Éxodo 19:16 - Qullan Arunaka DC

¹⁶ Kimsïr uru willjtarusti, qhixu qhixunakampi, lliju llijunakampiw utjäna; qullu patxarusti mä wali ch'amak qinayaw jitxattarakïna. Ukatsti trompetan ch'amamp phust'atapaw campamentonkirinakar axsarañat khathatiyäna.

Aymar Bibliia 1986

¹⁶ Ucat quimsüru alwatasti ist'asïnwa llijullijunaca, khejjokhejjonacasa, uqhamarac wali ch'amac kenayaraquiw kollu patjjaru jitjjataraquïna. Uqhamaraqui pututu phust'atanacapas wali jach'at ist'asiraquïna, israelitanacajj campamentotpacha ist'asinjja wali ajjsarayasipjjäna.

Qullan Arunaca

¹⁶ Ucat quimsüru alwatasti ist'asïnwa llijullijunaca, khejjokhejjonacasa, uqhamarac wali ch'amac kenayaraquiw kollu patjjaru jitjjataraquïna. Uqhamaraqui pututu phust'atanacapas wali jach'at ist'asiraquïna, israelitanacajj campamentotpacha ist'asinjja wali ajjsarayasipjjäna.

Éxodo 19:16 Jak'a apnaqawi uñst'ayäwi

2 Samuel 22:10

Alaxpach jist'arasin saraqanïna. ¡Kayunakap takt'añapan, ch'iyär qinayanakaw utjäna!

2 Crónicas 5:14

uka qinayan phuqhantatap laykusti, sacerdotenakax janiw Tatitur yupaychañatak qhiparirjamäpkänti, Tatitun jach'a kankañapan Tatitun utapar phuqhantatap layku.

Job 38:25

¿Khitin jallu purxatayatapsa, jach'a thayarus thakhip uñacht'ayatap yattati?;

Salmos 50:3

Diosasax jutaskiwa, janiw amuk jutkiti: nakhantir ninaw nayraqatapanjam jutaski; jach'a tutukampi muyuntataw jutaski.

Salmos 77:18

18 (19) Q'ixu q'ixunakamax jach'a thayampi chikaw ist'asïna, lliju llijunakamax taqi akapach qhant'ayäna, uraqisti khathatirakïnwa.

Salmos 81:8

8 (9) Markaxay, iwxanakaxar ist'am; ¡Israel marka, inachay ist'itasma!

Salmos 97:4

Lliju llijunakapax akapach qhantayi; ¡uk uñjasinsti uraqix axsarañat khathati!

Éxodo 19:11

jurpür willjtatak sum wakichasipxpan, naya, Tatitusti jurpür willjtaw Sinaí qullur saraqanï, taqi israelitanakan uñjkaña.

Éxodo 19:15

Moisesasti jupanakar sänwa: —Jurpürutak sum wakichasipxam, ukchañkamasti warminakamamp jan mayachasipxamti —sasa.

Éxodo 19:17

Ukat Moisesax israelitanakar campamentot irpsuwayasin Sinaí qullu kayur Diosampi jikisiñapatak irpäna.

Éxodo 19:9

Tatitusti Moisesarux akham sarakïna: —Nayax jumar wali ch'amak qinay taypin uñstäma, markan jumampi parlatax ist'añapataki, jumatsti jan pächasisipkañapataki —sasa. Moisesasti israelitanakan arsusitanakap wasitat Tatitur yatiyäna.

Éxodo 20:18

Taqpach israelitanakaw qhixu qhixunakampi, trompetan phust'atapamp ist'apxäna, lliju llijunaka, qullut jiwq'inak mistur uñjapxarakïna; jupanakasti wal axsarayasipxäna, jayatak uñch'ukipxarakïna.

Éxodo 20:21

Ukchañkamasti israelitanakax jayjankakïnwa, Moisesasti Diosax jikxataskän uka ch'amak qinayaruw jak'achasïna.

Éxodo 40:34

mä qinayaw Tatitumpi Jikisiñ Carpa patxar urpxatäna, ukatsti Tatitun jach'a kankañapaw qullan chiqawja phuqhantarakïna.

Éxodo 9:23

Moisesasti thujrup ayxarusin amparap alaxpach tuqir luqtäna, ukatsti Tatitux qhixu qhixunaka, lliju llijunaka, chhijchhinak uraqxar apayanïna. Egipto markpachan chhijchhintayäna,

Jeremías 5:22

Naya, Tatituw jiskt'apxsma: ¿Janit jumanakax nayar axsarapkista? ¿Janit naya nayraqatan khathatipkta? Nayaw quta thiy uskta, jach'a qutatakix qurpapäkaspas ukhama, uka qurpsti janiw jach'a qutax llumikipankaspati. Mathapinakapas inamayakiw ukan sartaski, qhuthutiskaraki, ukampis janiw umax jilarankaspati.

Nahúm 1:3

Dios Tatitux wali llamp'u chuymaniwa, ukampis wali ch'amanirakiwa, juchanirus juchapxa uñt'asiyapuniniwa. Tatitux jach'a axsarkañ thayanak patan sarnaqi, qinayanakasti kayunakapan laq'a sartayatapawa.

Mateo 24:31

Jupaw angelanakapar khithanini, jach'at trompeta phust'añapataki, ukampiw ajllitanakapar pusi tuqit jawsthapini; maysa thiyata maysa thiykama.

Deuteronomio 5:5

Nayasti ukankaskäyätwa, Tatitumpi jumanakampi uka chika taypina, Diosan arunakap jumanakar yatiyasa, jumanakasti ninaru axsarapxatamat qullurux jan makhatapktati. Tatitusti akham säna:

Hebreos 12:21

Kunatix utjkän ukax sinti axsarkayänwa, Moisés pachpaw säna: “Axsarañat khathatiskta” sasa.

Apocalipsis 1:10

Kunürutix Tatitun urupäkän uka urun nayax Qullan Ajayun apnaqat uñjasta, ukatsti mä jach'a aru ist'ta qhipäxaxat art'asiniri, uka arusti mä trompetas phust'askaspa ukhamänwa,

Apocalipsis 11:19

Ukatsti Tatitun utapan punkunakapaw alaxpachan jist'artäna, uka utap manqhansti arust'äwipa arcaw uñstäna. Ukatsti lliju llijunakampi, qhixu qhixunakampiw utjäna, wali uxuñanaka, uraq khathatinaka, wali ch'aman chhijchhimpiw utjarakïna.

Apocalipsis 4:1

Uka qhipatsti alaxpachan mä punku jist'arat uñjta; ukatsti trompetan phust'atapar uñtat nayraqat parlxaykitu uka arux sarakituwa: “Akawjar makhatanim, ukatsti kunanakatix akat qhipar luraskani ukanak uñacht'ayäma” sasa.

Apocalipsis 4:5

Uka qhapaq qunuñatsti uxutanakampi, lliju llijunakampi, q'ixu q'ixunakampiw mistunïna, uka qunuñ nayraqatansti paqallqu nina wiyanakaw aqarakïna, ukanakasti Diosan paqallqu ajayupawa.

Apocalipsis 8:5

Ukatsti angelax incienso q'apichañ katusinxa, altarankir nina sank'anakampiw ukar phuqhantäna, ukatsti aka uraqiruw uk wartanxäna; ukapachasti taqi chiqanakan qhixu qhixunakampi, uxuñanakampi, lliju llijunakampi, uraq khathatimpiw utjarakïna.