Éxodo 19:18 - Qullan Arunaca

¹⁸ Ucampis takpach Sinaí kollutsti walipuniw nina jiwk'ejj mistsüna Tatitojj nina taypinjama kolljjaru jutatap laycu. Uca jiwk'esti mä hornotjamwa mistsüna, ucatsti takpach kolluwa wali qhathatïna.

Aymar Bibliia 1986

¹⁸ Ucampis takpach Sinaí kollutsti walipuniw nina jiwk'ejj mistsüna Tatitojj nina taypinjama kolljjaru jutatap laycu. Uca jiwk'esti mä hornotjamwa mistsüna, ucatsti takpach kolluwa wali qhathatïna.

Qullan Arunaka DC

¹⁸ Taqpach Sinaí qulluw jiwq'ïna, Tatituw nina taypinjam saraqanitayna. Uka jiwq'isti mä hornotjam mistsüna, qullusti walpun khathatïna.

Éxodo 19:18 Jak'a apnaqawi uñst'ayäwi

Génesis 11:5

Ucampisa Tatitu Diosajj uca marca, uqhamarac cuna torrtejj lurasipcän uca uñjiriw sarakanïna,

Génesis 15:17

Cunapachatejj arumäjjäna, wali ch'amacäjjaraquïn ucapachajj mä hornow wali jek'escäna, mä nina wiyaraquiw uca jaljat animalanac taypin sarnakascäna.

Génesis 19:28

Sodoma, uqhamarac Gomorra marcanacwa uñtäna, uqhamarac take uca valle tokenaca, ucatsti uñjaraquïnwa ucsatjja mä jek'e maqhatasquiri, mä hornotjama.

Nehemías 9:13

“Ucatjja Sinaí kolluruwa sarakaniractajja, uqhamarac jupanacampiraquiwa alajjpachatpacha parlaniractajja; jupanacarusti churtawa suma asqui arsüwinaca, cheka yatichäwinaca, uqhamarac leyinaca, suma camachi arunacampi.

Salmos 104:32

Diosajj uñtanqui ucapachajj orakejj qhathatiwa, kollunacar llamct'qui ucapachasti, jiwk'e mistuyapjje.

Salmos 114:4

Jisc'a kollusa, jach'a kollusa, ovej kallunacar uñtataw t'isctapjjäna.

Salmos 114:7

¡Orake, Tatitun nayrakatapan qhathatim, Jacobon Diosap nayrakatan ajjsartam!

Salmos 144:5

Tatay, alajjpach jist'aranim, sarakaniraquim, kollunacar llamct'am, ucanacasti jiwk'e mistuyapjjani,

Salmos 18:9

Alajjpach jist'arasin sarakanïna, cayunacap mankhäjjansti, ch'iyär juri kenayanacaw utjäna:

Salmos 68:9

Diosay, jumaw jilarquir umanac jalluntaytajja, wañantat orakemaruw ch'amañchtajja.

Salmos 77:18

Khejjokhejjonacamajj jach'a thayamp chicaw ist'asïna, llijullijunacamajj acapachpach khant'ayäna, orakesti qhathatïnwa.

Salmos 77:19

Jumajj lamar kotan thac jist'arastajja, umanac taypinjam maqhattajja, ucampis janiw qhitis cayu tact'atam jicjjatcänti.

Éxodo 19:13

Ucampis janiwa juchanirojj qhitis amparampi nuwjañapäquiti jan ucasti jiwayapjjañamaw kalanacampi jayat c'upjasa, jan ucajj flechanacampisa. Jakëscpasa, uywäscpasa jiwañapawa, janiwa jacañapäquiti. Ucampis israelitanacajj kollurojj maqhatañapawa cunapachatejj oveja wajjrat lurat pututojj phust'ascani ucqhaqui’ —sasa.

Éxodo 19:17

Ucatsti Moisesajj campamentotjja israelitanacarojj ansuwayänwa Diosampi jiquisiñataqui. Ucat kollu cayur purisasti ucqhatwa suyt'apjjäna.

Éxodo 20:18

Takpach israelitanacaw uñjapjjäna llijullijunacsa, ist'apjjaraquïna khejjokhejjonaca, trompetanacan suenanacapsa, uqhamarac kollut wali jiwk'enac mistursa; ucatsti jupanacajj wali ajjsarayasisajj jayatacwa uñch'uquipjjäna.

Éxodo 24:17

Tatitun jach'a cancañapasti israelitanacarojj uñstänwa mä naqhantir ninjama, wali alto kollu chekana.

Éxodo 3:2

Ucansti Tatitun angelapaw uñstäna mä ninjama zarza sat ch'aphi alinac taypina. Ucampis Moisesajj uñjänwa ch'aphinacan nina akasquiri, ch'aphisti janiw naqhantcänti.

Éxodo 34:2

Uqhamarac waquichasim arumanthi wali alwata Sinaí kolluru maqhataniñataqui. Kollunsti wali alto chekaruwa nayarojj uñstitäta.

