhamaraquiw Israel marcasa, Judá marcasa nayan jac'ajjanjja, nayan marcajjäñapataqui, sutejja yatiyapjjañapataqui, jach'a cancañajja, jach'ar aptatäña. Ucampisa janiw ist'apquituti. Naya Tatituw ucjja arsta.

Jeremías 2:3

Israelajj nayar catuyatapunïnwa, mä suma cosechäcaspas uqhamaraquïnwa. Maynitejj juparu cuna ñankhsa lurani ucapachasti nayaw ucarojj t'akhesiña apayaniraquïyätjja, jan walinac apayanisa.’ Ucsti naya Tatituw arsta” sasa.

Jeremías 7:23

Ucampisa jupanacarojj saraquïyätwa nayaru ist'apjjañapa; uqhamatwa nayajj jupanacan Diosapäyäjja, jupanacasti nayan marcajjaraquïniwa sasa. Ucatsti saraquïyätwa cunjämtejj nayajj siscta uqhamar sarnakapjjañapa, uqhamat take cunas sumaqui sarañapataqui.

Levítico 19:2

“Israelita jakenacarusti aqham saraquim: Jumanacasti kollanäpjjam, naya Tatitu Diosamasti kollanätwa.

Levítico 20:24

Nayasti sapjjsmawa, jumanacaw uca jakenacan orakenacapatjja dueñöpjjäta, naya quipcaraquiwa jumanacarojj uca oraker catuyapjjäma cawqhantejj lechesa, misq'isa umjam jalasqui uca orakena. “Nayätwa jumanacan Tatitu Diosamajja, jumanacarusti nayaw yakha marcanacat sipansa yakhachapjjsma.

Levítico 20:26

Jumanacajj nayataquejj yakhachatäpjjañanacamapuniwa, naya jumanacan Tatitu Diosamasti jumanacataquejj yakhachatätwa, ucampisa yakha marcanacat sipansa yakhachapjjaracsmawa, jumanacajj nayancapjjañanacamataqui.

Levítico 21:23

ucampisa janipuniw velo khepäjjaru mantcaniti ni altararusa jac'achascaraquiniti, uqhamat uca jan c'umara cancañapampejja nayan kollana chekjja ñankhachascañapataqui. Naya Tatituw uca kollana chekjja nayataqui yakhachasta uca laycu.”

Amós 3:2

“Take aca orakenquir marcanac taypitjja jumanac saparuquiw ajllisipjjsmajja. Ucatwa take jan wali ñankhanac luratanacamatjja jaqhuta mayipjjämajja” sasa.

Hageo 2:5

Cunjämtejj Egiptot mistunipcäyäta ucapachajja sapjjayäsmawa: Ajayojjaw jumanacampïsqui, jan ajjsarapjjamti;

Números 16:3

Take jupanacaw tantachasisinjja Moisesana Aaronampina nayräjjaparu uñstapjjäna, aqham sasa: —¡Jumanacaquiw take cunsa lurasipctajja! Takpach marcaw Tatitu Diosar catuyata, Tatitusti take nanacampïscaraquiwa. ¿Cunatsa jumanacajj mä jilïrinacjama Tatitun marcapjjaru sartapjjta? —sasa.

Romanos 12:1

Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja.

1 Corintios 3:17

Maynitejj uca Diosan templop t'unjanejja, Diosajj juparojj t'unjaraquiniwa. Diosan templopasti kollanawa, uca templosti jumanac pachpäpjjaractawa.

Deuteronomio 14:21

“Jan jumanacajj jupapach jiwat animalanacjja mank'apjjamti, jumanacajj Diosatac yakhachat marcäpjjatam laycu. Ucampis ucanacjja churapjjasmawa jumanac taypin jaquiri yakha marcat jutir jakenacaru. Jupanacasti puedisipquiw mank'añjja; uqhamaraqui uca chekanjam pasasquiri jaya marcat jutir jakerus aljasipcaraquismawa. “Janiw cabritonacjja taycapan lecheparu phayapjjätati.

Deuteronomio 26:19

Juparaquiwa jumarojj jilïri marca, kollana, takenins jach'aru aptata jach'a cancañani marca tucuyaraquïtam, take marcanacat sipansa; cunjämatejj jupajj sisqui, Tatitu Diosamaru catuyat marcwa tucuyaraquïtam.”

Deuteronomio 28:9

“Camachi arunacaptejj phokhäta, thaquipanjamsa arcaraquïta ucqhajj Tatitu Diosamajj juparu catuyat marcwa tucuyasïtam, cunjämtejj jupajj arupampi arsuwayctam uqhama.

Deuteronomio 7:6

Jumanacasti Tatitu Diosatac ajllit marcäpjjtawa; Diosaw jumanacarojj take marcanacat sipansa ajllisipjjtam, uqhamat jumanacajj jupatac yakhachat marcäpjjañamataqui.

1 Tesalonicenses 5:27

Achict'apjjsmawa Tatitun munañapatjja, aca cartajj take jilatanacataqui leet'atäpan.

1 Pedro 2:5

Jumanacasti mä jacquir kaläpcasmas uqhamaraqui Diosarojj catuyasipjjam, ucatsti Diosajj jumanacampejj mä suma ajayun templjama sayt'ayañapataqui, uqhamarac jumanac quicpas Diosar sirvir sacerdotenac tucupjjañamataqui, Jesucristo toke take ajayun sacrificionac Diosar loktapjjañamataqui, Diosajj catokañapataquiraqui.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

Apocalipsis 1:6

Ucatsti reyinaca sacerdotenacaracwa jiwasarojj tucuyistu Dios Awquiru sirviñasataqui. ¡Jach'a cancañasa, munañanïñasa jupancaracpan wiñayataqui! Uqhamäpan.

Apocalipsis 20:6

Cusisiñanïpjjewa, Diosar catuyatäpjjaraquiwa qhitinacatejj nayrïri jactäwin jactapqui ucanacajja. Khepïri jiwasti jupanacjjarojj janiw cuna ch'amanïquisa, jan ucasti jupanacajj Diosampina Cristompina sacerdotepäpjjaniwa. Waranka mararaquiw jupampejj reinapjjani.

Apocalipsis 5:10

Reyinaca, sacerdotenacracwa tucuyapjjestajja Diosataquejja. Take aca orakpacharu apnakapjjañajjataqui” sasa.