Éxodo 19:18 - Qullan Arunaka DC

¹⁸ Taqpach Sinaí qulluw jiwq'ïna, Tatituw nina taypinjam saraqanitayna. Uka jiwq'isti mä hornotjam mistsüna, qullusti walpun khathatïna.

Aymar Bibliia 1986

¹⁸ Ucampis takpach Sinaí kollutsti walipuniw nina jiwk'ejj mistsüna Tatitojj nina taypinjama kolljjaru jutatap laycu. Uca jiwk'esti mä hornotjamwa mistsüna, ucatsti takpach kolluwa wali qhathatïna.

Qullan Arunaca

¹⁸ Ucampis takpach Sinaí kollutsti walipuniw nina jiwk'ejj mistsüna Tatitojj nina taypinjama kolljjaru jutatap laycu. Uca jiwk'esti mä hornotjamwa mistsüna, ucatsti takpach kolluwa wali qhathatïna.

Éxodo 19:18 Jak'a apnaqawi uñst'ayäwi

Génesis 11:5

Ukampisa Tatitux uka marka uñjiriw saraqanïna, ukhamarak jaqinakan torre lurasipkatap uñjiri,

Génesis 15:17

Kunapachatix arumäxäna, wali ch'amakäxarakïna, ukapachax mä hornow wali jiq'iskir uñstäna, mä nina wiyarakiw uka jaljat animalanak taypi sarakipäna.

Génesis 19:28

ukatsti Sodoma, Gomorra markanak uñtäna, ukhamarak taqi uka qhirwa tuqinak uñtarakïna, uksa tuqit walt'at jiwq'i makhatir uñjäna, mä jach'a hornotsa nina jiwq'ix mistkaspa ukhama.

Nehemías 9:13

“Ukatsti Sinaí qulluruw saraqantaxa, jupanakampiw alaxpachatpach parltaxa; jupanakarusti suma aski arsüwinak churtaxa, chiqpach yatichäwinaka, suma kamachi arunakampi.

Salmos 104:32

Diosax uñtanki ukapachax uraqix khathatiwa; ¡qullunakar llamkt'ki ukapachasti, jiwq'i mistuyapxi!

Salmos 114:4

¡Jisk'a qullusa, jach'a qullusa, ovej qallunakar uñtataw t'isktapxäna!

Salmos 114:7

¡Uraqi, Tatitun nayraqatapan khathatim, Jacobun Diosap nayraqatan axsartam!

Salmos 144:5

Tatay, alaxpacham jist'aram, saraqanirakim; jiwq'i mistuyapxañapatak qullunakar llamkt'am;

Salmos 18:9

9 (10) Alaxpach jist'arasin saraqanïna. Ch'iyär juri qinayxaruw takt'äna.

Salmos 68:9

9 (10) Diosaxay, jumaw walja jallunak apayantaxa; markamax q'ala aynacht'atänwa, ukampis jumaw ch'am churtaxa.

Salmos 77:18

18 (19) Q'ixu q'ixunakamax jach'a thayampi chikaw ist'asïna, lliju llijunakamax taqi akapach qhant'ayäna, uraqisti khathatirakïnwa.

Salmos 77:19

19 (20) Jumax lamar qutan thakhi jist'arastaxa, walja umanak taypinjam makhattaxa, ukampis janiw khitis takt'atam jikxatkänti.

Éxodo 19:13

Ukampis janiw juchanirux khitis amparamp nuwjañapäkiti jan ukasti, qalanakamp jayat k'upjasa, mich'inakamp antutt'askamaw jiwayapxäta. Jaqïpasa, uywäpasa jiwañapawa. Jaqinakax trompetan phust'asitap ist'askani ukapachakiw qullurux makhatani” sasa.

Éxodo 19:17

Ukat Moisesax israelitanakar campamentot irpsuwayasin Sinaí qullu kayur Diosampi jikisiñapatak irpäna.

Éxodo 20:18

Taqpach israelitanakaw qhixu qhixunakampi, trompetan phust'atapamp ist'apxäna, lliju llijunaka, qullut jiwq'inak mistur uñjapxarakïna; jupanakasti wal axsarayasipxäna, jayatak uñch'ukipxarakïna.

Éxodo 24:17

Tatitun qhapaq kankañapasti israelitanakatakix qullu patan mä nakhantir ninar uñtatänwa.

Éxodo 3:2

Ukansti Tatitun angelapaw mä lawraskir ninan Moisesar uñstäna, zarza sat ch'aphi ali taypina. Moisesax sum uñtäna, ch'aphi alin aqaskiri, uka alisti janiw nakhantkänti.

Éxodo 34:2

Ukatsti Sinaí qullur arumanthi makhataniñatak wakichasirakim, ukat qullu patan nayar uñstitäta.

Isaías 6:4

Uka arunak ist'asasti, Tatitun utapan punkunakapax khathatïnwa, jiwq'irakiw phuqharanttäna.