Isaías 6:4

Uca arunac ist'asasti, templon puncunacapajj qhathatipjjänwa, templosti jek'empi phokhantataraquïnwa.

Isaías 64:1

Alajjpach ch'iyjaraquisman, ucat apakaniraquisman, uqhamaraqui juman ucancatamampejja kollunacsa qhathatiyaraquisma,

Jeremías 4:24

Kollunac uñtta, ucanacasti qhathatisipcaraquïnwa; take kollunacaw qhathatipjjäna.

Habacuc 3:6

Cunapachatï jupajj sayt'qui ucqhajj orakes qhathatiwa; uñtäwipampejj marcanacarus qhathatiyaraquiwa; nayrapacha jach'a kollunacasa allthaptaraquiwa, jisc'a kollunacas ina ch'usaruraquiw tucupjje. Ucampis Diosan thaquinacapajj wiñayataquipuniwa.

Zacarías 14:5

Jumanacasti uca pä kollu taypin valle kheparcanejja ucanjama jaltjjapjjaraquïta, ucasti puriniwa maysäjjanquiri Azal orakcama. Jumanacasti jaltjjapjjätawa cunjämatejj nayra awquinacamajj Uzías rey Judá marca apnakcän ucqhajj orake qhatati sartipanjja jaltjjapjjänjja uqhama. Tatitu Diosajjasti takpacha cheka jakenacampiw jutani.

Mateo 24:7

Mä jach'a marcajj yakha jach'a marca contraw nuwasini, mä marcasti yakha marca contraraquiw sartani, ucapachaw mank'at pist'añajj utjani, usuñanacasa, orak qhatatinacas walja chekanacana.

Deuteronomio 33:2

aqham sasa: “Tatitu Diosaw Sinaí kolluta juti; Seir kollutwa khant'aniraquistu; Parán kollunacat khantaniraqui, uqhamaraquiwa jutani Meriba-cades chekata; cupi amparaparu akquir leyinac apt'asita.

Deuteronomio 4:36

Jupasti alajjpachatpachwa jumanacar yatichapjjtam, aca orakensti jach'a ninapjja uñacht'ayapjjaractamwa, arunacapsti nina taypit ist'apjjaractajja.

Deuteronomio 5:22

“Aca arunacsti Tatitu Diosaw jach'at parläna mä nina ch'iyara kenay taypita, cunapachatejj take jumanacajj kollu thiyana tantachasipjjäyäta ucqha. Ucatsti Tatitojj janiw cunsa arscjjänti, uqhamaraquiwa uca arunacsa pä kala tablanacaru kellkäna, ucsti nayaruwa catuyitu.

Deuteronomio 5:4

Diosasti jumanacampejj parlänwa ajanuy ajanu, mä nina taypita.

2 Tesalonicenses 1:7

Ucatsti chekaraquiw jumanac t'akhesirinacar samarañ churañataqui, uqhamarac nanacarusa, cunürutejj Tatit Jesusajj uñstancani alajjpachat nina taypina ch'amani angelanacapampi jutcani ucapachajja.

2 Tesalonicenses 1:8

Diosar jan catokerinacar mutuyiriw jutani, uqhamarac Tatit Jesucristosan khespiyasiñ arunacapar jan ist'irinacarusa.

Hebreos 12:18

Jumanacajj janiw jac'achasipctati israelitanacjama qhaya kolluru llamct'añjamäcän ucarojja, ucanjja ninaraquiw akäna, lajja ch'amacanacan jach'a thayampi cuna;

Hebreos 12:26

Qhä tiemponjj Diosan arupajj orak qhathatiyäna, ucampis jichhajj siwa: “Mä cutimpiw qhathatiyäjja, janiw orakecti jan ucasti alajjpachamppacha” sasa.

2 Pedro 3:10

Ucampis Tatitun jutañap urojja acatjamatwa jutani, lunthatar uñtata. Alajjpachanacasti mä jach'a ajjsarcañ warariñanacampiw t'unthaptani, cunanacatejj alajjpachan utjqui ucanacasti ninampi tucjatäniwa, orakensti, cunanacapatejj utjqui ucanacämppacha, Diosan taripäwipar catuyataw kheparani.

Apocalipsis 15:8

Diosan santuariopasti jek'ena phokhantatänwa, uca jek'esti Diosan jach'a munañanïñapata, uqhamarac ch'amapatwa jutäna. Janiraquiw qhitis ucarojj mantañataqui ch'amanïcänti, cuntejj angelanacajj pakallko t'akhesïwinac apapcänsa ucanacan phokhasiñapcama.

Apocalipsis 9:2

Ucatsti uca ch'amac mankha jist'aräna, uca ch'amac mankhatjja mä jek'ew mistüna mä jach'a hornotjama. Uca jek'esti intsa alajjpachsa k'al ch'amact'ayäna.

Jueces 5:5

Juman nayrakatamansti, Dios Tata, juman nayrakatamansti Israelan Diosapa, kollunacasa, Sinaí sat kollusa qhathatipjjänwa.