Éxodo 19:16 - Qullan Arunaca

¹⁶ Ucat quimsüru alwatasti ist'asïnwa llijullijunaca, khejjokhejjonacasa, uqhamarac wali ch'amac kenayaraquiw kollu patjjaru jitjjataraquïna. Uqhamaraqui pututu phust'atanacapas wali jach'at ist'asiraquïna, israelitanacajj campamentotpacha ist'asinjja wali ajjsarayasipjjäna.

Aymar Bibliia 1986

¹⁶ Ucat quimsüru alwatasti ist'asïnwa llijullijunaca, khejjokhejjonacasa, uqhamarac wali ch'amac kenayaraquiw kollu patjjaru jitjjataraquïna. Uqhamaraqui pututu phust'atanacapas wali jach'at ist'asiraquïna, israelitanacajj campamentotpacha ist'asinjja wali ajjsarayasipjjäna.

Qullan Arunaka DC

¹⁶ Kimsïr uru willjtarusti, qhixu qhixunakampi, lliju llijunakampiw utjäna; qullu patxarusti mä wali ch'amak qinayaw jitxattarakïna. Ukatsti trompetan ch'amamp phust'atapaw campamentonkirinakar axsarañat khathatiyäna.

Éxodo 19:16 Jak'a apnaqawi uñst'ayäwi

2 Samuel 22:10

Alajjpach jist'arasin sarakanïna, cayunacap mankhäjjansti, ch'iyär juri kenayanacaw utjäna:

2 Crónicas 5:14

Uca kenaya phokhantatap laycusti sacerdotenacajja, janiw juc'amp kheparañ muncjjapjjänti Tatitur yupaychañataqui, Tatitun jach'a cancañapajj templor phokt'atap laycu.

Job 38:25

¿Qhitis jallurojj mistuñapa jist'arejja, jach'a thayarusa sarañap uñacht'ayejja?

Salmos 50:3

Diosasajj jutasquiwa, janiw amuc jutquiti: naqhantir ninaw nayrakatapanjam jutasqui, jach'a tutucamp muyuntataw jutascaraqui.

Salmos 77:18

Khejjokhejjonacamajj jach'a thayamp chicaw ist'asïna, llijullijunacamajj acapachpach khant'ayäna, orakesti qhathatïnwa.

Salmos 81:8

Marcajjay, ewjjanacajjar ist'am, Israel marca, nayarojj ist'aquitasma:

Salmos 97:4

Khejjokhejjonacapajj acapach khantayi, uc uñjasinsti orakejj ajjsarañat qhathati.

Éxodo 19:11

Jupanacasti jurpüru alwataquejja suma waquichatäpjjañapawa. Naya Tatitusti jurpür alwaw Sinaí kollurojj sarakanëjja take israelitanacansa uñjcata.

Éxodo 19:15

Moisesasti marcarojj sänwa: —Jurpüru alwataquisti suma waquichasipjjam, jan warminacamampis icthapipjjamti —sasa.

Éxodo 19:17

Ucatsti Moisesajj campamentotjja israelitanacarojj ansuwayänwa Diosampi jiquisiñataqui. Ucat kollu cayur purisasti ucqhatwa suyt'apjjäna.

Éxodo 19:9

Ucampis Tatitojj Moisesarojj sascaquïnwa: —Uñjätawa, nayasti jumaruw uñstäma wali ch'amac kenay taypita, uqhamata jakenacajj nayajj jumampi parliri ist'apjjañapataqui. Ucata jumarojj iyawsas confiasipjjañapataqui —sasa. Ucampis Moisesajj israelitanacan arsusitanacapjja Tatiturojj yatiyänwa.

Éxodo 20:18

Takpach israelitanacaw uñjapjjäna llijullijunacsa, ist'apjjaraquïna khejjokhejjonaca, trompetanacan suenanacapsa, uqhamarac kollut wali jiwk'enac mistursa; ucatsti jupanacajj wali ajjsarayasisajj jayatacwa uñch'uquipjjäna.

