Éxodo 19:12 - Qullan Arunaka DC

¹² Ukampis qullu kayurux chimpunak uchäta, israelitanakan jan makhataniñapataki, jupanakarusti saskakim: “Janiw qullur makhatapxätati, janirakiw thiyanakaparus jak'achasipxätati, chimputäki uksa janiw makhatapxätati, qullur jak'achasirix jiwayataw uñjasini.

Aymar Bibliia 1986

¹² Ucampis jumajja kollu cayurojja chimpt'ataw, uqhamat israelitanacajj jan pasapjjañapataqui. Ucatsti sascaquim: “Jumanacasti ajjsarapjjätawa, kollurusti janiw maqhatapjjätati, ni chimpt'atäqui ucsa pasapjjaraquïtati, ucampis qhititejj kolluru jac'achani ucajja jiwaniwa.

Qullan Arunaca

¹² Ucampis jumajja kollu cayurojja chimpt'ataw, uqhamat israelitanacajj jan pasapjjañapataqui. Ucatsti sascaquim: ‘Jumanacasti ajjsarapjjätawa, kollurusti janiw maqhatapjjätati, ni chimpt'atäqui ucsa pasapjjaraquïtati, ucampis qhititejj kolluru jac'achani ucajja jiwaniwa.

Éxodo 19:12 Jak'a apnaqawi uñst'ayäwi

Éxodo 10:28

Faraonasti jach'at Moisesar sarakïna: —Saram akata, sum amuyasim, janiw mayampis akar jutätati, kunürutix nayan nayraqataxar wasitat uñstitätaxa, jiwätawa —sasa.

Éxodo 19:21

Tatitusti Moisesarux sänwa: —Saraqasin israelitanakaruw yatiyäta, chimputäki uka chiqat janipun nayar uñjañatak makhatanipxpati, jan ist'asis jak'achasinipxaspa ukaxa, waljaniw jiwaraspa.

Éxodo 19:23

Moisesasti Tatitur sarakïnwa: —Israelitanakax janiw Sinaí qullur makhatanipkaniti, juma pachpaw qullu kayur mä chimpu uchayapxistaxa, ukawjan jumatakik yaqhachatätap layku —sasa.

Éxodo 24:2

Juma sapakiw nayan ukar jak'achasinïta; mayninakax janiw jak'achasipxañapäkiti, jaqinakas janirakiw jumamp chikax makhatapxañapäkiti —sasa.

Éxodo 34:12

“Mantapkäta uka uraqin jakirinakampix janiw jumanakax kuna arust'äwsa lurapxätati, jupanakax jan walt'añaruw puriyapxiristam.

Éxodo 34:3

Janiw khitis jumamp chikax makhataniñapäkiti, janiw khitis qullu jak'an sarnaqañapäkiti; janirakiw ovejanakasa, vacanakas qullu jak'an manq'añapäkiti —sasa.

Deuteronomio 2:4

Markarusti akham iwxarakim: Jumanakax Esaú chachan wawanakapan uraqip chiqaw sarakipapxäta, jupanakasti Seír chiqan jakapxi, jumanakan wila masinakamawa, jumanakarux axsarapxtamwa, ukampis wal amuyasipxam,

Deuteronomio 4:9

Jichhasti sum imapxam, janipun armasipxamti taqi kuntix uñjapkta ukanaka, janirak chuymanakamatsa mistpanti; ukat sipana, wawanakamansa wawanakapar yatichapxam.

Hebreos 12:18

Jumanakasti janiw israelitanakjamax jak'achasipktati, kawkïr qullutix llamkt'añjamäkän ukaruxa, uka qullux ninjamaw aqäna, kawkhantix laxa ch'amakasa, thayas utjkäna ukaruxa;

Josué 3:4

ukhamat yatipxäta kawkha chiqtix sarapxañamäki uka, jumanakat jan maynis uka thakhinjam jan kunapachas sarapxatam layku; janipuniw arcarux jak'achasipxätati, jan ukasti, niya mä waranqa metronak qhipatak arkapxäta.”