Isaías 64:1

Alaxpach jist'arasma, ukat saraqanisma, juman ukankatamampix qullunaksa khathatiyarakisma,

Jeremías 4:24

Jach'a qullunak uñtta, ukanakasti khathatipxänwa; jisk'a qullunakas chhijthaptapxänwa.

Habacuc 3:6

Kunapachatix jupax sayt'ki ukkhax uraqis khathatiwa; uñtäwipampix markanakarus khathatiyiwa; nayrapach jach'a qullunakas allthaptiwa, jisk'a nayra qullunakas ina ch'usaruw tukupxaraki. Ukampis Tatitun thakhinakapax wiñayatakipuniwa.

Zacarías 14:5

jumanakasti uka pä qullu taypin utjkani uka qhirwanjam jaltxapxäta, uka qhirwasti maysäxankir Asal uraqkamaw purini. Jumanakax jaltxapxätawa kunjämatix Ozías reyin Judá marka apnaqäwipan nayra awkinakamax, uraqi khathati sartipan jaltxapxänxa ukhama. Tatitu Diosaxasti taqpach aski jaqinakapampiw jutani.

Mateo 24:7

Mä jach'a markax yaqha jach'a markampiw nuwasini, mä markasti yaqha markampiw ch'axwani, ukapachaw manq'at pist'añanaka, kunayman usunaka, uraq khathatinakax taqi chiqan utjani.

Deuteronomio 33:2

akham sasa: “Tatit Diosasax Sinaí qullut juti; qhanapax Edom chiqatpach qhant'anistu. Jupan k'ajatapax Parán qullunakatpach jutanti, Meribá chiqakamaw puri, Cadés uraqina. Kupi amparapar aqkir kamachinak apt'asita.

Deuteronomio 4:36

Jupasti alaxpachatpach jumanakar chiqachañatak parlanipxtam, aka uraqinxa jach'a ninap uñacht'ayapxtam, arunakapsti nina taypit ist'apxaraktaxa.

Deuteronomio 5:22

“Aka arunaksti Tatituw jach'at parläna, kunapachatix taqi jumanakax qullu kayun tantachasipkta ukapacha. Arupasti nina taypita, mä ch'iyar qinay taypit mistunïna. Tatitux pä qala tablanakaruw kamachinak qillqäna, uksti nayaruw katuyitu, ukatsti janiw kunampsa arskxänti.

Deuteronomio 5:4

Diosasti mä nina taypit jumanakampix ajanuy ajanu parli.

2 Tesalonicenses 1:7

ukat jumanak t'aqhisirinakar samarañ churañapataki, kunjämtix nanakar churapkitu ukhama. Ukasti kunürutix Tatit Jesusax ch'aman angelanakapampi uñstankan ukkhaw phuqhasini, alaxpachat nina lawranak taypinjam jutkan ukapacha.

2 Tesalonicenses 1:8

Khitinakatix Diosar jan uñt'apki ukanakaru, Jesucristo Tatitusan suma yatiyäwi arunakap jan jaysapki ukanakar mutuyiriw jutani.

Hebreos 12:18

Jumanakasti janiw israelitanakjamax jak'achasipktati, kawkïr qullutix llamkt'añjamäkän ukaruxa, uka qullux ninjamaw aqäna, kawkhantix laxa ch'amakasa, thayas utjkäna ukaruxa;

Hebreos 12:26

Khä urunakan Diosax parlxaykän ukkhax, arupax aka uraqirux khathatiyänwa. Jiwasatix Diosan alaxpachat arsutapar jan ist'kañäni ukkhax, mutuyataw uñjasiñäni. Jichhax jupax siwa: “Mä kutimpiw khathatiyä, janiw uraqikti, jan ukasti alaxpachamppach khathatiyä” sasa.

2 Pedro 3:10

Ukampis Tatitun jutañap urux akatjamat lunthatar uñtataw purinini. Alaxpachanakasti mä jach'a axsarkañ uxuñampiw t'unthaptani, kunanakatix alaxpachan utjki ukanakax ninamp tukjatäniwa, uraqisti, kunanakapatix utjki ukanakamppach Diosan taripäwipar katuyatäniwa.

Apocalipsis 15:8

Qullan utjäwisti jiwq'impi phuqhantatänwa, uka jiwq'isti Diosan jach'a kankañapata, ch'amapat jutäna, janirakiw khitis ukarux mantañatak ch'amanïkänti, kuntix paqallqu angelanakax paqallqu t'aqhisïwinak apapkän ukanakan phuqhasiñapkama.

Apocalipsis 9:2

Ukatsti uka ch'amak manqha jist'aräna, uka ch'amak manqhatxa jiwq'iw mistüna mä jach'a hornot mistunkaspa ukhama; uka jiwq'iw intiru, saman thayar q'al ch'amakt'ayäna.

Jueces 5:5

Tatay, juman nayraqatamana, Israelan Diosapa, juman nayraqatamana, qullunakax khathatïna, Sinaí qullus khathatïna.