Éxodo 20:21

Ucampis israelitanacajj cawqhancapcäntejj ucqhatjja janiw onjjtapcänti. Uccañcamasti Moisesajj cawqhanccäntejj Diosajj uca ch'amac kenayarojj jac'achascaquïnwa.

Éxodo 40:34

Mä kenayaw Tatitumpi Jiquisiñ Carpa patjjarojj urpjjatäna, ucatsti uca carparojj Tatitun jach'a cancañapaw phokt'äna.

Éxodo 9:23

Ucampis Moisesajj thujrup ayjjarusinwa alajjpachar loktäna, ucatsti Tatitojj purintayänwa wali khejjokhejjonaca, llijullijunaca, chhijchhinaca uqhama take Egipto marcpacharu chhijchsuñapataqui.

Jeremías 5:22

Naya Tatituw sista: ¿Janit jumanacajj nayaru ajjsarapquista? ¿Janit naya nayrakatan qhathatipcta? Nayaw kota thiyjja uscta jach'a kotataquejj korpäcaspas uqhama, uca korpsti janiw jach'a kotajj pasancaspati. Mathapinacapas inamayaquiw ucan sartasqui, khothutisipquiwa, ucampis janiw pasanipcaspati.

Nahúm 1:3

Dios Tatitojj wali llamp'u chuymaniwa, ucampis wali ch'amaniraquiwa, juchanirusti juchapjja uñt'asiyapuniniwa. Tatitojj jach'a ajjsarcañ thayanac patan sarnake, kenayanacasti cayunacapan polvonacapawa.

Mateo 24:31

Angelanacaparusti qhitaniraquiniw wali jach'at trompetanac phust'aniñapataqui, ucampiraquiw ajllitanacaparojj pusi toketpacha jawsthapini aca orakena, maysa thiyat maysacama.

Deuteronomio 5:5

Nayasti ucancascäyätwa jumanacampi Tatitu Diosampi chica taypina, Diosan arunacapa jumanacar yatiyañataqui, jumanacajj ninaru ajjsarapjjatam laycu, ucatwa jan kollurojj maqhatapcäyätati. Ucatsti Tatitu Diosajj sänwa:

Hebreos 12:21

Cunja ajjsarcañänsa take cunatejj uñstcän ucajja, Moisés pachpaw säna: “Ajjsarañatwa qhathatiscta” sasa.

Apocalipsis 1:10

Cunürutejj Tatitun urupäcäna uca urunwa nayajj Kollan Ajayun apnakata uñjasta, ucatsti mä jach'a aru ist'ta khepäjjajjat art'asiniri. Uca arusti mä trompetas phust'ascaspa uqhamänwa, ucatsti saraquituwa:

Apocalipsis 11:19

Ucatsti alajjpachanjja Tatitun templopaw jist'artäna, Diosan arust'äwi luratanacapäquis uca arcas uñstaraquïnwa. Ucatsti llijullijunaca, khejjokhejjonacaraquiw utjäna, wali ojjoñanaca, orak qhathatis utjaraquïnwa, chhijchhis wal puriraquïna.

Apocalipsis 4:1

Uca pasatatsti alajjpachwa uñtta, ucatsti uñjaractwa alajjpachanjja mä puncu jist'aratäsquiri. Kalltan trompetar uñtat parljjayquitän uca arusti saraquituwa: “Maqhatanim acaru ucatsti cunanacatejj acat kheparu lurascani ucanac uñacht'ayäma” sasa.

Apocalipsis 4:5

Uca tronotsti llijullijunaca, uqhamarac k'ejjok'ejjonacan suenatapaw mistuniraquïna. Uca trono nayrakatansti pakallko jach'a nina mechanacaw akaraquïna, ucanacasti Diosan pakallko ajayupawa.

Apocalipsis 8:5

Ucatsti angelajj incensario catusinjja, altarancquis uca nina sanc'anacampiw phokhantäna, ucatsti aca orakeruw ucjja wartanjjäna. Aca orakensti khejjokhejjonaca, ojjoñanaca, llijullijunaca, mä orak qhathati cunaw utjaraquïna.