Éxodo 19:12 - Qullan Arunaca

¹² Ucampis jumajja kollu cayurojja chimpt'ataw, uqhamat israelitanacajj jan pasapjjañapataqui. Ucatsti sascaquim: ‘Jumanacasti ajjsarapjjätawa, kollurusti janiw maqhatapjjätati, ni chimpt'atäqui ucsa pasapjjaraquïtati, ucampis qhititejj kolluru jac'achani ucajja jiwaniwa.

Aymar Bibliia 1986

¹² Ucampis jumajja kollu cayurojja chimpt'ataw, uqhamat israelitanacajj jan pasapjjañapataqui. Ucatsti sascaquim: “Jumanacasti ajjsarapjjätawa, kollurusti janiw maqhatapjjätati, ni chimpt'atäqui ucsa pasapjjaraquïtati, ucampis qhititejj kolluru jac'achani ucajja jiwaniwa.

Qullan Arunaka DC

¹² Ukampis qullu kayurux chimpunak uchäta, israelitanakan jan makhataniñapataki, jupanakarusti saskakim: “Janiw qullur makhatapxätati, janirakiw thiyanakaparus jak'achasipxätati, chimputäki uksa janiw makhatapxätati, qullur jak'achasirix jiwayataw uñjasini.

Éxodo 19:12 Jak'a apnaqawi uñst'ayäwi

Éxodo 10:28

Ucatsti faraonajj Moisesar sänwa: —Saram acata, sum amuyasim, janiw mayampis acar jutätati, cunürutejj wastatampi jutäta ucapachajj jiwätawa —sasa.

Éxodo 19:21

Ucat Tatitusti Moisesarojj sänwa: —Sarasinjja yatiyam israelitanacarojja, chimpt'atäqui ucjja jan pasanipjjpanti nayaru uñjañataquejja. Jupanacatejj jan ist'asis pasanipjjani ucajja waljaninacaw jiwarapjjani.

Éxodo 19:23

Moisesasti Tatiturojj saraquïnwa: —Israelitanacasti Sinaí kollurojj janiw maqhatapcaniti, jumasti sapjjestawa mä chimpuw uchañataqui, ucqhatsti jan pasañataqui —sasa.

Éxodo 24:2

Ucatsti juma sapaquiw jac'achasinïta cawqhancctejj nayajj ucqharu, ucampis mayninacajj janiw jac'achasinipjjañapäquiti, ni jakenacasa jumampi chicajj sarapjjañapäquiti —sasa.

Éxodo 34:12

“Janiw jumajj sumancañaru mantätati cawqha marcanacarutejj jumajj mantcäta ucanjja, jupanacasti inampis jan walt'añaru puriyapjjeristama.

Éxodo 34:3

Jumampisti janiw qhitisa kollurojj maqhatañapäquiti, ni kollunsa qhitisa utjañapäquiti, uqhamarac kollu nayräjjanjja janiwa ovejanacsa, ni vacanacsa awatipjjañamäquiti —sasa.

Deuteronomio 2:4

Aca ewjjanacarac marcarojj churam: Jumanacasti Esaú chachan wawanacapan orakepanjam pasapjjaraquïta, cawquïrinacatï Seir oraken jacapqui, jupanacasti jumanacan familianacamawa, jumanacarojj ajjsarapjjtamwa, ucampisa wal amuyasipjjam.

Deuteronomio 4:9

Jichhasti sum imapjjam, janirac armasipjjamti take cuntï uñjapcta ucanacjja ni chuymanacamatsa mistpanti, ucat sipansa yatichapjjam wawanacamansa wawanacaparu.

Hebreos 12:18

Jumanacajj janiw jac'achasipctati israelitanacjama qhaya kolluru llamct'añjamäcän ucarojja, ucanjja ninaraquiw akäna, lajja ch'amacanacan jach'a thayampi cuna;

Josué 3:4

uqhamatwa yatipjjäta cawqha chekatï sarapjjañamäqui ucjja jan maynis jumanacatjja uca thaquinjam sarañ yatitap laycu; ucatsti janiraqui jac'ar maqhatapjjamti, khepatac arcapjjam mä waranka metros jaljqui uqharjama” sasa.